Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Reload Captcha
தமிழகம்

தமிழகம் (98)

சென்னை

கோவை விமான நிலையத்தில் முதலமைச்சர் எடப்பாடி பழனிசாமி நிருபர்களுக்கு பேட்டி அளித்தார். அப்போது அவர் கூறியதாவது:

பெண்கள் அச்சமின்றி, இரவு நேரத்தில் சாலையில் செல்லும் வகையில் தமிழகம் பாதுகாப்பாக உள்ளது.கோவை மற்றும் சென்னை பெண்களுக்கு பாதுகாப்பான நகரங்களாக உள்ளது .பெண்கள் பாதுகாப்புக்கு முக்கியத்துவம் அளிக்க மத்திய, மாநில அரசுகளுக்கு உச்ச நீதிமன்றம் அறிவுறுத்தியுள்ளது.

போராட்டத்துக்கு அ.தி.மு.க அரசு எந்தவித கட்டுப்பாடும் விதிக்காது. இந்தியாவிலே தமிழகத்தில் தான் எல்லா விதமான போராட்டங்களுக்கும் அனுமதி வழங்கப்பட்டு வருகின்றன. ஊடகங்கள் குறித்து இழிவாக பேசிய திமுக பிரமுகர் ஆர்.எஸ்.பாரதிக்கு ஊடகங்கள் கண்டனம் கூட தெரிவிக்கவில்லை.

தமிழகத்தில் சிறுபான்மையினர் யாரும் அச்சப்பட தேவையில்லை. திட்டமிட்டு அரசியல் லாபத்திற்காக இஸ்லாமிய மக்கள் தூண்டப்பட்டு போராட்டத்தை நடத்த வைக்கிறார்கள். அவர்களிடையே அச்ச உணர்வை ஏற்படுத்துகிறார்கள். மத்தியில் தி.மு.க அங்கம் வகித்தபோது தான் என்பிஆர் கொண்டுவரப்பட்டது.என்பிஆர் சட்டத்தை முதலில் ஆதரித்தது திமுக தான். அதில் 3 அம்சங்கள் இப்போது மாற்றப்பட்டுள்ளது.

7 பேர் விடுதலையில் மாநில அரசுக்கு உள்ள அதிகாரத்தில் தீர்மானம் நிறைவேற்றி ஆளுநருக்கு அனுப்பி வைத்துள்ளோம்.7 பேர் விடுதலையில் ஆளுநர்தான் முடிவெடுக்க வேண்டும். 7 பேர் விடுதலை குறித்து திமுக எல்லா இடங்களிலும் பேசுகின்றது. ஆனால், நளினியை மட்டும் விடுதலை செய்தால் போதும் என்று சொன்னது தி.மு.க. 7 பேர் விடுதலை குறித்து பேச திமுகவிற்கு அருகதை இல்லை.

விவசாயிகளின் நலன் கருதியும், பருவமழையை சேமிக்கவுமே குடிமராமத்துப்பணிகள் தொடர்ந்து மேற்கொள்ளப்படுகிறது. மக்களிடையே வெற்றித் திட்டமாக உள்ளது. விவசாயிகளுக்கு ஏற்ற திட்டங்களை கொண்டு வருவதால் டிடிவி தினகரன், மு.க.ஸ்டாலின் ஆகியோரால் பொறுத்து கொள்ள முடியவில்லை.

தி.மு.க ஆட்சியில் இருந்த போது ரூ.1 லடசம் கடன் என்றால். இன்றைய விலைவாசியை பார்க்க வேண்டும். தி.மு.க வாங்கிய கடனுக்கும் சேர்த்து வட்டி கட்டி வருகிறோம். கடனும்,வட்டியும் அதிகரித்து உள்ளது.தி.மு.க ரூ.1 லட்சம் கோடி கடன் வைத்து இருந்தபோது வெள்ளை அறிக்கை விட்டார்களா?

ஜெயலலிதா பிறந்த நாள் நிகழ்ச்சிகள் இருப்பதால் டிரம்ப் நிகழ்ச்சிக்கு செல்ல முடியவில்லை. ஸ்டாலின் தொடர்ந்து முதலமைச்சர் கனவில்தான் இருக்கிறார். அடுத்த முறையும் அதிமுக தான் ஆட்சிக்கு வரும். நல்ல திட்டங்கள் அமல்படுத்தப்படுவதால் ஸ்டாலினால் பொறுத்துக்கொள்ள முடியவில்லை. கே.சி. பழனிச்சாமி அ.தி.மு.கவில் இல்லை. அவர் பல முறை குற்றங்களுக்கு சிறை சென்றுள்ளார் இவ்வாறு அவர் கூறினார்.
 
 
 
 
 

காவிரி டெல்டா பகுதியை வேளாண் மண்டலமாக மாற்றுவதற்கான அரசின் நடவடிக்கை வெறும் கானல் நீராக உள்ளது என்று தி.மு.க தலைவா் மு.க.ஸ்டாலின் கூறியுள்ளாா்.

இது தொடா்பாக அவா் வெளியிட்ட அறிக்கையில் கூறியிருப்பதாவது:

சட்டப்பேரவையில் வேளாண் மண்டலம் குறித்த சட்ட மசோதா நிறைவேற்றுவதற்கு சில நிமிஷங்களுக்கு முன்புதான் அது எங்களுக்கு வழங்கப்பட்டது. பொதுவாக இதுபோன்ற சட்ட மசோதாக்களை தோ்வுக்குழுவுக்கு அனுப்பி ஆலோசித்த பிறகே உரிய திருத்தங்களை மேற்கொண்டு நிறைவேற்றுவது வழக்கம். அதனைப் பேரவையில் வலியுறுத்தினேன். ஆளும் தரப்பில் அமைச்சா் சி.வி.சண்முகமும் மசோதாவில் குறைகள் உண்டு என்பதை ஒப்புக்கொண்டாா்.

ஏற்கெனவே, அனுமதிக்கப்பட்ட ஹைட்ரோ காா்பன் உள்ளிட்ட திட்டங்களை ரத்து செய்யாமல், திருச்சி, கரூா், அரியலூா் உள்ளிட்ட மாவட்டங்களை உள்ளடக்காமல், ரியல் எஸ்டேட் போன்ற மனை விற்பனைக்கான வரைமுறைகளை வகுக்காமல், விவசாயிகளின் வாழ்வாதாரத்தை மேம்படுத்தும் செயல்திட்டங்களில் கவனம் செலுத்தாமல், மத்திய அரசிடம் அளிக்கப்பட்ட கடிதத்துக்கான பதில் என்ன என்பதை விளக்காமல், அவசரத்தில் அள்ளித் தெளித்த கோலமாக சட்டமசோதா நிறைவேற்றக்கூடாது என்று கூறினேன்.

வேளாண் மண்டலம் என்ற அறிவிப்பின் நிலை என்ன, பலன் என்ன என்பதை திமுக மட்டுமல்ல, கூட்டணிக் கட்சியினரும் தெளிவாக விளக்கியிருக்கின்றனா். காவிரிப் பாசன விவசாய அமைப்பினரும், பூவுலகின் நண்பா்கள் போன்ற இயற்கை ஆா்வலா்களும் சட்டமசோதா முழுமையானதல்ல, வெறும் கானல் நீா் என்பதையும், மத்திய அரசின் ஹைட்ரோ காா்பன் திட்டங்கள், கடலோரப் பகுதித் திட்டங்கள் ஆகியவற்றை ரத்து செய்யாமல் வேளாண் மண்டலம் அமைக்க முடியாது, பயன் தராது என்பதையும் விரிவாக எடுத்துக்காட்டியுள்ளனா் என்று ஸ்டாலின் கூறியுள்ளாா்.

அரியலூா் மாவட்டம், சுத்தமல்லி கிராமத்தைச் சோ்ந்தவா் நடராஜன் மகன் ரேகா (16). இவா் திருச்சி மாவட்டம், லால்குடி அருகேயுள்ள வடுகா்பேட்டையில் உள்ள தனியாா் கிறிஸ்தவ மேல்நிலைப் பள்ளியில் பிளஸ் 1 படித்து வந்தாா். பள்ளிக்குச் சொந்தமான விடுதியில் தங்கியிருந்த இவரை புதன்கிழமை மாலை காணவில்லை என பள்ளி நிா்வாகம் கல்லக்குடி காவல் நிலையத்தில் புகாா் அளித்தது.

இந்நிலையில் புதன்கிழமை இரவு வடுகா்பேட்டை கோவண்டாகுறிச்சிக்கு இடைப்பட்ட பகுதி ரயில் தண்டவாளத்தில் அந்த மாணவி அடிபட்டு இறந்து கிடப்பதாக கல்லக்குடி போலீஸாருக்கு தகவல் கிடைத்தது. சம்பவ இடத்துக்குச் சென்ற போலீஸாா் விருத்தாசலம் ரயில்வே போலீஸாருக்கு அளித்த தகவலின்பேரில் ரயில்வே போலீஸாா் மாணவியின் சடலத்தைக் கைப்பற்றி அரியலூா் அரசு மருத்துவமனைக்கு அனுப்பி வைத்து விசாரிக்கின்றனா்.

திருச்சி தேசியக் கல்லூரியில் சிக்ஷா சன்ஸ்க்ருதி உத்தான் நியாஸ் (எஸ்எஸ்யுஎன்) அமைப்பு சாா்பில், ஞானோத்சவ் கல்வியியல் மாநாடு புதன்கிழமை நடைபெற்றது. இந்த மாநாட்டுக்கு திருச்சி பாரதிதாசன் பல்கலைக்கழகத் துணைவேந்தா் பி. மணிசங்கா் தலைமை வகித்தாா்.

மாநாட்டில் சிறப்பு விருந்தினராகப் பங்கேற்று, தமிழக ஆளுநா் பன்வாரிலால் புரோஹித் பேசியது:

இம்மாநாடு குணநலன், தனித்திறன் மேம்பாடுகள், விழுமியம், சுற்றுச்சூழல், தரமான கல்வி முறைகள், தாய்மொழிக்கல்வி ஆகியவையை ஈா்க்கும் வகையில் உள்ளது.முந்தைய காலத்தில் உலகின் பல்வேறு நாடுகளிலிருந்து இந்தியாவுக்குவந்து நாளந்தா, தட்சசீலா பல்கலைக்கழகங்களில் பலரும் கல்வி பயின்றனா். இதன்மூலம், அனைத்துத்துறைகளிலும் இந்தியா முன்னோடியாக இருந்து, உலகினருக்கு அறிவை ஊட்டியது.

தொடா்ந்து, குரு சிஷ்ய முறைப்படி கல்வி கற்பிக்கப்பட்டு வந்தது. அறநெறி, அறிவு போற்றும் பண்புநலன்கள் கொண்டுள்ள கல்விமுறையை குருகுலக் கல்வி முறை போதித்து வந்தது. ஆனால், ஆங்கிலேய, காலனி ஆதிக்க கல்விமுறையால் மோசமானது. அதைத்தொடா்ந்து, சுதந்திரம் பெற்ற பிறகு உயா்கல்வியில் உலகரங்கில் முக்கிய வளா்ச்சியை அடைந்துள்ளோம். அதோடு, சந்தைப்படுத்தப்பட்டு வணிகப்போக்குடனும் கல்விமுறை செயல்படுகிறது.

இன்றைய கல்விமுறையில் உள்ள குறைபாட்டை மாற்றவேண்டும் என அனைவரும் விரும்புகிறோம். பேசுகிறோமே தவிர,செயல்படுத்த முனைப்புக் காட்டுவதில்லை.இந்திய மாநிலங்கள் சராசரியாக 25.8 சதவிகிதம் அளவுக்கு உயா்கல்வியில் முன்னேறி வந்தாலும், தமிழகம் மட்டுமே 49.3 சதவிகிதம் பெற்று முதலிடத்தில் உள்ளது.இது பாராட்டுக்குரியது.

திருவள்ளுவா், விவேகானந்தா், மகாத்மா காந்தி, நெல்சன்மண்டேலா, மாா்டின் லூதா்கிங் போன்றோா் மனிதம், தன்னம்பிக்கை, ஒழுக்கம் போற்றும் கல்விமுறைக்கு அடித்தளமிட்டுள்ளனா்.குறிப்பாக இந்து, முஸ்லீம், கிறிஸ்துவம் போன்ற மதங்களில் கீதை, குரான், பைபிள் போன்ற புனித நூல்கள் மனிதனை நெறிமுறைப்படுத்துகிறது. இவை அனைத்தும் மனிதன் மனிதத்தன்மையுடன் இருக்கவேண்டும் என்பதற்கே.

அவ்வகையில் அனைவரும் ஒன்றுதான். மதத்தை சாா்ந்து மதக்கொள்கைகளை பின்பற்றினாலும், நாம் செய்யும் நன்மை,தீமை செயல்களை இறைவன் எனும் ஒருவன் கவனித்துக்கொண்டிருக்கிறான் என்பதை உணரவேண்டும்.செல்வம், ஆரோக்கியம் ஆகியவற்றை விட உயா்ந்தது மனிதனின் குணம். நல்ல பண்புநலன்களை போற்றும் விழுமியக் கல்விமுறையே நம்மை உயா்ந்த இடத்திற்கு அழைத்துச்செல்லும். இந்த நிலை நாடு முழுவதும் நிலவ வேண்டும்.

இதற்காக, சிக்ஷா சம்ஸ்க்ருதி உத்தான் நியாஸ் அமைப்புகள் செயல்பட்டு வருகிறது. உலகத்தரமான இக்கல்வி முறையை நாட்டில் மீண்டும் கொண்டு வருவதற்கு, அரசோடு மக்களும் இணைந்து செயல்படுவது அவசியம் என்றாா் ஆளுநா்.

காவல்துறையில் இரண்டாம் நிலை காவலர்கள், சிறை வார்டன்கள், தீயணைப்பு வீரர்கள் என 8 ஆயிரத்து 888 பணியிடங்களுக்கு விண்ணப்பங்களை வரவேற்று, தமிழ்நாடு சீருடைப் பணியாளர் தேர்வாணையம் கடந்த 2019 ஆம் ஆண்டு மார்ச் மாதம் அறிவிப்பாணையை வெளியிட்டது. பின், எழுத்துத் தேர்வு, நேர்முக தேர்வு, சான்றிதழ் சரிபார்ப்பு பணிகள் நடத்தப்பட்டு, பிப்ரவரி 2 ஆம் தேதி, தற்காலிக தேர்வுப் பட்டியல் வெளியிடப்பட்டது.

இதில், வேலூரில் மாவட்டத்தில் 1019  பேரும், விழுப்புரத்தில் 763 பேரும் தேர்வானதாகவும், இவர்கள் அனைவரும் ஒரு குறிப்பிட்ட தனியார் பயிற்சி மையத்தில் இருந்து ‘(சிகரம்’ என்ற பயிற்சி மையத்தில்) படித்தவர்கள் எனவும், இவர்களில் பலர் முறைகேடு செய்து தேர்வானவர்கள் எனக் கூறி, இந்த விவகாரம் தொடர்பாக சிபிஐ விசாரணைக்கு உத்தரவிட கோரி திருவண்ணாமலையை சேர்ந்த அன்பரசன் உள்ளிட்ட 15 பேர் சென்னை உயர் நீதிமன்றத்தில் வழக்கு தொடர்ந்துள்ளனர்.

அந்த மனுவில், தேர்வில் கலந்து கொண்டவர்கள் பெற்ற கட் ஆஃப் மதிப்பெண் விவரங்கள், தமிழ் மொழியில் படித்தவருக்கான இடஒதுக்கீடு ஆகியவை முறையாக வழங்கப்படவில்லை என்பதால், தற்காலிக தேர்வுப் பட்டியலை ரத்து செய்ய வேண்டும் என மனுவில் கோரப்பட்டுள்ளது. சீருடை பணியாளர் தேர்வாணைய அதிகாரிகள் உதவியுடன், தனியார் பயிற்சி மையங்கள் காவலர் தேர்வுகளில் முறைகேடுகளை நடத்தி வருவதாகவும் குற்றம் சாட்டியுள்ளனர்.

தமிழ்நாடு அரசுப் பணியாளர் தேர்வு முறைகேடுகளை விட, சீருடைப் பணியாளர் தேர்வுகளில் பெரிய அளவில் மோசடி நடந்துள்ளதாலும், இது தொடர்பாக மாநில காவலர்கள் விசாரித்தால் நியாயம் கிடைக்காது என்பதால், சிபிஐ விசாரிக்க உத்தரவிட வேண்டும் எனக் கோரியுள்ளார்.

இந்த வழக்கு இன்று நீதிபதி ஆனந்த் வெங்கடேஷ் முன் விசாரணைக்கு வந்தது. அப்போது, இந்த மனு குறித்து பதிலளிக்க ஒரு வார காலம் அவகாசம் அளிக்க காவல்துறை தரப்பில் கோரப்பட்டது.

இதனை ஏற்க மறுத்த நீதிபதி, தமிழகத்தில் நடக்கும் அனைத்து அரசு பணியார்கள் தேர்விலும் முறைகேடு நடப்பதாகவும், இதனால் மக்கள் அரசு மீதான நம்பிக்கையை இழக்க நேரிடும் என்றும் வேதனை தெரிவித்தார். குறிப்பிட்ட நிறுவனத்தில் இருந்து மட்டும் ஆயிரத்திற்கும் மேற்பட்டோர் எப்படி தேர்வானார்கள் என்றும், அவர்கள் அனைவரும் எப்படி 69.5 ஒரே மாதிரியான மதிப்பெண்கள் பெற்றார்கள் என்றும்,  எழுத்து தேர்வில் தோல்வியடைந்த இரண்டு பேரை எப்படி உடல் தகுதி தேர்வில் பங்கேற்றார்கள் என அரசு வழக்கறிஞரிடம் சரமாரியாக கேள்வி எழுப்பினார்..

இதுபோன்ற காவலர்கள் பணியில் சேர்ந்தால் காவல்துறை நிலை என்ன ஆவது என கேள்வி எழுப்பிய நீதிபதிகள்,  தமிழர்கள் ஆகிய நாம் நம்முடைய நேர்மையை இழந்துவிட்டதாகவும் தெரிவித்தார். கிராம புற மக்கள் அரசு வேலையை பெரிய விஷயமாக நினைப்பதாகவும், ஆனால் இது போன்ற சில விரும்பாதகாத நிகழ்வுகள் மூலம் அவர்களின் எண்ணம் மாறும் என தெரிவித்தார்.

இதனையடுத்து, தேர்வு நடைமுறையை நிறுத்தி வைக்க உத்தரவிட்ட நீதிபதி, மனு குறித்து மார்ச் 5 ஆம் தேதிக்குள் பதிலளிக்க உத்தரவிட்டார். அப்போது அரசு தரப்பில் ஆஜரான அரசு கூடுதல் தலைமை வழக்குரைஞர் அரவிந்த் பாண்டியன், கடந்த 10 ஆண்டுகளாக நடைபெற்ற தேர்வு நடைமுறைகளில் இதுபோன்ற முறைகேடுகள் ஏற்படவில்லை என்றும் இதுகுறித்த அனைத்து ஆவணங்களையும் பார்த்த பின் இறுதி உத்தரவு பிறப்பிக்க வேண்டும் என தெரிவித்தார்.
 
 
 
 
 

சேலம்

தமிழகத்தின் மூன்றாவது பெரிய கட்சியாக பாட்டாளி மக்கள் கட்சி திகழ்கிறது என அக்கட்சியின் தலைவர் ஜி.கே. மணி பெருமிதம் தெரிவித்துள்ளார்.

சேலம் மாவட்டம் ஓமலூரில் நடைபெற்ற நிர்வாகிகள் ஆலோசனைக் கூட்டத்தில் அவர் பேசியது:

பா.ம.க நிர்வாகிகளும், தொண்டர்களும் இப்போதே தேர்தல் வேலைகளை தொடங்க வேண்டும் என்றும், கிராமம் கிராமமாக சென்று வீடு தவறாமல் ஆதரவு திரட்டும் பணிகளை மேற்கொள்ள வேண்டும் எனக் கேட்டுக்கொண்டார். தமிழகத்தின் 3-வது பெரிய கட்சியாக பா.ம.க உருவெடுத்துள்ளதாகவும், அதை மனதில் வைத்து அந்த இடத்தை தக்கவைக்கும் பொருட்டு பணிகள் இருக்க வேண்டு என கேட்டுக்கொண்டார்.

தி.மு.க, அ.தி.மு.கவுக்கு அடுத்தபடியாக 3-வது பெரிய கட்சி யார் என்பதில் பா.ம.க, தே.மு.தி.க, அ.ம.மு.க, மக்கள் நீதி மய்யம், போன்ற கட்சிகளிடையே போட்டி நிலவி வருகிறது. தே.மு.தி.க தான் 3-வது பெரிய கட்சி என அக்கட்சியின் பொருளாளர் பிரேமலதா விஜயகாந்த் கூறி வரும் நிலையில், பா.ம.க தான் 3-வது பெரிய கட்சி என கூறினார்.

திருச்சி மாவட்ட விவசாயிகளின் மிக முக்கிய நீர் ஆதாரமாக விளங்குவது காவிரி ஆறு. இந்த ஆற்றில் திருச்சி மாவட்ட எல்லையான பெட்டவாய்த்தலை முதல் கம்பரசம்பேட்டை வரை பல கூட்டுக்குடிநீர் திட்டங்களுக்காக தண்ணீர் எடுக்கப்பட்டு வருகிறது. மேலும், சிறுகமணி காவிரி ஆற்றில் இருந்து திருச்சி ெரயில் நிலையத்திற்கு தண்ணீர் கொண்டு செல்வதற்கான பணிகள் கடந்த ஆண்டு தொடங்கப்பட்டன. அப்போது, அந்த பகுதி விவசாயிகள் கடும் எதிர்ப்பு தெரிவித்ததால் அந்த திட்டம் கிடப்பில் போடப்பட்டது.

தற்போது, காவிரி ஆறு வறண்டு காணப்படும் நிலையில், இப்பகுதியில் நிலத்தடி நீர்மட்டம் வெகுவாக குறைந்து வருகிறது. இந்தநிலையில் மீண்டும் திருச்சி ரெயில் நிலையத்துக்கு தண்ணீர் கொண்டு செல்வதற்கான பணிகளுக்காக சிறுகமணி சமுதாய கூடத்தில் கலந்தாய்வு கூட்டம் நடைபெறுவதாக அறிவிக்கப்பட்டிருந்தது. அதன்படி நேற்று காவிரி மீட்பு குழுவினர், பொன்வயல் உழவர் மன்றத்தினர் மற்றும் பொதுமக்கள் அங்கு வந்தனர்.

ஆனால், கூட்டம் அங்கு நடைபெறவில்லை, ஸ்ரீரங்கம் தாலுகா அலுவலகத்தில் நடைபெறுகிறது என்று தெரிவித்தனர். இதனால் அங்கு வந்த விவசாயிகள் மற்றும் பொதுமக்கள் வேதனை அடைந்தனர். பின்னர், தங்கள் எதிர்ப்பை பதிவு செய்யும் வகையில் பேரூராட்சி செயல் அதிகாரியிடம் கோரிக்கை மனுக்களை கொடுத்துவிட்டு சென்றனர்.

மதுரை நகரிலிருந்து சுமார் 13 கி.மீ தூரத்தில் சிவகங்கை மாவட்டத்தில் அமைந்துள்ள கீழடி கிராமத்தில் ஏற்கனவே நடந்த அகழாய்வுகளில் பழங்கால கட்டடத் தொகுதிகளும் தொல்பொருட்களும் கிடைத்திருக்கும் நிலையில், ஆறாவது கட்ட அகழாய்வு இன்று துவங்கப்பட்டுள்ளது.

2014 ஆம் ஆண்டிலிருந்து 2017ஆம் ஆண்டுவரை முதல் மூன்று கட்ட அகழாய்வுகளை மத்தியத் தொல்லியல் துறை மேற்கொண்டது. இதில் 7818 தொல்பொருட்கள் கண்டெடுக்கப்பட்டன. அதற்குப் பிறகு இங்கு ஆய்வு நடத்த மத்திய அரசு முன்வரவில்லை. இதையடுத்து அடுத்தகட்ட அகழாய்வுகளை தமிழக அரசின் தொல்லியல் துறையே நடத்த முன்வந்தது.

2018-19ல் 55 லட்ச ரூபாய் செலவில் நான்காவது கட்ட அகழாய்வை மாநில தொல்லியல் துறை நடத்தியது. இதில் 5820 தொல்பொருட்களும் பழங்காலக் கட்டடத் தொகுதிகளும் வெளிப்பட்டன. தமிழ் பிராமி எழுத்துகளுடன் கூடிய 56 பானை ஓடுகளும் குறியீடுகள் பொறிக்கப்பட்ட 1001 பானை ஓடுகளும் கிடைத்தன.

அதற்குப் பிறகு 47 லட்ச ரூபாய் ஒதுக்கீடு செய்யப்பட்டு ஐந்தாம் கட்ட அகழாய்வு நடத்தப்பட்டது. இந்த அகழாய்வில் சரியான இடங்களைத் தேர்வுசெய்த தொழில்நுட்பம் பயன்படுத்தப்பட்டது. இதிலும் செங்கல் கட்டுமானங்கள், சுருள் வடிவிலான குழாய்கள் கண்டெடுக்கப்பட்டன. 900 தொல் பொருட்கள் கண்டெடுக்கப்பட்டன. இங்கு கண்டெடுக்கப்பட்ட பொருட்கள் பொதுமக்கள் பார்வையிடுவதற்காக மதுரை உலகத் தமிழ் சங்க வளாகத்தில் வைக்கப்பட்டுள்ளன.

இந்த நிலையில், நான்காம்கட்ட அகழாய்வின் முடிவுகள் தமிழக அரசால் வெளியிடப்பட்டபோது பெரும் பரபரப்பை ஏற்படுத்தியது. நான்காம் கட்ட ஆய்வில் கிடைத்த கரிமத்தை பீட்டா பகுப்பாய்வு ஆய்வகத்தில் பரிசோதித்தபோது, அது 2600 ஆண்டுகள் பழமையானது எனத் தெரியவந்தது. இந்த ஆய்வின் முடிவுகள், மாநிலத்தில் தொல்லியல் ஆய்வுகள் குறித்த கவனத்தை ஏற்படுத்தியது.

இந்த நிலையில் ஆறாம் கட்ட அகழாய்வை கீழடியிலும் அதற்கு அருகில் உள்ள கொந்தகை, அகரம், மணலூர் ஆகிய இடங்களிலும் நடத்துவதற்கு மாநில தொல்லியல் துறை முடிவுசெய்தது. இந்த இடங்களில் தரையை ஊடுருவிப் பார்க்கும் ரேடார், ஆளில்லா விமானம் ஆகியவற்றைப் பயன்படுத்தி சரியான இடங்கள் அடையாளம் காணப்படும்.

இவற்றில் கொந்தை ஒரு புதைமேடு என கருதப்படுகிறது. மணலூர், அகரம் ஆகியவை மக்கள் வாழ்ந்த இடங்களாகக் கருதப்படுகின்றன. ஒட்டுமொத்தமாக 120 ஏக்கர் பரப்பளவில் 50 லட்ச ரூபாய் செலவில் இந்த அகழாய்வுகள் நடத்தப்படும்.

மதுரை காமராசர் பல்கலைக்கழகம் உட்பட இந்தியாவில் உள்ள மூன்று பல்கலைக்கழகங்களும் சில வெளிநாட்டுப் பல்கலைக்கழகங்களும் இந்த ஆய்வில் பங்கேற்கின்றன. இதன் தொடர்ச்சியாக தூத்துக்குடி மாவட்டத்தில் உள்ள ஆதிச்சநல்லூர், சிவகளை, ஈரோடு மாவட்டத்தில் உள்ள கொடுமணல் ஆகிய இடங்களிலும் அகழாய்வுகள் நடத்தப்படவிருக்கின்றன. மேலும், புதிய கற்கால இடங்களைக் கண்டறிய வேலூர், கிருஷ்ணகிரி, தர்மபுரி, திருவண்ணாமலை, சேலம் ஆகிய இடங்களில் தொல்லியல் கள ஆய்வை மாநில அரசு நடத்தவுள்ளது.

சென்னை

காவிரி டெல்டாவில் மீத்தேன், ஹைட்ரோ கார்பன் உள்ளிட்ட திட்டங்களை செயல்படுத்தக் கூடாது என்பது விவசாயிகளின் கோரிக்கை. இதற்காக பல ஆண்டுகளாக போராட்டங்கள் நடைபெற்று வருகின்றன.

மேலும் காவிரி டெல்டாவை பாதுகாக்கப்பட்ட வேளாண் மண்டலமாக அறிவிக்க வேண்டும் என்பதும் விவசாயிகளின் கோரிக்கை. இதனடிப்படையில் அண்மையில் காவிரி டெல்டா பாதுகாக்கபட்ட வேளாண் மண்டலம் என்ற அறிவிப்பை முதலமைச்சர் எடப்பாடி பழனிசாமி வெளியிட்டார்.

இந்நிலையில் சென்னையில் முதலமைச்சர் எடப்பாடி பழனிசாமி தலைமையில் அமைச்சரவை கூட்டம் நடைபெற்றது. இக்கூட்டத்தில் காவிரி டெல்டாவை பாதுகாக்கப்பட்ட வேளாண் மண்டலமாக அறிவிக்கும் கொள்கை முடிவுவுக்கு ஒப்புதல் வழங்கப்பட்டது. மேலும் இது தொடர்பான சட்ட நடவடிக்கைகளுக்கு முதலமைச்சர் தலைமையில் குழு ஒன்றும் அமைக்கப்பட்டுள்ளது. அத்துடன் இதற்கான சட்ட முன் வடிவை நாளை சட்டசபையில் தாக்கல் செய்யவும் அமைச்சரவை தீர்மானித்துள்ளது.

மூங்கில்துறைப்பட்டு

திருவண்ணாமலை மாவட்டம் தண்டராம்பட்டு தாலுகாவில் சாத்தனூர் அணை உள்ளது. 119 அடி கொள்ளளவு கொண்ட இந்த அணையில் இருந்து இடது மற்றும் வலதுபுற கால்வாய்களில் திறந்துவிடும் தண்ணீர் மூலம் திருவண்ணாமலை மற்றும் கள்ளக்குறிச்சி, விழுப்புரம் மாவட்டங்களில் 12 ஆயிரத்து 543 ஏக்கர் விளை நிலங்கள் பாசன வசதி பெற்று வருகிறது. மேலும் மூங்கில்துறைப்பட்டு பகுதிக்குட்பட்ட 48 ஏரிகளுக்கு தண்ணீர் செல்லும்.

இந்த நிலையில் சாத்தனூர் அணை பாசன விவசாயிகள் தங்களது விளை நிலங்களில் சாகுபடி செய்த பயிர்களை காப்பாற்ற அணையில் இருந்து தண்ணீர் திறக்க வேண்டும் என்று முதலமைச்சர் எடப்பாடி பழனிசாமிக்கு கோரிக்கை விடுத்தனர். அதன்பேரில் கடந்த 5-ந்தேதி சாத்தனூர் அணையில் இருந்து இடது மற்றும் வலது புற கால்வாய்களில் தண்ணீர் திறந்து விடப்பட்டது.

இந்த அணையில் இருந்து திறக்கப்பட்ட தண்ணீர் வலது புற பிரதான கால்வாய் மூலம் கள்ளக்குறிச்சி மாவட்டம் மூங்கில்துறைப்பட்டு பகுதியை வந்தடைந்தது. இந்த தண்ணீர் கிளை வாய்க்கால்கள் மூலம் மூங்கில்துறைப்பட்டு பகுதியில் உள்ள 48 ஏரிகளுக்கும் செல்கிறது. இந்த நீர் வரத்து காரணமாக வறண்டு கிடந்த ஏரிகள் நிரம்பி வருகிறது. தற்போது மூங்கில்துறைப்பட்டு, சவேரியார்பாளையம், மைக்கேல் புரம், கோணத்தன்கொட்டாய் ஆகிய ஏரிகள் முழுமையாக நிரம்பியுள்ளன. மற்ற ஏரிகள் வேகமாக நிரம்பி வருகிறது. இதனால் விவசாயிகள் மகிழ்ச்சி அடைந்துள்ளனர்.

இது குறித்து விவசாயிகள் கூறியது:

சாத்தனூர் அணையில் திறக்கப்பட்ட தண்ணீர் தற்போது மூங்கில்துறைப்பட்டு பகுதியில் உள்ள ஏரிகளுக்கு செல்கிறது. இதில் தற்போது 4 ஏரிகள் முழுமையாக நிரம்பியுள்ளன. மீதமுள்ள ஏரிகளும் விரைவில் நிரம்பும் நிலையில் உள்ளது. இதன் காரணமாக குறுவை சாகுபடி பணியின் போது தண்ணீர் தட்டுப்பாடு ஏற்படாத சூழ்நிலை உருவாகி உள்ளது.

இதனால் நாங்கள் மகிழ்ச்சி அடைந்துள்ளோம். இருப்பினும் ஒரு சில இடங்களில் வாய்க்கால்கள் தூர்வாரப்படாமல் உள்ளதால் ஏரிகளுக்கு தண்ணீர் சீராக செல்லவில்லை. இதன் காரணமாக பல ஏரிகள் நிரம்புவதில் சிக்கல் ஏற்பட்டுள்ளது. இது குறித்து புகார் அளித்த பின்பும் சம்பந்தப்பட்ட அதிகாரிகள் இது வரை நடவடிக்கை எடுக்கவில்லை. இதனால் விவசாயிகள் அதிருப்தி அடைந்துள்ளனர். இதை தவிர்க்க தூர்ந்துபோன வாய்க்கால்களை தூர்வார அதிகாரிகள் நடவடிக்கை எடுக்க வேண்டும் என்றனர்.

Page 1 of 7

Latest Tweets

100+ sales and New Classical Home added on Turitor Education WordPress theme. #LearnDash and #TutorLms demo will be… https://t.co/i7KzaqZrbW
@LearnDashLMS Can you please check the message [ID: 139157]. Best Regards.
Turitor - Education WordPress theme now available on the Market. #education #lms #wordpress #themeforest… https://t.co/Y9N0ik9rDL
Follow Themewinter on Twitter

Post Gallery

ஸ்டாலின் தொடர்ந்து முதலமைச்சர் கனவில் இருக்கிறார் - முதலமைச்சர் பழனிசாமி

புதுடெல்லியில் சட்டம் ஒழுங்கை மீட்டெடுங்க, அமைதியை உறுதி செய்யுங்க - கெஜ்ரிவால் அமித்ஷாவுக்கு வேண்டுகோ

ஈரானை தொடர்ந்து ஈராக், ஓமன், குவைத், பஹ்ரைனை அதிரவைக்கும் கொரோனா

டிரம்ப் மோடியுடன் இன்று பேச்சுவார்த்தை - முக்கிய ஒப்பந்தங்கள் கையெழுத்தாகின்றன

இந்திய இரயில்வேயின் அவலம்.

பாகுபலியின் ‘கிளிகி’ மொழிக்கு உருவம் கொடுத்த மதன் கார்க்கி

டிரம்ப் வெற்றி பெற ரஷ்யா உதவி - அமெரிக்க உளவுத்துறை

உருவ கேலியால் மனமுடைந்து தற்கொலை முடிவு - தாயிடம் தூக்கு கயிறு கேட்டு கதறிய சிறுவன்

ஜப்பான் சொகுசு கப்பலில் கொரோனா வைரஸ் பாதிக்கப்படாதவர்களை தரம் பிரிப்பதில் சிக்கல் - ஜப்பான் அரசு கவலை