Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Reload Captcha
தமிழகம்

தமிழகம் (6)

திருச்சி

 மிகப்பெரிய கொள்ளைச் சம்பவங்களில் ஈடுபட்ட அபிஜூன் ஷேக், தற்போது கூட்டாளிகளுடன் திருச்சி பகுதியில் தங்கியிருப்பதாக அவனது செல்போன் எண் மூலம் தெரிகிறது' என்று ஜார்க்கண்ட் காவல்துறையினரிடமிருந்து திருச்சி ஐ.ஜி அலுவலகத்துக்கு தகவல் வந்துள்ளது.

ஜார்க்கண்ட் போலீஸார் கொடுத்த செல்போன் எண்ணை டிரேஸ் செய்ததில், அந்த எண் புதுக்கோட்டை புதிய பேருந்து நிலையம் அருகேயுள்ள டைமண்ட் லாட்ஜ் அருகே இருப்பது தெரிந்தது. அடுத்த சில நிமிடங்களில், புதுக்கோட்டை நகர போலீஸார் டைமண்ட் லாட்ஜை சுற்றி வளைத்தனர். அங்கு, சந்தேகத்துக்கு இடமளிக்கும் வகையில் 6 வட மாநிலத்தவர் தங்கியிருப்பது தெரிந்தது. அவர்களிடம் விசாரணை நடத்தினர்.

விசாரணையில், `எந்த வேலை கொடுத்தாலும் செய்ய வேண்டும், 200 ரூபாய் தினக் கூலி' எனக் கூறி அபிஜுன் ஷேக் என்பவர் அழைத்து வந்ததாகத் தெரிவித்துள்ளனர். சாப்பாடு வாங்குவதற்காக அபிஜூன், அருகில் உள்ள கடைக்குச் சென்றிருப்பதாகவும் அவர்கள் தெரிவித்துள்ளனர். விசாரணை நடந்து கொண்டிருக்கும்போது, சாப்பாடு பொட்டலங்களுடன் லாட்ஜ் அறைக்குள் நுழைந்த அபிஜூன் ஷேக், போலீஸார் இருப்பதைப் பார்த்து பதறியபடி, தப்பிப்பதற்காகச் சுவர் ஏறிக் குதித்தான். அப்போது அவர் கீழே விழுந்ததில் படுகாயமடைந்தான். இதையடுத்து, புதுக்கோட்டை அரசு மருத்துவமனையில் அனுமதிக்கப்பட்டு, அங்கு அவருக்கு சிகிச்சை அளிக்கப்பட்டு வருகிறது.

போலீஸாரிடம் அபிஜுன் ஷேக் அளித்த வாக்குமூலத்தில், தமிழகத்தின் பல்வேறு இடங்களில் பெரிய நிறுவனங்களில் கொள்ளையடிக்கத் திட்டமிட்டோம். இதற்காக 200 ரூபாய் தினக்கூலி அடிப்படையில் ஐந்து இளைஞர்களை ஜார்க்கண்ட்டில் இருந்து தமிழகம் அழைத்துவந்தேன் எனக் கூறியிருக்கிறான்.

இவன் ஏற்கெனவே, திருப்பூர் மாவட்டம் காங்கேயம் பகுதியில் நடந்த மிகப்பெரிய கொள்ளைச் சம்பவத்தில் ஈடுபட்டு தப்பிச் சென்றதும் போலீஸ் விசாரணையில் தெரியவந்தது. மேலும் ஒரு வாரத்துக்கு முன்பாக புதுக்கோட்டை வந்த இந்தக் கும்பல், அப்பகுதியில் இருந்த அரசியல் பிரமுகர் நடத்திவரும் மிகப்பெரிய நகைக்கடையைக் கொள்ளையடிக்கத் திட்டமிட்டிருக்கிறது. கடந்த 2-ம் தேதி நள்ளிரவு, அந்த நகைக் கடையைக் கொள்ளையடிக்கவும் அவர்கள் திட்டம் தீட்டியுள்ளனர்.

ஆனால், அதேநாள் அதிகாலை திருச்சி லலிதா ஜுவல்லரி நகைக் கடையில் கொள்ளைச் சம்பவம் நடந்துவிட்டதால், அவர்களால் கொள்ளையில் ஈடுபட முடியவில்லை எனவும் அபிஜுன் ஷேக் போலீஸாரிடம் தெரிவித்துள்ளான். அபிஜுன் ஷேக் மருத்துவ சிகிச்சையில் இருப்பதால், மற்றவர்களை திருப்பூர் காங்கேயம் பகுதிக்கு அழைத்துச்சென்று அங்கு நடைபெற்ற கொள்ளைச் சம்பவம் குறித்து விசாரணை நடத்தினர்.

கைதுசெய்யப்பட்ட ஜார்க்கண்ட் மாநில இளைஞர்கள் ஷமீர் ஷேக், ஜியா உல் ஷேக், முகமது காலிக் ஷேக், ஷபிகுல் ஷேக், நசுருல் ஷேக் உள்ளிட்டோர் மீது கேரளா, டெல்லி, மும்பை, ஒடிசா, புவனேஸ்வர் மற்றும் மஹாராஷ்டிரா ஆகிய மாநிலங்களில் ஏராளமான வழக்குகள் உள்ளன. இந்தக் கும்பல், தமிழ்நாடு, ஆந்திரா, கர்நாடகா ஆகிய மாநிலங்களில் தங்கி, அந்தந்தப் பகுதிகளிலுள்ள நகைக்கடைகளைக் கொள்ளையடிப்பதற்காக நோட்டம் பார்த்ததும், காங்கேயத்தில் உள்ள நகைக்கடையைக் கொள்ளையடிக்க முயற்சி செய்ததையும் போலீஸார் உறுதி செய்தனர்.

அவர்களிடம் இருந்த கடப்பாரை, திருப்புளி, கத்தி, சுத்தியல், கயிறு மற்றும் மிளகாய்ப்பொடி பொட்டலங்கள், கொள்ளையடிப்பதற்கான புளூ பிரிண்ட் உள்ளிட்டவற்றைப் போலீஸார் கைப்பற்றினர். கைதான ஜார்க்கண்ட் மாநில இளைஞர்கள், திருச்சி சிறையில் அடைக்கப்பட்டுள்ளனர்.

மதுரை மாவட்டம் சமதா கட்சியின் சார்பில் மகாத்மா காந்தியடிகளின் 150 வது பிறந்தநாள் கொண்டாடப்பட்டது.

சமதா கட்சியின் மாநில துணைத் தலைவர்  டாக்டர் ஜெகநாதசீனிவாசன்   அவர்கள் காந்தியின் திருவுருவ சிலைக்கு மாலையணிவித்து மரியாதை செலுத்தினார் . இந்நிகழ்ச்சியில் மாவட்டத் தலைவர்  K.துரைப்பாண்டியன், K.ராஜேஸ், சின்ன கருப்பு, ஆன்ட்ரூஸ் ,V.நாகைய்யா, திருமங்கலம் முத்தையா மற்றும் மாவட்ட நிர்வாகிகள் பலர் கலந்து கொண்டார்கள் .

பின்னர் எமது நிருபரிடம் கருத்து தெரிவித்த சமதா கட்சியின் மாநில துணைத் தலைவர்  டாக்டர் ஜெகநாதசீனிவாசன்   கூறியதாவது:

எங்கள் தலைவர் ஜார்ஜ் பெர்னாண்டஸ் அவர்களின் கொள்கையை நிலைநாட்டும் வகையில் சமதா கட்சி செயல்பட்டுக் கொண்டிருக்கிறது. உறுப்பனர் சேர்க்கை வேகமாக நடைபெற்றுக் கொண்டிருக்கிறது. எதிர் வரும் சட்டமன்ற தேர்தலில் சமதா கட்சி ஒரு தீர்மானிக்கும் சக்தியாக இருக்கும் என்றார்.

சென்னை தண்டையார்பேட்டையைச் சேர்ந்தவர் வெங்கடேசன். இவர் சென்னை ஸ்டான்லி மருத்துவமனையில் அறுவை சிகிச்சை நிபுணராக பணியாற்றி வருகிறார். இவரது மகன் உதித் சூர்யா(19). இவர் 2019 - 2020ஆம் ஆண்டு நீட் தேர்வில் தேர்ச்சி பெற்றதாக கூறி அதற்கான மதிப்பெண் பட்டியலுடன் தேனி மருத்துவக் கல்லூரியில் எம்.பி.பி.எஸ் படிப்பில் சேர்ந்தார். இந்த நிலையில் இவர் ஆள்மாறாட்டம் செய்து தேர்வு எழுதியதாக புகார் எழுந்தது. அதாவது கல்லூரியில் படிப்பவர் ஒருவர், தேர்வு எழுதியவர் வேறொருவர் என புகார் எழுந்தது.

இதையடுத்து நீட் நுழைவுச் சீட்டில் உள்ள புகைப்படத்தையும் படிப்பில் சேர்ந்துள்ள மாணவரின் புகைப்படத்தையும் ஒப்பிட்டு பார்த்த தேனி அரசு கல்லூரி முதல்வர் ராஜேந்திரன் மாணவர் உதித் சூர்யா மீது போலீஸில் புகார் அளித்தார். இதுகுறித்து அவரது தந்தை, தாயிடம் விசாரணை நடத்தியதில் முன்னுக்கு பின் முரணாக பதில் அளித்தனர்.

இந்த நிலையில் ஆள்மாறாட்டம் செய்தது உறுதியானதை அடுத்து உதித் சூர்யா தனது குடும்பத்தினருடன் தலைமறைவாகிவிட்டார். இதையடுத்து அவரை பிடிக்க போலீஸார் 10 தனிப்படையினரை அமைத்துள்ளனர். அவருடைய உறவினர்கள் வீடு, அவருடைய தந்தையின் நண்பர்கள் வீடுகளில் போலீஸார் சோதனை செய்தனர்.

இந்த ஆள்மாறாட்ட சம்பவம் எப்படி நடந்தது என்பது குறித்து போலீஸார் விசாரணை நடத்தி வருகின்றனர். முதல் கட்டமாக இந்த ஆள்மாறாட்ட புகாரை அசோக் கிருஷ்ணன் என்பவர்தான் தேனி அரசு மருத்துவக் கல்லூரிக்கு ஈமெயில் மூலம் புகார் அளித்தது தெரியவந்தது. ஆள்மாறாட்டம் செய்து தேர்வு எழுதியதை தனது விடுதி அறையில் இருந்த மாணவர்களிடம் உதித் சூர்யா கூறியதாக தெரிகிறது.

இதுகுறித்து போலீஸாரும் மருத்துவத் துறை அதிகாரிகளும் விசாரணை நடத்தி வருகின்றனர். . ஆள்மாறாட்டம் செய்ய பயிற்சி மையத்தை சேர்ந்தவர்கள் உதவி செய்தனரா என்ற கோணத்தில் போலீஸார் விசாரணை நடத்தி வருகின்றனர். இந்த ஆள்மாறாட்டம் செய்து தேர்வு எழுதப்பட்ட விவகாரத்தில் பல லட்சம் ரூபாய் கைமாறியிருக்கலாம் என தெரிகிறது. மேலும் சான்றிதழ் சரிபார்ப்பின் போது நீட் நுழைவுச் சீட்டில் உள்ள புகைப்படத்துக்கும் நேரில் வந்துள்ளவருக்கு வித்தியாசத்தை அங்கிருந்த அதிகாரிகள் கண்டுபிடிக்காதது ஏன் என்ற கேள்வியும் எழுந்துள்ளது.

இந்த ஆள்மாறாட்ட விவகாரத்தில் அதிகாரிகளுக்கும் தொடர்பிருக்கலாம் என்ற சந்தேகத்தின் அடிப்படையில் போலீஸார் விசாரணை நடத்தி வருகின்றனர். எனினும் தந்தை வெங்கடேசனையும் உதித் சூர்யாவையும் கண்டுபிடித்தால் மட்டுமே பல்வேறு உண்மைகள் வெளிவரும் என தெரிகிறது.

 
 

டெல்லி

தேர்தல் ஆணையத்தின் பரிந்துரையை ஏற்று, வேலூர் மக்களவை தொகுதி தேர்தலை ரத்து செய்து குடியரசு தலைவர் ராம்நாத் கோவிந்த் உத்தரவிட்டுள்ளார். நாளை மறுநாள் தமிழகத்தில் தேர்தல் நடைபெற உள்ள நிலையில், வேலூர் தொகுதியில் தேர்தல் ரத்து செய்யப்பட்டுள்ளது. திமுக பொருளாளர் துரைமுருகனின் மகனும் தி.மு.க வேட்பாளருமான கதிர் ஆனந்தின் கல்லூரி, பள்ளி மற்றும் வீடுகளில் வருமான வரி சோதனை நடைபெற்றதைத் தொடர்ந்து கோடிக்கணக்கில் பணம் கைப்பற்றப்பட்டதாக தகவல் வெளியாகின. இதனை தொடர்ந்து அந்த தொகுதியில் தேர்தல் ரத்து செய்யப்பட வாய்ப்பு இருப்பதாக கூறப்பட்டன.

பணப்பட்டுவாடா காரணமாக வேலூரில் தேர்தல் ரத்து செய்யப்பட வேண்டும் என்று புகார்கள் வந்ததை தொடர்ந்து, தேர்தல் ஆணையம் குடியரசுத் தலைவருக்கு பரிந்துரை செய்துள்ளதாக தகவல் வெளியாகி உள்ளது. முன்னதாக, தேர்தல் ரத்து செய்யப்படுமா அல்லது இல்லையா என்பதை தலைமை தேர்தல் ஆணையம் முடிவு செய்யும் என்று தமிழக தலைமை தேர்தல் ஆணையர் சத்யபிரத சாகு தெரிவித்திருந்தார். இதனைத் தொடர்ந்து, தேர்தலை ரத்து செய்து இந்திய தேர்தல் தலைமை ஆணையம் உத்தரவிட்டுள்ளது. வேலூர் தொகுதியில் திமுக சார்பில் கதிர் ஆனந்த், அதிமுக சார்பில் புதிய நீதி கட்சி தலைவர் ஏ.சி. சண்முகம் களமிறக்கப்பட்டனர். இது மட்டுமல்லாது அமமுக மற்றும் சுயேட்சை வேட்பாளர்களும் களத்தில் இருந்தனர். இதற்கிடையே, தேர்தல் ஆணையத்தின் அறிவிப்புக்கு பின்னால், அரசியல் அழுத்தம் உள்ளதாக துரைமுருகன் கருத்து தெரிவித்துள்ளார்.

நாடு முழுக்க மொத்தம் 91 தொகுதிகளில் முதற்கட்டமாக இன்று லோக்சபா தேர்தல் நடக்கிறது. காலை 7 மணிக்கு இந்த லோக்சபா தேர்தல் வாக்குப்பதிவு 6 மணிக்கு நிறைவு பெற்றது. பிரதமர் மோடியின் ஐந்து வருட பாஜக ஆட்சி முடிவிற்கு வந்ததை அடுத்து, தற்போது லோக்சபா தேர்தல் தொடங்கி உள்ளது. 17வது லோக்சபா தேர்தல் 7 கட்டங்களாக நடைபெற உள்ளது. முதற்கட்ட வாக்குப்பதிவு இன்று நடந்தது. இன்று மொத்தம் 18 மாநிலங்கள் மற்றும் 2 யூனியன் பிரதேசத்தில் தேர்தல் நடந்தது.
 
மொத்தம் 91 தொகுதிகளில் முதற்கட்ட வாக்குப்பதிவு நடந்தது. மே 19ம் தேதி வரை தேர்தல் நடக்க உள்ளது. அதன்பின் மே 23ம் தேதி வாக்கு எண்ணிக்கை நடைபெற்று முடிவுகள் அறிவிக்கப்படும்.

காஞ்சிபுரம் மாவட்டத்தில் அ.தி.மு.க வேட்பாளர்களை ஆதரித்து பிரசாரம் செய்த அன்புமணி ராமதாஸ்,    "எதிரணியில் உள்ள திமுகவினரிடம் சில ஆயிரம் வாக்குகள் மட்டுமே இருக்கிறது. இருப்பினும் அவர்கள் வாக்களிக்க வாக்குச்சாவடிக்கு தானே வர வேண்டும். வாக்குச்சாவடிகளில் நாம் தானே இருப்போம். நாம் மட்டும் இருந்தால் என்ன நடக்கும்" என்று கூறினார்.

அன்புமணி ராமதாஸ் தெரிவித்த கருத்து எதிர்க்கட்சிக்கு செல்லும் வாக்குகளை செல்லவிடாமல் தடுக்கும் வகையில் அமைந்திருப்பதால், அவரது பேச்சுக்கு தி.மு.க. கடும் ஆட்சேபணை தெரிவித்தது. வாக்குச்சாவடிகளை கைப்பற்றும் நோக்கத்தில் அவர் இந்த கருத்தை தெரிவித்ததாக, தேர்தல் ஆணையத்தில் தி.மு.க சார்பில் புகார் அளிக்கப்பட்டது.

இதனைத் தொடர்ந்து,  அன்புமணி மீது வழக்குப்பதிவு செய்ய திருப்போரூர் தேர்தல் அதிகாரிக்கு காஞ்சிபுரம் மாவட்ட ஆட்சியர் உத்தரவிட்டுள்ளார்.

Latest Tweets

We have # 1 Event Conference WordPress theme in the #Envato market. Know more : https://t.co/KMtE9Rcg8z https://t.co/HkvJC5P5M4
Do you remember when you joined Twitter? I do! #MyTwitterAnniversary https://t.co/ABeDbww12S
Education Conference and Food Festival variation added. #event #wordpresswebsite #theme https://t.co/DJIoXX6kpL https://t.co/FnFdbeTgtE
Follow Themewinter on Twitter

Post Gallery

சென்னை - யாழ்ப்பாணம் விமான சேவை தொடக்கம்

திருச்சியை அதிரவைத்த ஜார்க்கண்ட் கும்பல்

சமதா கட்சி சார்பில் மகாத்மா காந்தியடிகளின் 150 வது பிறந்தநாள் கொண்டாட்டம்

இலங்கையில் விவசாய கண்காட்சி

நீட் தேர்வில் ஆள்மாறாட்டம்

அமெரிக்க எரிசக்தி நிறுவன தலைவர்கள் கூட்டத்தில் மோடி பங்கேற்பு

வேலூர் தொகுதிக்கு தேர்தல் ரத்து - தேர்தல் ஆணையம் பரிந்துரையை ஏற்று ஜனாதிபதி உத்தரவு

முதற்கட்ட வாக்குப்பதிவு தொடங்கியது - 91 தொகுதிகளில் வாக்குப்பதிவு நிறைவு

பா.ஜ.கவுக்கு வாக்களிக்க வேண்டாம் - முன்னாள் நீதிபதிகள், துணை வேந்தர்கள் கோரிக்கை