Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Reload Captcha
தமிழகம்

தமிழகம் (117)

தமிழகத்தில் மேலும் 2 பேருக்கு கொரோனா தொற்று உறுதிப்படுத்தப்பட்டுள்ளது. இதையடுத்து தமிழகத்தில் கரோனா தொற்றால் பாதிக்கப்பட்டவர்கள் எண்ணிக்கை 40 ஆக உயர்ந்துள்ளதாக பொது சுகாதாரத்துறை தகவல் தெரிவித்துள்ளது.

தமிழகத்தில் கொரோனா முன்னெச்சரிக்கை நடவடிக்கையாக வெளிநாடு மற்றும் வெளி மாநிலங்களில் இருந்து தமிழகம் வந்த 2 லட்சத்து 9 ஆயிரத்து 284 பேருக்கு இதுவரை மருத்துவப் பரிசோதனைகள் செய்யப்பட்டுள்ளன. அவா்களில், 12,955 பேர் தொடர் மருத்துவக் கண்காணிப்பில் உள்ளனா்.

274 பேர் மருத்துவமனையில் அனுமதிக்கப்பட்டுள்ளனா். 1,143 பேரின் ரத்த மாதிரிகள் பரிசோதனை செய்யப்பட்டுள்ளன. இதில், 1067 பேருக்கு கரோனா வைரஸ் பாதிப்பு இல்லை என்று தெரியவந்துள்ளது. 41 மாதிரிகள் சோதனையில் உள்ளன. 38 பேருக்கு கொரோனா தொற்று உறுதிப்படுத்தப்பட்டது.

நேற்றிரவு நிலவரப்படி தமிழகத்தில் 38 பேருக்கு வைரஸ் பாதிப்பு இருப்பது உறுதி செய்யப்பட்டுள்ளது. இதில், ஒருவா் சிகிச்சைக்குப் பின்னா் குணமடைந்துள்ளார். 41 பேரின் பரிசோதனை முடிவுகள் இன்னும் வரவில்லை என்று தமிழக அரசு சார்பில் தெரிவிக்கப்பட்டுள்ளது.

நேற்று மாலை 35 பேருக்கு கரோனா தொற்று இருந்த நிலையில் நேற்றிரவு மேலும் 3 பேருக்கு கொரோனா தொற்று உறுதிப்படுத்தப்பட்டது. அதில் ஒருவர் சென்னையைச் சேர்ந்த 73 வயது மூதாட்டி. அடுத்த நபர் 61 வயதான ஆண், இவர் இந்தோனேசியாவிலிருந்து வந்தவர்களுடன் தொடர்பில் இருந்தவர். மூன்றாவது நபர் சென்னை அண்ணா நகரைச் சேர்ந்த 39 வயது நபர்.

இந்நிலையில் இன்று காலை பொது சுகாதாரத்துறை அறிவிப்பின்படி மேலும் இரண்டு பேருக்கு நோய்த்தொற்று உறுதியாகியுள்ளது. மேற்கு இந்தியத் தீவுகளிலிருந்து திரும்பிய 42 வயது நபருக்கு கொரோனா தொற்று உறுதியாகியுள்ளது. அவர் தஞ்சை மருத்துவக் கல்லூரி மருத்துவமனையில் அனுமதிக்கப்பட்டுள்ளார்.

அடுத்த நபர் 49 வயதான நபர் இங்கிலாந்திலிருந்து வந்தவர். காட்பாடியைச் சேர்ந்த இவருக்கு கொரோனா தொற்று உறுதிப்படுத்தப்பட்டதை அடுத்து, வேலூரில் உள்ள தனியார் மருத்துவமனையில் தனி வார்டில் வைத்து அவருக்கு சிகிச்சை அளிக்கப்படுகிறது. அவர்கள் இருவரும் மத்தியக் கிழக்கு நாடுகளைக் கடந்து வந்தவர்கள் என்று பொது சுகாதாரத்துறையினர் தெரிவித்துள்ளனர்.

இதன் மூலம் தொற்று எண்ணிக்கை 40 ஆக உயர்ந்துள்ளது. அதே நேரம் 2 பேர் சிகிச்சையில் உடல் நலம் தேறிவிட்டதாலும், ஒருவர் உயிரிழந்ததாலும் எண்ணிக்கை தற்போது 37 ஆக உள்ளது.

 
 

தமிழகத்தில் மக்களின் சுய ஊரடங்கை நாளை காலை 5 மணி வரை நீட்டித்து, தமிழக அரசு உத்தரவிட்டுள்ளது. அத்தியாவசிய பணிகள் தொடர தடை இல்லை எனவும் அறிவிக்கப்பட்டுள்ளது.

கொரோனா வைரஸ் முன்னெச்சரிக்கை நடவடிக்கையாக, இன்று காலை 7 மணியில் இருந்து இரவு 9 மணி வரை சுய ஊரடங்கை கடைபிடிக்க, பொதுமக்களுக்கு பிரதமர் நரேந்திர மோடி அறிவுறுத்தினார். இந்த அறிவுறுத்தலை நாடு முழுவதும் பொதுமக்கள் கடைபிடித்து வருகின்றனர்.

இந்தநிலையி்ல், தமிழகத்தில் மக்களின் சுய ஊரடங்கு நாளை காலை 5 மணி வரை நீட்டிக்கப்பட்டுள்ளது. இது தொடர்பாக தமிழக அரசு வெளியிட்டுள்ள அறிவிப்பில், பொதுமக்களின் நலன் கருதி ஊரடங்கு மேலும் 8 மணி நேரம் நீட்டிக்கப்பட்டுள்ளதாக அறிவிக்கப்பட்டுள்ளது.

தொடர் ஊரடங்கிற்கு பொதுமக்கள் ஒத்துழைப்பு வழங்க வேண்டும் என்றும்,  அத்தியாவசிய பணிகள் தொடர எந்த தடையும் இல்லை எனவும் தமிழக அரசு அறிவித்துள்ளது.

மதுரை மீனாட்சியம்மன் கோவில், திருவரங்கம், ராமேஸ்வரம் கோவில் உள்ளிட்ட பெரிய கோவில்களை மூடுவதற்கு தமிழ்நாடு அரசு உத்தரவிட்டுள்ளது. ஒருங்கிணைந்த குளிர்சாதன வசதி செய்யப்பட்டுள்ள பெரிய ஜவுளி, நகைக் கடைகளை மூடுவதற்கு உத்தரவிடப்பட்டுள்ளது. கொரோனா வைரஸ் தடுப்பு நடவடிக்கைகளின் ஒரு பகுதியாக சில அறிவிப்புகளை தமிழக முதலமைச்சர் இன்று வெளியிட்டுள்ளார்.

அதன்படி, தமிழ்நாடு முழுவதும் எல்லா மாவட்டங்களிலும் தனிமைப்படுத்தப்பட்ட வார்டுகளைக் கொண்ட சிறப்பு மருத்துவமனைகளை உருவாக்க வேண்டும். வீட்டில் தனிமைப்படுத்தப்பட்டுள்ள நபர்களுடன் மருத்துவர்கள் காணொலிக் காட்சி மூலம் தொடர்புகொண்டு ஆலோசனைகளை வழங்க உத்தரவிடப்பட்டுள்ளது. மாநிலம் முழுவதுமுள்ள வாரச் சந்தைகள் மார்ச் 31 ஆம் தேதி முதல் மூடப்பட வேண்டும்.

மக்கள் அதிகமாகக் கூடக்கூடிய ரயில் நிலையங்கள், விமான நிலையங்கள், நீதிமன்றங்களில் தூய்மைப் பணிகள் தீவிரமாக்கப்படும். தனியார் நிறுவனங்கள், தொழிற்பூங்காக்களில் உள்ள நிறுவனங்கள் ஊழியர்களை வீட்டிலிருந்தே பணியாற்ற அனுமதிக்க வேண்டும்.

ஒருங்கிணைந்த குளிர்சாதன வசதி செய்யப்பட்ட பெரிய ஜவுளிக் கடைகள், நகைக்கடைகள், பல்பொருட்களை விற்கும் கடைகள் வெள்ளிக்கிழமை முதல் மூடப்படும். நகைக்கடைகளில் ஆர்டர் கொடுத்த நகைகளை மட்டும் பெற்றுக்கொள்ளலாம். அத்யாவசியப் பொருட்களை விற்கும் கடைகள், காய்கறிக் கடைகள், மளிகைக்கடைகள் தொடர்ந்து இயங்கும்.

நாகர்கோவில்

கொரோனா வைரஸ் பரவாமல் தடுக்க மேற்கொள்ள வேண்டிய முன்எச்சரிக்கை நடவடிக்கை குறித்த ஆலோசனை கூட்டம் நேற்று நாகர்கோவில் மாநகராட்சி அலுவலக கூட்ட அரங்கில் நடந்தது. கூட்டத்துக்கு ஆணையர் சரவணகுமார் தலைமை தாங்கினார். மாநகராட்சி பொறியாளர் பாலசுப்பிரமணியன், நகர்நல அதிகாரி கின்ஷால் ஆகியோர் முன்னிலை வகித்தார். கூட்டத்தில் மாநகராட்சி அனைத்து துறை அதிகாரிகளும், சுகாதார ஆய்வாளர்களும் கலந்து கொண்டனர்.


கூட்டத்தில் ஆணையர் சரவணகுமார் கூறியதாவது:

பொதுமக்கள் யாருக்காவது காய்ச்சல் ஏற்பட்டால் மாநகராட்சிக்கு உடனடியாக தகவல் தெரிவிக்க வேண்டும். பொது இடங்களில் கூட்டமாக கூடக்கூடாது. ஒரு நாளுக்கு 15 முறை கை கழுவ வேண்டும். போர்க்கால அடிப்படையில் மாநகராட்சி அதிகாரிகள் செயல்பட வேண்டும். நாகர்கோவில் மாநகராட்சிக்கு உட்பட்ட பகுதிகளில் மாநகராட்சி சார்பில் அமைக்கப்பட்டுள்ள கேமரா மூலம் பொதுமக்கள் கூடினால் கண்காணிக்க வேண்டும்.

வரும்முன் காப்போம் என்ற அடிப்படையில் பொதுமக்கள் செயல்பட அறிவுறுத்த வேண்டும். நாகர்கோவில் மாநகராட்சி அலுவலகம் மற்றும் மாநகராட்சி பகுதியில் உள்ள 14 பிறப்பு - இறப்பு அலுவலகங்கள், வரிவசூல் மையங்கள், 5 நகர்ப்புற சுகாதார நிலையங்கள் போன்றவற்றில் சுத்தம் செய்வதற்கு தேவையான கிருமி நாசினி மருந்துகள் மற்றும் பிளச்சிங் பவுடர் போன்றவை இருப்பில் உள்ளது.

அண்ணா பஸ் நிலையம், வடசேரி பஸ் நிலையங்கள் போன்றவற்றில் இருந்து தினமும் 908 அரசு பஸ்கள் இயக்கப்படுகின்றன. எனவே 2 பஸ் நிலையங்களிலும் தினமும் காலை 6 மணி முதல் இரவு 10 மணி வரை இரண்டு ஷிப்டுகளாக ஊழியர்கள் நியமனம் செய்யப்பட்டு அனைத்து பஸ்களுக்கும் கிருமி நாசினி மருந்து தெளிக்கப்பட வேண்டும்.

இன்று முதல் (அதாவது நேற்று) முதல் இந்தப்பணி முழுவீச்சில் நடைபெற வேண்டும். அதேபோல் அனைத்து டெப்போக்களுக்கும் சென்று பஸ் இருக்கைகள், ஜன்னல் கம்பிகள், படியில் ஏறி, இறங்கும் பகுதியில் உள்ள கம்பிகள் போன்றவற்றில் கிருமி நாசினி மருந்து தடவ வேண்டும்.

மாநகராட்சி பகுதியில் உள்ள மத்திய, மாநில அரசு அலுவலகங்கள், பஸ் நிறுத்தங்கள் போன்றவற்றில் கிருமி நாசினி தெளிக்கப்பட வேண்டும். வடசேரி சந்தை, கோட்டார் சந்தை போன்றவற்றில் மக்கள் அதிகமாக வந்து செல்வதால் அங்கு சின்டெக்ஸ் தொட்டி அமைத்து கை கழுவுவதற்கான ஏற்பாடுகள் செய்யப்பட்டுள்ளன.

மேலும் மக்களிடம் விழிப்புணர்வு ஏற்படுத்தும் வகையில் கொரோனா வைரஸ் விழிப்புணர்வு வாசகங்கள் அடங்கிய பேனர்களை மத்திய, மாநில அரசு அலுவலகங்கள், பொது இடங்கள், பஸ் நிலையங்கள், ரெயில் நிலையங்கள் போன்றவற்றில் கட்டி வைக்க வேண்டும். மாநகராட்சி சுகாதார ஊழியர்கள், கொசு ஒழிப்பு ஊழியர்கள் 1,225 பேருக்கு முகக்கவசம் உள்ளிட்ட பாதுகாப்பு சாதனங்கள் வழங்கப்பட்டுள்ளது. இவ்வாறு அவர் கூறினார்.

தமிழ் வழிக் கல்வியில் படித்தவர்களுக்கு அரசு வேலைவாய்ப்பில் முன்னுரிமை வழங்கும் சட்டத்தில் திருத்தம் செய்யும் மசோதாவை தமிழக அரசு சட்டப்பேரவையில் தாக்கல் செய்துள்ளது. அதன்படி, பட்டப்படிப்பு மட்டுமல்லாது, 10, 12ஆம் வகுப்புகளிலும் தமிழ்வழியில் படித்தவர்களுக்கே அரசுப் பணியில் முன்னுரிமை வழங்கப்படும்.

தமிழ்நாட்டில் தமிழ் வழியில் கல்வி பயின்றோருக்கு அரசுப் பணிகளில் 20 சதவீதம் அளவுக்கு முன்னுரிமை வழங்கும் திட்டம் தற்போது அமலில் இருந்துவருகிறது. ஆனால், பட்டப்படிப்பை தமிழில் படித்தால், இந்த 20 சதவீத முன்னுரிமை பிரிவில் இடம்பெற்றுவிட முடியும்.

இந்த நிலையில், பள்ளிக்கூடப் படிப்பை தமிழில் படிக்காமல் பட்டப்படிப்பை தமிழ் வழியில் படித்தவர்கள்கூட இந்தத் திட்டத்தின் பயனைப்பெற்று வந்தனர். இந்த நிலையில், இதனை மாற்றியமைக்கும் வகையிலான புதிய சட்டத் திருத்தத்தை பணியாளர் மற்றும் நிர்வாக சீர்திருத்தத் துறை அமைச்சர் ஜெயக்குமார் சட்டப் பேரவையில் தாக்கல் செய்தார்.

அதன்படி, பட்டப்படிப்பை அடிப்படைத் தகுதியாகக் கொண்டுள்ள பணிகளுக்கு, பட்டப்படிப்பை மட்டுமல்லாமல், பத்தாம் வகுப்பையும் மேல் நிலை வகுப்பையும் தமிழ் வழியில் படித்திருந்தால் மட்டுமே அரசுப் பணியில் முன்னுரிமை வழங்கப்படும். பள்ளிக்கூட சான்றிதழ்களில் இது குறிப்பிடப்பட்டிருக்க வேண்டும்.

பத்தாம் வகுப்பை கல்வித் தகுதியாக கொண்டுள்ள அரசுப் பணிகளுக்கு ஆறாம் வகுப்பு முதல் பத்தாம் வகுப்புவரை தமிழ் வழியில் படித்திருக்க வேண்டும் என்றும் குறிப்பிடப்பட்டுள்ளது. இந்த சட்டதிருத்தமானது '2020 ஆம் ஆண்டு தமிழ்நாடு தமிழ்வழியில் கல்வி பயின்றவர்களை அரசின் கீழ்வரும் பணிகளில் முன்னுரிமை அடிப்படையில் பணி நியமனம் செய்தல் சட்ட திருத்தம்" என்று அழைக்கப்படும். இந்தத் திருத்தச் சட்டம் உடனடியாக நடைமுறைக்கு வருகிறது.

2010 ஆம் ஆண்டில் செம்மொழி மாநாடு கோயம்புத்தூரில் நடைபெற்றபோது, "தமிழ் வழியில் படிப்பவர்களுக்கு, அரசு வேலைவாய்ப்பில் 20 சதவீதம் முன்னுரிமை அளிக்கப்படும்" என, அப்போதைய முதல்வர் கருணாநிதி அறிவித்தார். இதற்கான அரசாணை, 2010ஆம் ஆண்டு செப்டம்பர் 30ம் தேதி வெளியானது. 2011 ஆம் ஆண்டிலிருந்து இந்தத் திட்டம் செயல்படுத்தப்பட்டுவருகிறது.

ஆலந்தூர்

சீனாவை தொடர்ந்து உலக நாடுகளில் கொரோனா வைரஸ் தாக்கம் அதிகரித்து வருகிறது. இதனால் இந்தியா உள்பட பல நாடுகளில் சுற்றுலா விசாவை தற்காலிகமாக நிறுத்தி வைத்து உள்ளனர். விமான பயணங்கள் மூலமாக கொரோனா வைரஸ் பரவக்கூடும் என்பதால் சென்னை மீனம்பாக்கம் விமான நிலையத்தில் பயணிகள் தீவிர பரிசோதனைக்கு பின்னரே அனுமதிக்கப்படுகிறார்கள்.

கொரோனா வைரஸ் பீதியால் விமானங்களில் பயணம் செய்பவர்களின் எண்ணிக்கையும் நாளுக்கு நாள் குறைந்து வருவதால் கடந்த 2 நாட்களாக சென்னை விமான நிலையம் வந்து செல்ல வேண்டிய 20 விமானங்கள் வரை ரத்து செய்யப்பட்டன.

இந்தநிலையில் 3 வது நாளாக நேற்று கொரோனா வைரஸ் காரணமாக பயணிகள் வரத்து குறைவால் பிராங்போர்ட், குவைத், தோகா, ஹாங்காங் ஆகிய நகரங்களில் இருந்து சென்னைக்கு வந்துவிட்டு மீண்டும் புறப்பட்டு செல்ல வேண்டிய 16 விமானங்கள் ரத்து செய்யப்பட்டதாக அதிகாரிகள் தெரிவித்தனர்.

சென்னை

மத்திய அரசிடம் இருந்து பதில் வராததால், என்.பி.ஆர் (தேசிய மக்கள் தொகை பதிவேடு) புதிய நடைமுறைகள் நிறுத்தி வைக்கப்பட்டுள்ளதாக வருவாய் துறை அமைச்சர் உதயகுமார் தெரிவித்துள்ளார்.

நிருபர்களை சந்தித்த அமைச்சர் ஆர்.பி.உதயக்குமார் கூறியதாவது:

காங்கிரஸ் ஆட்சியில் தான் என்.பி.ஆர்., கொண்டுவரப்பட்டது. முதன்முறையாக தமிழகத்தில் தி.மு.க., ஆட்சியின் போது நடைமுறைப்படுத்தப்பட்டது. நாடு முழுவதும் குறித்து என்.பி.ஆர்., குறித்து விவாதம் நடக்கிறது. 2002 ல் எடுக்கப்பட்ட என்.பி.ஆர், விட, 2020ல் எடுக்கப்படும் கணக்கெடுப்பில், 3 அம்சங்கள் சேர்க்கப்பட்டுள்ளது அனைவரும் அறிந்த ஒன்று.

இந்த 3 அம்சங்கள் தான் சிறுபான்மையின மக்கள் மத்தியில் அச்சம் ஏற்பட்டுள்ளது. ஏனென்றால், முழுமையான விழிப்புணர்வு ஏற்படுத்துவதில், பல்வேறு தடைகள் உள்ளது. இந்த அச்சத்தை போக்கும் வகையில், மத்திய அரசு 3 அம்சங்களிலே திருத்தம் செய்ய வேண்டும் என்று மத்திய அரசுக்கு, தமிழக அரசும், முதல்வரும் விளக்கம் கேட்டுள்ளார்கள். இதற்கான பதில், நமக்கு இதுவரை கிடைக்கவில்லை.

என்.பி.ஆர் கணக்கெடுக்கும் பணி துவக்கப்பட வேண்டும். பல மாநிலங்களில் அறிவிப்பாணை வெளியிடப்பட்டுள்ளது. தமிழகத்தில் மக்கள் தொகை கணக்கெடுப்பிற்கான அறிவிப்பாணை வெளியிடப்பட்டுள்ளது. மத்திய அரசு இயற்றப்பட்ட ஒரு சட்டத்தை, ரத்து செய்ய மாநில அரசுக்கு எவ்வித அதிகாரம் இல்லை என்பது அனைவருக்கும் தெரிந்த ஒன்று. இது எதிர்க்கட்சி தலைவருக்கும் தெரியும்.

என்.பி.ஆர் போது எந்த ஆவணங்களும் அவசியமில்லை.கணக்கெடுப்பின் போது தனி நபர், கொடுக்கும் தகவல்கள் அப்படியே பதிவு செய்யலாம். இதற்கு எந்த ஆவணமும் சமர்ப்பிக்க வேண்டிய அவசியம் இல்லை. மாநில அரசு அனுப்பிய கடிதத்திற்கு,மத்திய அரசிடம் இருந்து பதில் வராததால், தமிழகத்தில் என்பிஆர் நடைமுறைகள் நிறுத்திவைக்கப்படுகிறது. இவ்வாறு அவர் கூறினார்.

மக்கள் மன்ற மாவட்டச் செயலாளர்கள் கூட்டத்தை கடந்த வாரம் கூட்டிய ரஜினி, தனது அரசியல் நிலைபாடு குறித்து தெரிவித்தார். இதில் அவர் கட்சி வேறு; ஆட்சி வேறு. கட்சி தொடங்கினால் இளைஞர்கள், புதியவர்கள், திறமையானவர்களுக்கு அதிக வாய்ப்பு. முதலமைச்சராகப் பொறுப்பேற்க தனக்கு விருப்பம் இல்லை என்பது உள்ளிட்ட அறிவிப்புகளை வெளியிட்டார். இதில் அதிர்ச்சியடைந்த மக்கள் மன்ற நிர்வாகிகள் தங்களது அதிருப்தியை அவரிடமே வெளியிட்டனர்.

சென்னையில் உள்ள ஓட்டலில் நேற்று காலை 10.30 மணி அளவில் செய்தியாளர்களை சந்தித்த ரஜினி, தனது அரசியல் நிலைப்பாடு குறித்து தெரிவித்தார். அதே நேரத்தில், ரஜினியின் போயஸ் தோட்டம் இல்லத்தில் மன்றத்தின் மாவட்டச் செயலாளர்கள் திரண்டிருந்தனர். ரஜினியின் அரை மணி நேர உரையை அவர்கள் நேரலையில் காணும் வகையில் அங்கு ஏற்பாடு செய்யப்பட்டிருந்தது. மன்ற நிர்வாகிகள் 32 பேர் இதில் கலந்துகொண்டனர்.

செய்தியாளர் சந்திப்பை முடித்துக்கொண்டு போயஸ் தோட்ட இல்லத்துக்கு வந்த ரஜினி, அங்கு மாவட்டச் செயலாளர்களை சந்தித்து சுமார் 20 நிமிடங்கள் பேசினார்.அதில் அவர் பேசியது குறித்து தென் தமிழகத்தை சேர்ந்த சிலமாவட்டச் செலயாளர்கள் கூறியதாவது:

ரஜினி வந்ததும், செய்தியாளர் சந்திப்பில் நான் பேசியதை எல்லோரும் கேட்டீர்களா? என்று முதலில்விசாரித்தார். உங்கள் ஆர்வத்தையும், உத்வேகத்தையும் மட்டுமே நம்பி கட்சி தொடங்கிவிட முடியாது. தேவையற்ற கட்சிப் பதவிகளைநீக்குவது, கண்ணியமானவர்களுக்கு வாய்ப்பு, கட்சிக்கும் ஆட்சிக்கும் வேறு வேறு தலைமை என்று நான் சொன்ன 3 விஷயங்களையும் மக்களிடம் கொண்டு போய் சேருங்கள்.

மக்கள் மனதில் மாற்றம் வந்தால்தான் மாற்று அரசியல் என்றநிலைப்பாடு வலுவானதாக இருக்கும். எனவே, மக்கள் தற்போது என்ன மாதிரி நினைக்கின்றனர் என்பதை கவனிப்போம். வெளியில் இருந்து கருத்துகள் வர வேண்டும். அதன் பாதிப்பு எப்படி இருக்கிறது என்பதை பார்ப்போம். அதன்பிறகு, அரசியலில் அடுத்தகட்டத்துக்கு போகலாம் என்று திட்டவட்டமாக கூறிவிட்டார். இவ்வாறு தென் தமிழகத்தை சேர்ந்த சில மாவட்டச் செலயாளர்கள் தெரிவித்தனர்.

ரஜினியின் இந்த கருத்து குறித்து மேலும் சில மாவட்டச் செயலாளர்களிடம் கேட்டபோது, ‘‘கட்சி அறிவிப்பு, மாநாடுஎன்று அடுத்தகட்ட அரசியல் பணிகள் குறித்து ரஜினி அறிவிப்பார் என்ற எதிர்பார்ப்பில் வந்தோம். ஆனால், மக்கள் மனதில் மாற்றம் ஏற்பட வேண்டும் என்பதால் அரசி யலில் இறங்க ரஜினி தயக்கம் காட்டுகிறார். தற்போதைய அவரது நிலைப்பாடு அதிருப்தி அளிக்கிறது’’ என்றனர்.

சென்னை

தமிழகத்தில் இருந்து கொரோனா வைரஸ் அறிகுறியுடன் சோதனைக்கு அனுப்பப்பட்ட அனைத்து ரத்த மாதிரியிலும் கொரோனா தாக்குதல் இல்லை என்று உறுதி செய்யப்பட்டுள்ளது. அதோடு தமிழகம் எப்போதும் போல கொரோனா இல்லாமல் இருப்பதற்கான போதிய நடவடிக்கைகள் எடுக்கப்பட்டு வருகிறது, என்று சுகாதாரத்துறை அமைச்சர் விஜயபாஸ்கர் தெரிவித்துள்ளார் .

சென்னையில் கொரோனா வைரஸால் ஒருவர் பாதிக்கப்பட்டுள்ள நிலையில் அவர் நேற்று இரவு மொத்தமாக குணப்படுத்தப்பட்டார். இவருக்கு ஓமன் நாட்டிற்கு சென்று திரும்பிய பின் கொரோனா ஏற்பட்டுள்ளது. இந்த அந்நிலையில் தமிழகத்தில் கொரோனவை விரட்டி அடிக்க பின்வரும் 7 விஷயங்கள் பெரிய அளவில் உதவி உள்ளது.

அதன்படி முதல் காரணமாக, விமான நிலையங்களில் செய்யப்பட்ட சோதனைதான் முக்கியம். சென்னை விமான நிலையத்தில் கொரோனா அறிகுறியோடு இருந்தவர்கள் எல்லோரும் சோதனை செய்யப்பட்டனர். அப்படித்தான் அமெரிக்காவில் இருந்து வந்த சிறுவன் மருத்துவமனையில் சேர்க்கப்பட்டான். விமான நிலையத்தில் நோய் அறிகுறியோடு யார் வந்தாலும் அவர்கள் உடனே மருத்துவமனைக்கு அழைத்து செல்லப்பட்டனர். உடனே அவர்களின் ரத்த மாதிரிகள் எடுக்கப்பட்டு சோதனைக்கு அனுப்பப்பட்டது.

யாரெல்லாம் சந்தேகத்தோடு மருத்துவமனையில் இப்படி சேர்க்கப்படுகிறார்களோ அவர்களுடைய உறவினர்கள் எல்லோரும் கண்காணிக்கப்பட்டார்கள். அதேபோல் அந்த நபர்கள் பழகிய நபர்கள் எல்லோரும் கண்காணிக்கப்பட்டனர். ஒருவரை விடாமல் எல்லோரையும் தமிழக சுகாதாரத்துறை சோதனை செய்தது. கொரோனா பாதித்தவர்களை சோதிக்க, ராஜீவ் காந்தி அரசு மருத்துவமனை மையமாக மாற்றப்பட்டது பயன்படுத்தப்பட்டது.

இந்த ரத்த மாதிரிகளை புனேவில்தான் சோதனை செய்ய முடியும். ஆனாலும் கூட உடனே உடனே மாதிரிகளை சோதனை செய்து முடிவுகளை தெரிந்து கொண்டனர். உடனே ரத்த மாதிரியை சோதனை செய்து, நோயாளிகள் உண்மையில் கொரோனா மூலம் பாதிக்கப்பட்டு இருக்கிறார்களா என்று உறுதி செய்து முடிவுகளை அறிவித்தார்கள். இப்படிபட்ட துரிதமான சோதனை மற்றும் முடிவு நோயை கட்டுப்படுத்த அதிக பலன் அளித்தது.

அதே சமயம் இன்னொரு பக்கம் காஞ்சிபுரத்தை சேர்ந்த கொரோனா வந்த இளைஞர், தனி அறையில் தீவிரமாக சிகிச்சை பெற்றார். இவருக்கு என்று தனியாக இரண்டு மருத்துவர்கள் நியமிக்கப்பட்டு, 24 மணி நேரமும் கண்காணிக்கப்பட்டார். மருத்துவர்களும் மிக பாதுகாப்பான கவச உடைகளை அணிந்து சிகிச்சை அளித்தனர்.

இது போக காண்டாக்ட் டிரெஸ் முறை மூலம், அந்த இளைஞர் தொடர்பு கொண்ட எல்லா நபர்களும் கண்டுபிடிக்கப்பட்டு, அவர்கள் எல்லோரும் சோதனை செய்யப்பட்டனர். அதேபோல் அந்த இளைஞரின் உறவினர்களும் மிக தீவிரமாக சோதனைக்கு உள்ளாக்கப்பட்டனர். இவர்கள் எல்லோருக்கு, கொரோனா இல்லை என்று உறுதி செய்யப்பட்ட பின்புதான் அவர்கள் வெளியே செல்ல அனுமதிக்கப்பட்டனர். இதில் தமிழக சுகாதார துறை மிகவும் கறாராக இருந்தது.

அதேபோல் தமிழக அரசு கொரோனா தொடர்பான வதந்திகளை மிக தீவிரமாக கட்டுப்படுத்தியது. கேரளாவில் சில மருத்துவர்களே இது தொடர்பான வதந்திகளை பரப்பினார்கள். ஆனால் தமிழக அரசு அப்படி வதந்தி எதுவும் பரவாமல் தடுத்தது. முக்கியமாக சமூக வலைத்தளங்களில் இது தொடர்பாக தொடர்ந்து விழிப்புணர்வு ஏற்படுத்தப்பட்டு வந்தது குறிப்பிடத்தக்கது.

முக்கியமாக சுகாதாரத்துறை அமைச்சர் விஜயபாஸ்கர் நேரடியாக இந்த பணிகளை கவனித்தார். நேரடியாக அவர் 24 மணி நேரமும், ராஜீவ் காந்தி அரசு மருத்துவமனை மருத்துவர்களுடன் தொடர்பில் இருந்தார். இது நோயை கட்டுப்படுத்த மிக முக்கிய காரணமாக இருந்தது.

சென்னை

கடந்த பிப்ரவரி மாதம் காஞ்சிபுரத்தை சேர்ந்தவர் ஒமன் சென்றுவிட்டு சென்னை திரும்பியுள்ளார். அப்போது காய்ச்சல் மற்றும் இருமல் தொடர்பான புகார்களுடன் ராஜிவ் காந்தி பொது மருத்துவமனையில் தனிமைப்படுத்தப்பட்டு அனுமதிக்கப்பட்டார். அவருக்கு கொரோனா தொற்று இருப்பது உறுதி செய்யப்பட்டதாக தமிழக சுகாதாரத்துறை அதிகாரிகள் வாயிலாக தகவல்கள் வெளியாகின.

பின்னர் அவருக்கு அளிக்கப்பட்ட தீவிர சிகிச்சை குறித்து அமைச்சர் விஜயபாஸ்கர் ட்விட்டரில் கூறியுள்ளதாவது:

கொரோனா வைரஸ் தொற்று டெஸ்ட் ரிசல்ட் நெகட்டிவ் என வந்துள்ளது. இது நமது மாநிலத்திற்கு நல்ல செய்தி. தமிழ்நாடு சுகாதாரத்துறையின் துல்லியமான சிகிச்சை மற்றும் நிபுணத்துவத்தால் மட்டுமே இந்த விரைவான மீட்பு சாத்தியமானது, தற்போதைய நிலவரப்படி, தமிழ்நாடு கொரோனா இல்லாத மாநிலமாக மாறியுள்ளது என்றார்.

Page 1 of 9

Latest Tweets

The most stylish Isometric Educational theme now comes with #LearnDash demo. #LMS #education #wordpress… https://t.co/C3QIRV1r9b
RT @Javedakhtarjadu: So many killed , so many injured , so many house burned , so many shops looted so many people turned destitutes but p…
100+ sales and New Classical Home added on Turitor Education WordPress theme. #LearnDash and #TutorLms demo will be… https://t.co/i7KzaqZrbW
Follow Themewinter on Twitter

Post Gallery

அமெரிக்காவில் ஒரே நாளில் 15 ஆயிரம் பேருக்கு கொரோனா

மூன்று மாதங்களுக்கு இ.எம்.ஐ செலுத்த தேவையில்லை - ரிசர்வ் வங்கியின் ஆளுநர்