Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Reload Captcha
இந்தியா

இந்தியா (112)

கொரோனா வைரஸ் அச்சத்தால் இந்தியா முழுவதும் முடக்க நிலை அறிவிக்கப்பட்டுள்ள நிலையில், இந்திய ரிசர்வ் வங்கியின் ஆளுநர் சக்திகாந்த் தாஸ் இன்றைய தினம் (வெள்ளிக்கிழமை) பல முக்கிய அறிவிப்புகளை அறிவித்துள்ளார்.

 வங்கிகளுக்கான ரெப்போ விகிதம் குறைக்கப்பட்டிருக்கிறது. 5.15% என்ற அளவில் இருந்த விகிதம் தற்போது 4.4%ஆக குறைக்கப்பட உள்ளது. இதனால் வீட்டுக்கடன், வாகன கடன், இ.எம்.ஐ மற்றும் தொழில்துறையினர் பெற்ற கடன்கள் மீதான வட்டித் தொகை இனிவரும் காலத்தில் குறையும். ரிவர்ஸ் ரெப்போ வட்டி விகிதம் 90 புள்ளிகள் குறைக்கப்பட்டு 4.9%லிருந்து 4%ஆக நிர்ணயம் செய்யப்படுகிறது.

இந்திய ரிசர்வ் வங்கி அறிவித்துள்ள கொரோனா வைரஸ் முன்னெச்சரிக்கை நடவடிக்கையின் மூலம் சுமார் 3,74,000 கோடி ரூபாய் மொத்த பணப்புழக்கத்தில் உட்புகுத்தப்படுவதாக சக்திகாந்த் தாஸ் தெரிவித்துள்ளார்.

 வங்கி டெபாசிட்களுக்கு ஆர்.பி.ஐ வழங்கி வந்த வட்டி 4% ஆக குறைக்கப்பட்டுள்ளது.  வங்கிகளில் கடன் பெற்றவர்கள் மூன்று மாதங்களுக்கு இ.எம்.ஐ செலுத்த தேவையில்லை. கடன்களுக்கான மாத தவணைகளை செலுத்த 3 மாதங்கள் வரை அவகாசம் எடுத்து கொள்ளலாம். இது அனைத்து வகை கடன்களுக்கும் பொருந்தும்.

தொழில் நிறுவனங்கள் மற்றும் வங்கி வாடிக்கையாளர்களுக்கும் குறைந்த வட்டியில் கடன் கிடைக்க வாய்ப்பு ஏற்படுத்தப்படும். இந்திய பொருளாதாரத்தில், இந்திய ரிசர்வ் வங்கி சுமார் 2,80,000 கோடி ரூபாய் அளவு தொகையை உட்புகுத்தப்படும் என்றும், அது இந்தியாவின் மொத்த உள்நாட்டு உற்பத்தியில் 1.4%ஆகும் என்றும் அவர் தெரிவித்துள்ளார்.

2019 ஆம் ஆண்டில் சரிவை கண்ட சர்வதேச பொருளாதாரம் 2020-ல் மீளும் என்ற நம்பிக்கை கொரோனா வைரஸ் பாதிப்பால் தகர்ந்தது- கோவிட்-19 ஏற்படுத்தும் தாக்கம் குறித்து நாம் எச்சரிக்கையாக இருக்க வேண்டும். அதேவேளையில் இந்த சிரமமும் ஒருநாள் விலகும்.

கொரோனா வைரஸ் பாதிப்பை கட்டுப்படுத்த கடந்த மார்ச் 24 இரவு 12 மணி முதல் இந்தியா முழுவதும் ஊரடங்கு உத்தரவு பிறப்பிக்கப்பட்டுள்ள நிலையில், வியாழக்கிழமையன்று மத்திய நிதி அமைச்சர் நிர்மலா சீதாராமன் சில முக்கிய பொருளாதார சலுகைகளை அறிவித்தார்.

கொரோனா வைரஸ் பாதிப்பால் ஏற்படும் பொருளாதார சவால்களை சமாளிக்க ரூ.1.70 லட்சம் கோடி ஒதுக்கீடு செய்துள்ளதாக நிர்மலா சீதாராமன் அறிவித்த நிலையில், தற்போது இந்திய ரிசர்வ் வங்கியின் ஆளுநர் சக்திகாந்த் தாஸ் மேற்கூறிய அறிவிப்புகளை வெளியிட்டார்.

கொரோனா வைரஸ் தொற்று காரணமாக இந்தியாவில் நேற்றிரவு 11.30 மணி வரை 236 பேர் பாதிக்கப்பட்டுள்ளனர். நான்கு பேர் பலியாகி உள்ளனர்.

இந்தியாவில் கொரோனா தொற்றால் பாதிக்கப்பட்டவர்களில் 191 பேர் இந்தியர்கள், 32 பேர் வெளிநாட்டவர்கள். 23 பேர் குணமடைந்துள்ளனர் என்கிறது இந்திய அரசின் சுகாதார மற்றும் குடும்ப நலத் துறை.

மக்கள் தொகை அதிகம் உள்ள மற்ற நாடுகளை ஒப்பிடும் போது இந்தியாவில் கொரோனாவின் தாக்கம் குறைவாகவே உள்ளதாக ஒரு கருத்து நிலவுகிறது.

இது உண்மையா? கொரோனா தொற்று பரவாமல் இந்தியாவில் தடுக்கப்படுமா? ஒருவேளை நிலைமை மோசமானால் இந்தியாவின் நிலை என்னவாக ஆகும்? - இப்படிப் பல கேள்விகளை நோய் இயக்குவியல் மையத்தின் இயக்குநர் மருத்துவர் ரமணன் லக்ஷ்மி நாராயணனிடம் கேட்டோம். இதற்கு அவர் அளித்த பதில்களைத் தொகுத்து வழங்குகிறோம்.

கொரோனா வைரஸ் தொற்றால் இந்தியா எந்த அளவுக்கு பாதிக்கப்படும்?

உலகின் மற்ற பகுதிகளை விட இந்தியாவில் கொரோனாவால் பாதிக்கப்பட்டவர்கள் குறைவாகத்தான் இருக்கிறார்கள் என்று தற்போதைய நிலையில் சொல்ல முடியாது. கொரோனா நோய்த்தொற்று அறிகுறிகளுடன் இருப்பவர்களை அதிகளவில் பரிசோதிக்க தொடங்கினால்தான் நிலைமை தெரிய வரும். கொரோனா தொற்று தீவிரமாவதைப் பொறுத்தவரை நாம் சில வாரங்கள் பின் தங்கியிருக்கிறோம். அவ்வளவு தான். ஆனால் ஸ்பெயினில் சமீபத்தில் நாம் பார்த்ததை போல இன்னும் சில வாரங்களில் இந்த தொற்று சுனாமி போன்று உருவெடுக்கலாம்.

இந்தியாவில் கொரோனாவால் பாதிக்கப்பட்டவர்கள் எண்ணிக்கை குறைவாக இருப்பது ஏன்?

அதிகம் பேருக்குப் பரிசோதனை செய்யும்போது தொற்று அதிகளவு பரவி இருப்பதை நாம் கண்டறிய நேரிடலாம். ஆனால் உலகம் முழுவதுமே குறைவான எண்ணிக்கையிலேயே பரிசோதனை நடப்பது ஒரு பிரச்சனை. ஆனால் சில வாரங்களில் பரிசோதிக்கப்படும் நபர்களின் எண்ணிக்கை அதிகமாகலாம் என நினைக்கிறேன். அதே போலத் தொற்று பாதிப்புக்குள்ளானவர்களின் எண்ணிக்கையும் ஆயிரங்களை எட்டலாம். நாம் நிச்சயம் அதற்குத் தயாராக வேண்டும். சீனாவைப் போல அதிக மக்கள் தொகை அடர்த்தி கொண்ட நாடு இந்தியா. எனவே வைரஸ் தொற்று பரவுவது எளிது. கொரோனாவின் சமூக பரவல் மிக வேகமாக நடக்கலாம். கொரோனா தொற்றுக்குள்ளானவர்கள் மூலம் இரண்டு பேருக்குக் கூடுதலாகதொற்று ஏற்படுவதை நினைவிற்கொள்ள வேண்டும்.

ஆக, எவ்வளவு பேருக்கு கொரோனா தொற்று ஏற்படும் என இந்தியா எதிர்பார்க்கலாம்?

கணித மாதிரிகளைப் பயன்படுத்துவதன் மூலம்தான் எவ்வளவு பேருக்கு ஏற்படலாம் என்று கணிக்க முடியும். அமெரிக்கா மற்றும் பிரிட்டனில் மொத்த மக்கள் தொகையில் 20-60% பேர் பாதிக்கப்படலாம் என்று எதிர்பார்க்கப்படுகிறது. இந்த கணக்கீட்டின்படி குறைந்தபட்சம் 20% என வைத்துக்கொண்டால் கூட இந்தியாவில் 30 கோடி பேருக்கு கொரோனா பரவக்கூடும். ஐந்தில் ஒருவர் அல்லது பத்தில் ஒருவர் தீவிர பாதிப்புக்குள்ளாகலாம் என்று கணக்கிட்டால் 40 முதல் 80 லட்சம் மக்கள் மருத்துவமனையில் அனுமதிக்கப்பட நேரிடும்.

இந்தியாவின் சுகாதார அமைப்பு இதனை சமாளிக்குமா?

இந்தியாவில் மொத்தமாகவே 70 ஆயிரம் முதல் ஒரு லட்சம் வரையிலான அவசர சிகிச்சைப் பிரிவு படுக்கைகள்தான் உள்ளன. இவ்வளவு பெரிய நாட்டிற்கு இது மிகவும் குறைவான எண்ணிக்கை. அதுதான் எனக்கு கவலை அளிக்கிறது. நமக்குத் தயாராவதற்கு நிறைய நேரம் இல்லை. இன்னும் மூன்று வாரங்கள்தான் உள்ளன. சீனாவைப் போல நடவடிக்கை எடுக்க வேண்டும். தற்காலிக மருத்துவமனைகளை உண்டாக்க வேண்டும். முடிந்தவரை நிறைய வென்டிலேட்டர்களை கொள்முதல் செய்ய வேண்டியதிருக்கும்.

சரி, அதற்கான சிறந்த நடவடிக்கை என்னவாக இருக்கும்?

அடுத்த மூன்று வாரங்களில் நாம் என்ன செய்ய முடியும் என்பதில் கவனம் செலுத்துவதற்கு முன்னுரிமை கொடுக்க வேண்டும் என நினைக்கிறேன். ஏனெனில் சூழல் அப்படி இருக்கிறது. நமக்கு மூன்று வாரம் இருக்கிறது. கடற்கரையில் இருந்து கொண்டு சுனாமி அலை வருவதை பார்ப்பதாக கற்பனை செய்து பாருங்கள். அங்கேயே உட்கார்ந்து பார்த்துக்கொண்டிருந்தால் சாக வேண்டியதுதான். உங்களால் முடிந்தவரை மிக வேகமாக ஓட்டமெடுக்கும்போது பிழைப்பதற்கான வாய்ப்பு அதிகரிக்கும். மக்கள் இந்த விவகாரத்தில் பதற்றப்படக்கூடாது, மக்களை பதற்றப்படுத்தவும் கூடாது. ஆனால் எதிர்கொள்ள தயாராக வேண்டும்.

நன்றி: BBC தமிழ்.

புதுடெல்லி

சீனாவின் ஹூபேய் மாகாணம் வுகான் நகரில் கடந்த ஆண்டு டிசம்பர் மாதம் கண்டுபிடிக்கப்பட்ட கொரோனா வைரசுக்கு உலகம் முழுவதும் பரவி 8 ஆயிரத்துக்கும் அதிகமானோர் உயிரிழந்துள்ளனர். மேலும், 2 லட்சத்துக்கும் அதிகமானோருக்கு வைரஸ் பரவியுள்ளது. இந்தியாவிலும் கொரோனா வைரஸ் தாக்குதலுக்கு 3 பேர் உயிரிழந்துள்ளனர். மேலும், நாடு முழுவதும் 166 பேருக்கு வைரஸ் பரவியுள்ளது. இதனால் மக்கள் அச்சமடைந்துள்ளனர்.

கொரோனா பீதி காரணமாக நாட்டின் பல்வேறு நகரங்களில் கட்டுப்பாடுகள் விதிக்கப்பட்டுள்ளது. மேலும், பள்ளிகள், கல்லூரிகளுக்கும் விடுமுறை அளிக்கப்பட்டுள்ளது. வணிக வளாகங்கள், நிறுவனங்கள் என அனைத்தும் தற்காலிகமாக மூடப்பட்டுள்ளது. இதற்கிடையில், கொரோனா பீதியால் மக்கள் தங்கள் வீடுகளிலேயே முடங்கிக்கிடக்கின்றனர். இதனால் ரெயில் சேவைகள், சாலை போக்குவரத்து சேவைகள் பெரும் அளவில் பாதிக்கப்பட்டுவருகிறது.

இந்நிலையில், போதிய பயணிகள் கூட்டம் இல்லாததால் நாடு முழுவதும் 168 ரெயில் சேவைகளை ரத்து செய்வதாக இந்திய ரெயில்வே அறிவித்துள்ளது. இதற்கிடையில், முன்பதிவு செய்யப்பட்ட ரெயில் டிக்கெட்டுகளை ரத்து செய்தால் எந்த அபராதமும் விதிக்கப்படாது எனவும், பயணிகளின் முமு பணமும் திருப்பித்தரப்படும் எனவும் இந்திய ரெயில்வே தெரிவித்துள்ளது.

புதுடெல்லி

நிர்பயா பாலியல் வல்லுறவு வழக்கில் குற்றவாளிகளுக்கு இன்று காலையில் திகார் சிறையில் தூக்கு தண்டனை நிறைவேற்றப்பட்ட பிறகு, அக்ஷய் குமார், வினய் ஷர்மா, பவன் குப்தா, முகேஷ் சிங் ஆகிய நால்வரின் உடல்களும் திகார் சிறையில் இருந்து டெல்லி அரசு மருத்துவமனைக்கு பிரேத பரிசோதனை செய்ய எடுத்து செல்லப்பட்டது.

உடல் கூராய்வு பகல் 12.30 மணி அளவில் முடிவடையும் என்று தீன் தயாள் உபாத்யாய் மருத்துவமனை வட்டாரங்கள் குறிப்பிட்டுள்ளது. முன்னதாக, மார்ச் 20 காலை 5.30 மணிக்கு திகார் சிறையில் இவர்கள் நால்வருக்கும் தூக்கு தண்டனை நிறைவேற்றப்பட்டதாக தெரிவித்தது.

நிர்பயா வழக்கில் குற்றவாளிகள், அக்ஷய் குமார், வினய் ஷர்மா, பவன் குப்தா, முகேஷ் சிங் ஆகிய நான்கு பேருக்கும் உச்ச நீதிமன்றம் சில மாதங்களுக்கு முன்பு தூக்கு தண்டனையை உறுதி செய்தது. இவர்களின் கருணை மனுக்களையும் குடியரசுத்தலைவர் நிராகரித்திருந்தார். இந்நிலையில் இன்று (மார்ச் 20) காலை 5.30 மணிக்கு திகார் சிறையில் இவர்கள் நால்வருக்கும் தூக்கு தண்டனை நிறைவேற்றப்பட்டதாக தெரிவித்துள்ளது.

தூக்கு தண்டனை நிறைவேறிய பிறகு இது குறித்து பேசிய நிர்பயாவின் தாயார் ஆஷா தேவி, ''கடைசியாக அவர்கள் தூக்கிலடப்பட்டனர். இன்று தான் எங்களுக்கு நீதி கிடைத்தது. இந்நாட்டில் உள்ள பெண்களுக்கு இன்றைய நாள் சமர்ப்பிக்கப்படுகிறது. நீதித்துறைக்கு, அரசுக்கும் அந்த நன்றியை தெரிவித்து கொள்கிறேன். நீதிக்கு கிடைத்த வெற்றி இது'' என்று கூறினார்.

மத்தியப் பிரதேச மாநிலத்தில் முதலமைச்சர் கமல்நாத் தலைமையிலான காங்கிரஸ் ஆட்சி நடைபெற்று வருகிறது. இந்த நிலையில், ஜோதிராதித்ய சந்தியா அண்மையில் பா.ஜ.கவில் இணைந்தார். இதைத்தொடர்ந்து, ஆளும் காங்கிரஸ் எம்.எல்.ஏக்கள் 16 பேர் தங்களது பதவியை ராஜினாமா செய்வதாகக் கூறி, அதுதொடர்பான கடிதத்தை மாநில ஆளுநருக்கு கடந்த 10 ஆம் தேதி அனுப்பி வைத்தனர்.

அவர்களது ராஜினாமா கடிதத்தின் மீது ஆளுநர் உடனடியாக நடவடிக்கை எடுக்கவில்லை. இதையடுத்து, கமல்நாத் தலைமையிலான காங்கிரஸ் அரசின் மீது சட்டப்பேரவையில் உடனடியாக நம்பிக்கை வாக்கெடுப்பு நடத்த சபாநாயகருக்கு உத்தரவிட கோரி, மத்தியப் பிரதேச மாநில முன்னாள் முதலமைச்சர் சிவராஜ் சிங் சௌகான், உச்ச நீதிமன்றத்தில் வழக்கு தொடுத்திருந்தார்.

ம.பி.யில் நம்பிக்கை வாக்கெடுப்பு - உச்ச நீதிமன்றம்

இந்த வழக்கை விசாரித்த நீதிமன்றம், "மத்தியப் பிரதேச மாநில சட்டப்பேரவையில் வெள்ளிக்கிழமை நம்பிக்கை வாக்கெடுப்பு நடத்த வேண்டும்" என்று வியாழக்கிழமை உத்தரவிட்டிருந்தது. இந்த நிலையில் நள்ளிரவு திருப்பமாக, காங்கிரஸ் அதிருப்தி எம்எல்ஏக்கள் 16 பேரின் ராஜினாமா ஏற்றுகொள்ளப்படுவதாக, மத்தியப் பிரதேச மாநில ஆளுநர் என்.பி. பிரஜாபதி அறிவித்துள்ளார்.

புதுடெல்லி

ஐரோப்பிய நாடுகள், துருக்கி, இங்கிலாந்து உள்ளிட்ட சில வெளிநாடுகளில் வாழும் இந்தியர்கள் உள்பட யாரும் இன்று முதல் மார்ச் 31ம் தேதி வரை இந்தியாவிற்கு வருவதற்கு மத்திய அரசு தற்காலிகமாக தடை செய்ய முடிவு செய்துள்ளது. சீனாவின் வுகானில் பரவ தொடங்கிய கொரோனா வைரஸ் உலகின் 100 நாடுகளுக்கு மேல் பரவி உள்ளது. இதுவரை 8000 பேர் இறந்துள்ளனர்.

சுமார் 197000 பேர் பாதிக்கப்பட்டுள்ளனர் கொரோனா வைரஸ் தொற்றால் ஐரோப்பிய நாடுகள் கடுமையாக பாதிக்கப்பட்டுள்ளன. அந்த நாடுகளில் வாழும் மக்கள் பலருக்கும் கொரோனாவால் பாதிக்கப்பட்டுள்ளனர். இதனால் அவர்கள் மூலம் கொரோனா வைரஸ் இந்தியாவுக்கு பரவுவதை தடுக்க மத்திய அரசு அதிரடியாக சில முடிவுகளை எடுத்துள்ளது.

இந்தியா விமான போக்குவரத்து துறை ஒழுங்குமுறை ஆணையம் வெளியிட்டுள்ள அறிவிப்பில் "ஐரோப்பிய ஒன்றியம், ஐரோப்பிய சுதந்திர வர்த்தக சங்கம், துருக்கி மற்றும் இங்கிலாந்து உள்ளிட்ட நாடுகளிலிருந்து இந்தியாவுக்கு பயணிப்பது இன்று (மார்ச் 18) முதல் தடை விதிக்கப்பட்டுள்ளது.

அதிகாலை 12 மணி முதல் நடைமுறைக்கு வந்துள்ளதால், எந்தவொரு விமான நிறுவனமும் மேற்கண்ட நாடுகளில் இருந்து இந்தியாவுக்கு பயணிகளை ஏற்றாது. இந்த இரண்டு அறிவுறுத்தல்களும் தற்காலிக நடவடிக்கைகள் மற்றும் அவை மார்ச் 31, 2020 வரை நடைமுறையில் இருக்கும், பின்னர் அவை மதிப்பாய்வு செய்யப்படும" என்று தெரிவித்துள்ளது.

ஐரோப்பிய ஒன்றியம் ஐரோப்பா முழுவதும் 27 நாடுகளைக் கொண்டுள்ளது, ஐரோப்பிய சுதந்திர வர்த்தக சங்கம் சுவிட்சர்லாந்து, நார்வே, லிச்சென்ஸ்டீன் மற்றும் ஐஸ்லாந்து ஆகிய நான்கு உறுப்பினர்களைக் கொண்டுள்ளது. எனவே இந்த நாடுகளில் உள்ள இந்தியர்கள் உள்பட யாரும் இந்த மாத இறுதி வரை இந்தியாவுக்குள் வர முடியாது.

கடந்த வாரம் வெள்ளிக்கிழமை முதல் வெளிநாட்டு பாஸ்போர்ட் வைத்திருப்பவர்கள் மற்றும் வெளிநாட்டு இந்திய குடிமக்கள் (OCI) அட்டைதாரர்கள் நாட்டிற்குள் நுழைவதற்கான சமீபத்திய தடையைத் தொடர்ந்து இந்த தடை விதிக்கப்பட்டுள்ளது. இருப்பினும், இந்திய பாஸ்போர்ட் வைத்திருப்பவர்கள் இந்தியாவுக்குள் நுழைய அனுமதிக்கப்பட்டனர். ஆனால் இனி இந்தியர்களும் இந்தியாவுக்குள் நுழைய முடியாது. இந்த மாத இறுதி வரை இந்தியாவுக்கான விமானங்களை ரத்து செய்யப்ட்டுள்ளதால் வர முடியாது.

சீனா, கொரியா, ஈரான், ஸ்பெயின், பிரான்ஸ், ஜெர்மனி மற்றும் இத்தாலி ஆகிய ஏழு நாடுகளில் இருந்து வரும் பயணிகளை கட்டாயமாக தனிமைப்படுத்துவதாக இந்தியா கடந்த வாரம் தாமதமாக அறிவித்தது. அவர்களின் உடல்நிலையைப் பொறுத்து அவற்றை மூன்று பிரிவுகளின் கீழ் வைக்கவும் முடிவு செய்திருந்தது. இந்த கூடுதலாக, 11 நாடுகளில் இருந்து வரும் இந்திய நாட்டினரை கட்டாய தனிமைப்படுத்தலுக்கு செல்ல இந்தியா உத்தரவிட்டுள்ளது.

இந்தியாவில் அடுத்தடுத்து முக்கியமான தனியார் வங்கிகள் திவாலாக போவது உறுதி என்று சுப்பிரமணிய சுவாமி கூறியிருப்பது மக்களிடையே பெரும் அச்சத்தை ஏற்படுத்தியுள்ளது.

தற்போது எஸ் பேங்க் திவாலாகி உள்ளதை உறுதி செய்துவிட்டது. இந்த வங்கி ரிசர்வ் வங்கியுடன் இணைக்கப்பட்டுள்ளது, அதிக கடன் கொடுத்ததால் இந்த மோசமான நிலைக்கு தள்ளப்பட்டுள்ளதாக செய்திகள் வெளியாகியுள்ளது.

பாஜகவின் ஆட்சியில் இந்தியாவின் வளர்ச்சி அகல பாதாளத்தில் விழுந்துவிட்டதாக சுப்ரமணியம் சுவாமி கூறியிருப்பது அதிர்ச்சியை ஏற்படுத்தி உள்ளது. இந்தியாவின் பங்குச்சந்தை 7 லட்சம் கோடி சரிந்து உள்ளதாக கூறியுள்ளார்.

எஸ் பேங்க் திவாலானது அடுத்தடுத்து தனியார் வங்கிகள் திவால் ஆவதற்கு ரெடியாக உள்ளதாக கூறியிருப்பது இன்னும் பயம் கலந்த சந்தேகத்தை கிளப்பியுள்ளது. தற்போது எஸ் பேங்கில் ஒரு மாதத்திற்கு 50 ஆயிரம் ரூபாய் மட்டுமே எடுக்க முடியும் என்று ரிசர்வ் வங்கி தெரிவித்துள்ளது.

 

இது மட்டுமல்லாமல் அடுத்ததாக 10 வங்கிகள் வரிசைகட்டி நிற்பதாகவும் அதில் முதலிடத்தில் ஆக்சிஸ் வங்கி இருப்பதாகவும் தெரிவித்துள்ளார். இதனுடன் சேர்ந்து ஐசிஐசிஐ, எச்டிஎப்சி, பேங்க் ஆப் பரோடா போன்ற வங்கிகள் குறிப்பிடத்தக்கது.

தனியார் வங்கிகளை ரிசர்வ் வங்கியுடன் இணைப்பதால் எந்த ஒரு பயனும் இல்லை என்று சுப்பிரமணியசாமி திட்டவட்டமாக தெரிவித்துள்ளார். 

பாஜகவில் இருந்து கொண்டே ஆளும் கட்சியினரை வெளுத்து வாங்கும் சுப்பிரமணியசாமி கூறியிருப்பது குறிப்பிடத்தக்கது.

டெல்லியில் கடந்த பிப்ரவரி 24 மற்றும் 25ம் தேதிகளில் நடந்த சிஏஏ வன்முறையில் 50க்கும் மேற்பட்டோர் கொல்லப்பட்டனர். 500க்கும் மேற்பட்டோர் படுகாயம் அடைந்தனர். ஏராளமான மக்களின் வாழ்வாதாரங்கள் ஒட்டுமொத்தமாக அழிக்கப்பட்டன. வீடுகள், கட்டிடங்கள், கடைகள், தீ வைத்து எரிக்கப்பட்டன. மிகப்பெரிய கலவரத்தில் குறிப்பிட்ட சமூக மக்கள் மோசமாக பாதிக்கப்பட்டனர். இது தொடர்பாக நேற்று லோக்சபாவில் விவாதிக்கப்பட்டது. வியாழக்கிழமை ராஜ்யசபாவில் விவாதிக்கப்பட்டது. விவாதத்தில் எதிர்க்கட்சி எம்பிக்களின் பல்வேறு குற்றச்சாட்டுகளுக்கு பதில் அளித்து உள்துறை அமைச்சர் அமித் ஷா பேசினார்.

அப்போது அவர் கூறியது:

டெல்லி கலவரத்தில் உயிரிழந்தவர்களுக்கு ஆழ்ந்த இரங்கலை தெரிவித்துக்கொள்கிறேன். டெல்லி கலவரத்தில் ஈடுபட்டோருக்கு கடுமையாக தண்டனை கிடைக்கும். கலவரத்தில் ஈடுபட்டவர்கள் எந்த மதம், எந்த கட்சி, எந்த ஜாதியாக இருந்தாலும், யாராக இருந்தாலும் சட்டத்தின் முன் நிறுத்தப்படுவார்கள். டெல்லி வன்முறை குறித்து தாமதமாக விவாதிக்க காரணம் அங்கு அமைதி திரும்ப வேண்டும் என்பதற்காகவே தாமதமாக விவாதிக்கிறோம்.

டெல்லி கலவரக்காரர்களை முகம் அடையாளம் காண நாங்கள் ஆதார் ஐடியைப் பயன்படுத்தவில்லை. நாங்கள் மக்களின் தனியுரிமையை மதிக்கிறோம், ஆனால் மக்கள் கொல்லப்படும் இடத்தில், வாழ்க்கையை விட தனியுரிமையை நாம் மதிக்க வேண்டுமா? டி / எல் மற்றும் வாக்காளர் அடையாள விவரங்களின் அடிப்படையில் மக்களை நாங்கள் அடையாளம் காண்கிறோம், இதன் மூலம் அவர்களின் பங்கை அறிவியல் பூர்வமாக நிரூபிக்க முடியும்.

டெல்லி வன்முறை தொடர்பாக 1922 சந்தேக நபர்கள் அடையாளம் காணப்பட்டுள்ளனர், 700 க்கும் மேற்பட்ட எஃப்.ஐ.ஆர் பதிவு செய்யப்பட்டுள்ளது. வன்முறையை விசாரிக்க மேலும் ஒரு எஸ்ஐடி உருவாக்கப்பட்டுள்ளது. வன்முறையைத் தூண்டுவதற்காக நிதி மாற்றப்பட்டது. வன்முறைக்கு யார் நிதியளித்தார்கள் என்பதை விரைவில் கண்டுபிடிப்போம்.

டெல்லி போலீசார் கலவரம் மற்ற பகுதிகளுக்கு பரவாமல் தடுத்தனர். போலீசார் அனைவருக்காகவும் தங்கள் வேலையைச் செய்தார்கள்: பிப்ரவரி 25 க்குப் பிறகு பெரிய வன்முறை சம்பவங்கள் எதுவும் நடக்கவில்லை. 36 மணி நேரத்திற்குள் நிலைமை கட்டுப்பாட்டுக்குள் கொண்டுவரப்பட்டது.

சமூக வலைதளங்களில் சில கணக்குள் கடந்த பிப்ரவரி 25ம் தேதிக்கு முன்பு ( கலவரத்துக்கு இரண்டு நாட்களுக்கு முன்பு) இருந்தே வெறுப்பை மட்டுமே பரப்பி வந்தன, அத்தகைய சமூக வலைதள கணக்குகளின் உரிமையாளர்கள் பாதுகாப்பாக இருப்பதாக நினைக்க வேண்டாம். நிச்சயமாக அவர்கள் சட்டத்தின் முன் நிறுத்தப்பட்டு தண்டிக்கப்படுவார்கள் என்றார்.

போபால்

மத்திய பிரதேசத்தில், முதலமைச்சர் கமல்நாத் தலைமையிலான, காங்கிரஸ் அரசு அமைந்துள்ளது. முன்னாள் மத்திய அமைச்சரான ஜோதிராதித்ய சிந்தியா, சமீபத்தில் காங்.,கில் இருந்து விலகி, பா.ஜ.,வில் இணைந்தார். அவருடைய ஆதரவாளர்களான, 22 காங்கிரஸ் - எம்.எல்.ஏ.,க்களும் தங்களுடைய பதவியை ராஜினாமா செய்தனர். இதற்கான கடிதத்தை, கவர்னர் மற்றும் சபாநாயகருக்கு அனுப்பி வைத்தனர்.

இதையடுத்து, சட்டசபையில், காங்கிரஸ் பெரும்பான்மை பலத்தை இழந்துள்ளது. இந்நிலையில், சட்டசபையில், வரும், 16ம் தேதி பெரும்பான்மையை நிரூபிக்க உத்தரவிட வேண்டும் என, பா.ஜ., கூறியுள்ளது. இது குறித்து, பா.ஜ.,வைச் சேர்ந்த முன்னாள் முதல்வர், சிவராஜ் சிங் சவுகான் மற்றும் கட்சியின் கொறடா நரோத்தம் மிஸ்ரா, கூறியுள்ளதாவது: சட்டசபையின் மொத்தமுள்ள, 228 இடங்களில், காங்.,குக்கு, 114 எம்.எல்.ஏ.,க்கள் இருந்தனர். பெரும்பான்மைக்கு, 115 பேரின் ஆதரவு தேவை. பகுஜன் சமாஜ், சுயேச்சை எம்.எல்.ஏ.,க்கள் ஆதரவு அளித்து வந்தனர்.

தற்போது, 22 காங்கிரஸ் - எம்.எல்.ஏ.,க்கள் ராஜினாமா செய்துள்ளதால், சட்டசபையின் பலம், 206 ஆக குறைகிறது. பெரும்பான்மைக்கு, 104 பேரின் ஆதரவு தேவை. ஆனால், காங்.,குக்கு, 92 எம்.எல்.ஏ.,க்கள் மட்டுமே உள்ளனர். பா.ஜ.,வுக்கு, 107 எம்.எல்.ஏ.,க்கள் உள்ளனர். தற்போது, காங்., அரசு பெரும்பான்மை பலத்தை இழந்துவிட்டது. வரும், 16ம் தேதி சட்டசபை பட்ஜெட் கூட்டத் தொடர் துவங்குகிறது.

அன்றைய தினம், கமல்நாத் அரசு பெரும்பான்மை பலத்தை நிரூபிக்க உத்தரவிட வேண்டும். இது தொடர்பாக, கவர்னர் மற்றும் சபாநாயகரை சந்திக்க உள்ளோம். இவ்வாறு, அவர்கள் கூறினர். இதற்கிடையே, இன்று தன்னை நேரில் சந்தித்து விளக்கம் அளிக்கும்படி, 22 எம்.எல்.ஏ.,க்களுக்கும், சபாநாயகர் பிரஜாபதி, 'நோட்டீஸ்' அனுப்பி உள்ளார்.

பா.ஜ.கவில் இணைந்த, ஜோதிராதித்ய சிந்தியா, ராஜ்யசபாவுக்கு நடக்கும் தேர்தலில், பா.ஜ.க, வேட்பாளராக அறிவிக்கப்பட்டுள்ளார். நேற்று முன்தினம் கட்சியில் இணைந்த சிந்தியா, கட்சியின் பல முக்கிய தலைவர்களை நேற்று சந்தித்தார். மத்திய உள்துறை அமைச்சர், அமித் ஷா, ராணுவ அமைச்சர், ராஜ்நாத் சிங் உள்ளிட்டோரை அவர் சந்தித்தார். 'சிந்தியாவின் வருகையால், மத்திய பிரதேசத்தில் மக்களுக்கு சேவையாற்ற பா.ஜ.,வுக்கு பலம் அதிகரித்துள்ளது' என, சமூக வலைதளத்தில் வெளியிட்டுள்ள செய்தியில், அமித் ஷா கூறியுள்ளார்.

மஹாராஷ்டிராவில், முதல்வர், உத்தவ் தாக்கரே தலைமையிலான, சிவசேனா, தேசியவாத காங்கிரஸ் மற்றும் காங்கிரஸ் கூட்டணி அரசு அமைந்து உள்ளது. சிவசேனாவின், 'சாம்னா' பத்திரிகையில் வெளியிடப்பட்டுள்ள கட்டுரையில், 'மத்திய பிரதேசத்தில் நடந்ததுபோல், மஹாராஷ்டிராவிலும் அதிர்ச்சி நடவடிக்கைகள் நடக்கும் என, பா.ஜ.,வினர் பகல் கனவு காண வேண்டாம். 'இந்தக் கூட்டணி அரசு மிகவும் வலுவாக, இணக்கமாக உள்ளது' என, கூறப்பட்டுள்ளது.

பா.ஜ.க,வில் இணைந்துள்ள, ஜோதிராதித்ய சிந்தியா, டில்லியில் இருந்து, தன் மாநிலமான மத்திய பிரதேசத்துக்கு நேற்று திரும்பினார். மத்திய விவசாயத் துறை அமைச்சர், நரேந்திர சிங் தோமருடன், சிறப்பு விமானத்தில், போபால் விமான நிலையத்துக்கு நேற்று மதியம் வந்தார். விமான நிலையத்தில் குழுமிஇருந்த, அவருடைய ஆதரவாளர்கள் மற்றும் பா.ஜ.,வினர், அவரை வரவேற்றனர். அவருடைய அத்தையும், பா.ஜ.க - எம்.எல்.ஏ.,வுமான யசோதரா ராஜே சிந்தியா, பா.ஜ.க மூத்த தலைவர்கள் அவரை வரவேற்றனர்.

விமான நிலையத்தில் இருந்து, பா.ஜ.க அலுவலகத்துக்கு செல்லும், 15 கி.மீ துார சாலைகளில், பா.ஜ.க கொடிகள், சிந்தியாவின் படத்துடன் கூடிய பேனர்கள் வைக்கப்பட்டிருந்தன. முன்னதாக, மாநிலத்தில் சில இடங்களில், சிந்தியாவின் போஸ்டர்களுக்கு, சிலர் கறுப்பு வர்ணம் பூசியதாக கூறப்படுகிறது. ராஜ்யசபாவுக்கு வரும், 26ம் தேதி நடைபெறும் தேர்தலில், மத்திய பிரதேசத்தில், பா.ஜ., வேட்பாளராக, சிந்தியா அறிவிக்கப்பட்டுள்ளார். அவர் இன்று, தன் வேட்பு மனுவை தாக்கல் செய்ய உள்ளார்.

சிந்தியா சொல்வதற்கும், அவருடைய மனதில் உள்ளதற்கும் நிறைய வித்தியாசம் உள்ளது. தன் கொள்கையை அவர் மறந்துவிட்டார். அதனால், பா.ஜ.கவில் அவருக்கு சரியான மரியாதை கிடைக்காது என்று ராகுல் கூறியுள்ளார்.

புதுடெல்லி

நிதி நெருக்கடியில் சிக்கிய யெஸ் வங்கி, ரிசர்வ் வங்கி கட்டுப்பாட்டில் கொண்டுவரப்பட்டுள்ளது. வாடிக்கையாளர்களுக்கு நிறைய கட்டுப்பாடுகள் விதிக்கப்பட்டன. அவை படிப்படியான தளர்த்தப்பட்டு வருகின்றன. இதர வங்கிக்கணக்கில் இருந்து யெஸ் வங்கிக்கு செலுத்த வேண்டிய கடன் தவணை, கிரெடிட் கார்டு நிலுவைத்தொகை ஆகியவற்றை ஐ.எம்.பி.எஸ் என்.இ.எப்.டி. போன்ற மின்னணு பணபரிமாற்ற சேவை மூலம் செலுத்தலாம் என்று யெஸ் வங்கி ஏற்கனவே கூறியிருந்தது.

இந்நிலையில், ரூ.2 லட்சத்துக்கு மேற்பட்ட தொகையை செலுத்துவதற்கான ஆர்.டி.ஜி.எஸ். மின்னணு பணபரிமாற்ற சேவை மீண்டும் அனுமதிக்கப்படுவதாக யெஸ் வங்கி நேற்று தெரிவித்தது. இதன்படி, இதர வங்கிக்கணக்கில் இருந்து ரூ.2 லட்சத்துக்கு மேற்பட்ட தொகையை ஆர்.டி.ஜி.எஸ் சேவை மூலம் செலுத்தலாம் என்று கூறியுள்ளது.

யெஸ் வங்கியில் நடப்பு கணக்கு வைத்திருக்கும் நிறுவனங்கள், வங்கி மூலமாக ஊழியர்களுக்கு சம்பளம் வழங்குவதில் பிரச்சினை இல்லை என்று கூறியுள்ளது. இருப்பினும், பிறருக்கு அளித்த காசோலைகள், நிலைமை சீரடையும்வரை ஒப்புதல் அளிக்கப்பட மாட்டாது என்றும் வங்கி நிர்வாகம் கூறியுள்ளது. ஏப்ரல் 3-ந் தேதிவரை கட்டுப்பாடுகள் நீடிப்பதால், அந்த காலகட்டத்தில் புதிய கடனோ, முன்தொகையோ வழங்கப்படாது என்றும் தெரிவித்துள்ளது.

Page 1 of 8

Latest Tweets

The most stylish Isometric Educational theme now comes with #LearnDash demo. #LMS #education #wordpress… https://t.co/C3QIRV1r9b
RT @Javedakhtarjadu: So many killed , so many injured , so many house burned , so many shops looted so many people turned destitutes but p…
100+ sales and New Classical Home added on Turitor Education WordPress theme. #LearnDash and #TutorLms demo will be… https://t.co/i7KzaqZrbW
Follow Themewinter on Twitter

Post Gallery

அமெரிக்காவில் ஒரே நாளில் 15 ஆயிரம் பேருக்கு கொரோனா

மூன்று மாதங்களுக்கு இ.எம்.ஐ செலுத்த தேவையில்லை - ரிசர்வ் வங்கியின் ஆளுநர்