Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Reload Captcha
இந்தியா

இந்தியா (31)

காங்கிரஸ் கட்சியின் நாடாளுமன்ற உறுப்பினர் சசி தரூர் காஷ்மீர் முன்னாள் முதல்வர் பரூக் அப்துல்லா எழுதிய கடிதத்தை வெளியிட்டுள்ளார். நாடாளுமன்ற குளிர்கால கூட்டத் தொடர் நடைபெற்று வரும் நிலையில், பரூக் அப்துல்லா அதில் பங்கேற்க அனுமதிக்கப்படவில்லை.
 
பரூக் அப்துல்லா, முன்னாள் முதல்வரும் பாஜகவுடன் கூட்டணி அமைத்து ஜம்மு காஷ்மீரில் ஆட்சிய நடத்தியவருமான மெகபூபா முப்தி, நூற்றுக்கணக்கான அரசியல் தலைவர்கள் உள்ளிட்டோர் புதிதாக உருவாக்கப்பட்ட காஷ்மீர் யூனியன் பிரதேசங்களில் சிறை வைக்கப்பட்டுள்ளனர். புதிதாக ஏற்படுத்தப்பட்ட மற்றொரு யூனியன் பிரதேசம் லடாக் ஆகும்.
 
சசி தரூருக்கு எழுதியுள்ள கடிதத்தில் பரூக் அப்துல்லா கூறியிருப்பதாவது:
 
நீங்கள் கடந்த அக்டோபர் 21, 2019 -ல் எனக்கு அனுப்பிய கடிதத்தை இன்று நான் பெற்றுக் கொண்டேன். சிறையில் இருக்கும் எனக்கு சிறைத்துறை அதிகாரி அந்த கடிதத்தை வழங்கினார். இவ்வாறு தாமதமாக நான் கடிதம் பெறப்பட்டதை துரதிருஷ்டவசமாக உணர்கிறேன். இது ஒரு மூத்த நாடாளுமன்றவாதியை, அரசியல்கட்சியின் தலைவரை நடத்தும் முறையல்ல. நாங்கள் ஒன்றும் குற்றவாளிகள் கிடையாது.
 
இவ்வாறு பரூக் அப்துல்லா தனது கடிதத்தில் குறிப்பிட்டுள்ளார்.
 
பதற்றத்தை குறைப்பதற்காக காஷ்மீரில் உள்ள பெரும்பாலான அரசியல் கட்சி தலைவர்களை மத்திய அரசு சிறையில் வைத்துள்ளது. கடும் கட்டுப்பாடுகளும் விதிக்கப்பட்டுள்ளன.
 
இந்த விவகாரத்தை காங்கிரஸ் கட்சி நாடாளுமன்றத்தில் எழுப்பியது. பரூக் அப்துல்லா நாடாளுமன்றத்திற்கு வந்திருப்பார் என்றால் அவர் காஷ்மீரில் நடந்தவற்றை கூறி விடுவார் என்பதற்காக அவரை மத்திய அரசு தடுத்து நிறுத்தியுள்ளது என்று காங்கிரஸ் குற்றம் சாட்டியது.
 
இந்த விவகாரம் குறித்து காங்கிரஸ் எம்.பி. சசி தரூர் தனது ட்விட்டர் பதிவில், "சிறையில் உள்ள பரூக் அப்துல்லாவிடமிருந்து கடிதம் வந்துள்ளது. அவரை நடைபெறுகிற நாடாளுமன்ற கூட்டத்தொடரில் பங்கேற்க வைப்பதற்கு உறுப்பினர்கள் நடவடிக்கை எடுக்க வேண்டும். இல்லாவிட்டால் கைது நடவடிக்கை என்பது எதிர்க்கட்சியினரை ஒடுக்கும் ஆயுதமாக பயன்படுத்தப்பட்டுவிடும். ஜனநாயக மாண்பை காப்பதற்காக அவர் நாடாளுமன்ற கூட்டத்தில் பங்கேற்க வேண்டும்" என்று குறிப்பிட்டுள்ளார்.
 
பொது அமைதியை பாதுகாக்கும் சட்டத்தின் கீழ் பரூக் அப்துல்லா சிறை வைக்கப்பட்டுள்ளார். விசாரணையின்றி ஒருவரை 2 ஆண்டுகளுக்கு சிறைவைக்க இந்த சட்டம் வழிவகை செய்கிறது.
 
நாடாளுமன்ற உறுப்பினர், 3 முறை முதல்வராக இருந்த பரூக் அப்துல்லாவுக்கும், அங்குள்ள அரசியல்வாதிகளுக்கும் இப்படியொரு அனுபவம் ஏற்படுவது இதுவே முதன்முறை. வழக்கமாக தீவிரவாதிகள், பிரிவினைவாதிகள், கல்வீசுவோர் மீதுதான் இந்த அடக்குமுறை கையாளப்படும். மரக்கட்டைகள் கடத்தப்படுவதை தடுப்பதற்காக பரூக் அப்துல்லாவின் தந்தை ஷேக் அப்துல்லா கடந்த 1978-ல் இந்த சட்டத்தை கொண்டு வந்தார்.
 

டெல்லி

வெங்காய விலை உயர்வை கண்டித்து நாடாளுமன்ற வளாகத்தில் காங்கிரஸ் கட்சி இன்று ஆர்ப்பாட்டம் நடத்தியது. இந்த ஆர்ப்பாட்டத்தில் திகார் சிறையிலிருந்து ஜாமீனில் நேற்று வெளியே வந்த ப. சிதம்பரம் கலந்து கொண்டார். அவர் கண்டன பதாகைகளையும் கையில் வைத்திருந்தார். அதோடு இன்று கூட்டத்தொடரில் நடைபெறும் விவாதங்களிலும் அவர் கலந்து கொள்கிறார்.

இந்த நிலையில் ஆர்ப்பாட்டத்தில் கலந்து கொண்ட ப சிதம்பரம் செய்தியாளர்களை சந்தித்தார். அப்போது அவர் வெங்காய விலை குறித்த விவாதத்தின் போது மத்திய நிதி அமைச்சர் நிர்மலா சீதாராமன் தான் வெங்காயத்தை உட்கொள்வதில்லை. தான் வெங்காயம், பூண்டு ஆகியவற்றை உட்கொள்ளாத குடும்பத்தை சேர்ந்தவர் என கூறியுள்ளார். வெங்காயத்தை சாப்பிட மாட்டார் என்றால் அவர் பட்டர் புரூட்டை சாப்பிடுகிறாரா என கேள்வி எழுப்பியுள்ளார் சிதம்பரம். மேலும் நாடாளுமன்றத்தில் எனது குரலை மத்திய அரசால் ஒடுக்க முடியாது என்றார்.

ஹைதராபாத்

ஹைதராபாத் பெண் மருத்துவர் பாலியல் வன்கொடுமை மற்றும் கொலை வழக்கில் கைதான 4 பேரும் போலீசால் என்கவுண்டர் செய்யப்பட்டுள்ளனர்.

ஹைதராபாத்தை சேர்ந்த 26 வயது நிரம்பிய கால்நடை மருத்துவர் பாலியல் வன்புணர்வு செய்யப்பட்டு கடந்த புதன் கிழமை மாலை கொலை செய்யப்பட்டார். இந்த சம்பவம் நாடு முழுக்க அதிர்ச்சியை ஏற்படுத்தி உள்ளது. ஹைதராபாத்தின் சத்தனபள்ளி டோல் கேட் அருகே இந்த கொலை சம்பவம் நடந்துள்ளது.

அந்த பெண்ணை பாலியல் வன்புணர்வு செய்து, அதன் பின் கொலை செய்து சத்தனபள்ளி டோல் கேட் அருகே இருக்கும் பாலத்தின் கீழ் வைத்து எரித்து இருக்கிறார்கள். இந்த கொலையில் தொடர்புடைய நான்கு பேரையும் போலீசார் 24 மணி நேரத்தில் கண்டுபிடித்து கைது செய்தனர்.

அந்த பெண்ணை மிகவும் மோசமாக கொடுமைப்படுத்தி கொலை செய்துள்ளனர். அவரின் வாயில் மதுவை ஊற்றி கொடுத்துவிட்டு, பின் தலையில் கல்லால் அடித்துள்ளனர். கடைசியாக கொலை செய்துவிட்டு அங்கிருந்து 27 கிமீ அவரின் உடலை லாரியில் வைத்து கொண்டு சென்று பின் எரித்துள்ளனர்.

இந்த இலையில் கைது செய்யப்பட 4 பேரையும் போலீசார் தீவிரமாக விசாரித்து வந்தனர். இந்நிலையில் கைதான 4 பேரும் போலீசால் என்கவுண்டர் செய்யப்பட்டுள்ளனர்.

குற்றம் நடந்த இடத்திற்கு 4 பேரையும் விசாரணைக்காக அழைத்து சென்றுள்ளனர். அங்கு அழைத்துச் சென்றபோது 4 பேரும் தப்பிசெல்ல முயற்சி செய்துள்ளனர். இதனால் பாதுகாப்பு கருதி அவர்கள் என்கவுன்ட்டரில் சுட்டுக்கொல்லப்பட்டதாக போலீஸ் அறிவித்துள்ளது

புதுடில்லி

ஐ.என்.எக்ஸ். மீடியா ஊழலில், அமலாக்கத் துறை தொடர்ந்த பண மோசடி வழக்கில், முன்னாள் மத்திய அமைச்சர் சிதம்பரத்துக்கு ஜாமின் வழங்கி உச்ச நீதிமன்றம் உத்தரவிட்டுள்ளது.

மஹாராஷ்டிர மாநிலம் மும்பையை தலைமையிடமாக வைத்து செயல்பட்டு வந்த, ஐ.என்.எக்ஸ். மீடியா நிறுவனம், அன்னிய முதலீடு பெறுவதற்கு, 2007ல் ஒப்புதல் அளிக்கப்பட்டது. அப்போது மத்திய நிதி அமைச்சராக இருந்த, காங்கிரஸ் மூத்த தலைவர் சிதம்பரம் இதற்கான அனுமதியை அளித்தார். இதில் ஊழல் நடந்துள்ளதாக சி.பி.ஐ. வழக்கு தொடர்ந்துள்ளது. இந்த ஊழலில் நடந்துள்ள பண மோசடி குறித்து அமலாக்கத் துறையும் வழக்கு தொடர்ந்தது.

இந்நிலையில், இந்த ஆண்டு, ஆக. 21ல் சி.பி.ஐ. அதிகாரிகள் சிதம்பரத்தை கைது செய்தனர். அதைத் தொடர்ந்து, அமலாக்கத் துறை வழக்கில் அவர் கைது செய்யப்பட்டார். இந்த வழக்கில் ஜாமின் கேட்டு அவர் தாக்கல் செய்த மனுவை, டில்லி உயர் நீதிமன்றம் தள்ளுபடி செய்தது. அதை எதிர்த்து, உச்ச நீதிமன்றத்தில் அவர் மேல்முறையீடு செய்தார்.

இந்த மனுவை, நீதிபதிகள் ஆர்.பானுமதி, ஏ.எஸ்.போபண்ணா, ரிஷிகேஷ் ராய் அமர்வு விசாரித்து, தீர்ப்பை ஒத்தி வைத்திருந்தது. ஜாமின் மனு மீதான தீர்ப்பு, நேற்று அளிக்கப்பட்டது. பல்வேறு நிபந்தனைகளுடன் ஜாமின் வழங்கி உச்ச நீதிமன்றம் அளித்துள்ள உத்தரவில் கூறப்பட்டுள்ளதாவது:

சாட்சியங்களை கலைத்து விடுவார் என்ற வாதத்தை ஏற்க முடியாது. அவர் ஆட்சி அதிகாரத்திலோ, மத்திய அரசில் எந்தப் பொறுப்பிலோ இல்லை. அவ்வாறு இருக்கும்போது, எப்படி சாட்சியத்தை கலைக்க முடியும்? பொருளாதார குற்றம் என்பது மிகவும் தீவிரமான பிரச்னை தான். அதே நேரத்தில் ஜாமின் மனுக்களின் மீது, ஜாமின் வழங்கப்பட வேண்டும் என்பது தான் விதி; மறுப்பது என்பது விதிவிலக்காக இருக்க வேண்டும். அந்த வகையில், இந்த வழக்கில், சிதம்பரத்துக்கு ஜாமின் வழங்கப்படுகிறது. இந்த வழக்கில், ஒரு சாட்சி சிதம்பரத்துடன் இணைத்து விசாரிக்க ஒத்துழைக்க மறுப்பதாக அமலாக்கத் துறை கூறிஉள்ளது. அதற்கு சிதம்பரத்தை காரணம் காட்ட முடியாது.

சிதம்பரத்துக்கு, 2 லட்சம் ரூபாய் சொந்த ஜாமின் மற்றும் அதே தொகைக்கு இரண்டு பிணைகள் என்ற நிபந்தனையுடன் ஜாமின் வழங்கப்படுகிறது. ஜாமினில் வெளி வந்த பிறகு, இந்த வழக்கு தொடர்பாக, பொது நிகழ்ச்சிகளில் பேசக்கூடாது, ஊடகங்களுக்கு பேட்டி அளிக்கக் கூடாது. அமலாக்கத் துறை விசாரணைக்கு அழைக்கும்போது ஆஜராக வேண்டும். சாட்சியங்களை அழிக்கவோ, திருத்தவோ முயற்சிக்கக் கூடாது. சாட்சிகளை கலைக்கக் கூடாது. விசாரணை நீதிமன்றத்தின் முன்அனுமதி இல்லாமல், நாட்டை விட்டு வெளியேறக் கூடாது. இவ்வாறு தீர்ப்பில் கூறப்பட்டுள்ளது.

தீர்ப்பை அடுத்து, டில்லியில் உள்ள சிறப்பு நீதிமன்றத்தில், சிதம்பரம் சார்பில் 2 லட்சம் ரூபாய்க்கான உறுதிமொழி பத்திரம் மற்றும் அதே தொகைக்கான இரண்டு பிணை செலுத்தப்பட்டது. அதை சிறப்பு நீதிமன்ற நீதிபதி அஜய் குமார் குஹார் ஏற்றுக் கொண்டார். உச்ச நீதிமன்றம் அளித்த தீர்ப்பை அடுத்து, 106 நாட்களுக்குப் பிறகு, திஹார் சிறையில் இருந்து சிதம்பரம் நேற்று வெளியே வந்தார். அவரை அவருடைய மகன் கார்த்தி உள்ளிட்டோர் வரவேற்றனர். ஏராளமான காங்கிரஸ் தொண்டர்களும் அங்கு குழுமியிருந்தனர்.

காந்திநகர், குஜராத்.

தொடர்ந்து புகார்கள் எழுந்ததால் குஜராத் மாநிலத்தில் உள்ள நித்யானந்தாவின் ஆசிரமத்தை மாவட்ட நிர்வாகத்தினர் மூடியுள்ளனர். இதையடுத்து ஆசிரமத்தில் உள்ளவர்கள் வெளியேற்றப்பட்டு வருகின்றனர்.

பெங்களூரு அருகே உள்ள பிடதியை தலைமையிடமாக கொண்டு நித்யானந்தா ஆசிரமம் நடத்தி வருகிறார். இவருக்கு வெளிநாடுகளில் இருந்து ஏராளமான பக்தர்கள் உள்ளனர். மேலும் வெளிநாடுகளிலும் பல்வேறு கிளைகளை அவர் தொடங்கியுள்ளார். இந்நிலையில் குஜராத் மாநிலம் அகமதாபாத்தில் உள்ள ஹீராபூரில் ஒரு தனியார் பள்ளியில் நித்யானந்தாவின் ஆசிரமம் இயங்கி வந்தது. இங்கு 4 சிறுமிகள் அடைத்து வைக்கப்பட்டதாகவும் அவர்கள் சித்ரவதைக்குள்ளாக்கப்படுவதாகவும் புகார் எழுந்தது.

இதுதொடர்பாக பெங்களூரைச் சேர்ந்த ஜனார்த்தன சர்மாவின் புகாரின் பேரில் ஹீராபூர் ஆசிரமத்தில் இருந்த சர்மாவின் இரு குழந்தைகள் உள்பட 4 பேர் மீட்கப்பட்டனர். குருகுல கல்வி என்ற பெயரில் நித்யானந்தா ஆசிரமத்தில் சேரும் குழந்தைகளை நள்ளிரவில் எழுப்பி மேக்கப் போட வைத்து நித்யானந்தாவுடன் விளம்பரப்படங்களில் நடிக்க வைப்பதும் தெரியவந்தது.

மேலும் பணக்காரர்கள், தொழிலதிபர்களை குறிவைத்து இந்த சிறுமிகளை அனுப்பி நித்யானந்தா குறித்து புகழை பரப்பி அவர்களிடம் இருந்து நன்கொடை வசூல் செய்யவும் கட்டாயப்படுத்துவது தெரியவந்தது. மேலும் நன்கொடை என்றால் சிறிய தொகை அல்ல. குறைந்த பட்சம் 3 லட்சம் ரூபாய் வசூல் செய்ய வேண்டும். பணமாக இல்லாவிட்டால் நிலத்தையாவது எழுதி வாங்கி வரவேண்டுமாம். இப்படித்தான் நித்யானந்தா ஆசிரமத்துக்கு வருமானம் வருவதாக கூறப்படுகிறது.

இதுதொடர்பாக 2 நிர்வாகிகள் கைது செய்யப்பட்டனர். நித்யானந்தாவை கைது செய்யவும் அவரிடம் விசாரணை நடத்தவும் போலீஸார் தேடி வருகின்றனர். ஆனால் அவர் இருக்கும் இடம் தெரியவில்லை. இந்த நிலையில் மேலும் சில புகார்கள் இந்த ஆசிரமம் குறித்து எழுந்த வண்ணம் உள்ளன.

இதனால் நித்யானந்தா ஆசிரமத்தை மூட மாவட்ட நிர்வாகத்தினர் உத்தரவிட்டுள்ளனர். இதையடுத்து ஆசிரமத்தில் உள்ளவர்களை வெளியேற்றி வருகின்றனர். இதனால் அப்பகுதியில் பரபரப்பு எழுந்துள்ளது.

 
 

டெல்லி

பா.ஜ.க அரசு காரணமாக நாட்டில் அச்சமான சூழ்நிலை நிலவி வருகிறது என்று பஜாஜ் நிறுவனர் தலைவர் ராகுல் பஜாஜ் விமர்சனம் செய்துள்ளார். அவரின் பேச்சு பெரிய சர்ச்சையை ஏற்படுத்தி உள்ளது.

நேற்று எக்கனாமிக் டைம்ஸ் செய்தி நிறுவனம் நடத்திய விருது விழாவில் உள்துறை அமைச்சர் அமித் ஷா கலந்து கொண்டார். இதில் மத்திய அமைச்சர்கள் நிர்மலா சீதாராமன், பியூஸ் கோயல் உள்ளிட்ட பல தலைவர்கள் கலந்து கொண்டனர். அதேபோல் தொழிலதிபர்கள் முகேஷ் அம்பானி, குமார் மங்களம் பிர்லா, சுனில் பாரதி மிட்டல் ஆகிய முக்கியஸ்தர்கள் கலந்து கொண்டனர். இந்தியாவில் அதிகாரம் படைத்த பலர் இந்த நிகழ்வில் கலந்து கொண்டனர்.

இதில் பஜாஜ் நிறுவன தலைவர் ராகுல் பஜாஜ் பேசியதுதான் தற்போது வைரலாகி உள்ளது. ராகுல் பஜாஜ் தனது பேச்சில், எங்கள் கார்ப்பரேட் துறையில் யாருக்கும் அரசுக்கு எதிராக பேசுவது இல்லை. பொருளாதாரம் மோசமாக இருக்கிறது. ஆனால் அரசுக்கு எதிராக யாரும் பேசுவது கிடையாது, அவர்களுக்கு எல்லாம் அச்சம்.

ஆம் அரசுக்கு எதிராக பேசினால், பிரச்சனை ஏற்படும் சூழல் உருவாகி உள்ளது. கடந்த காங்கிரஸ் ஆட்சியில் அவர்களை விமர்சிக்கும் உரிமை எங்களுக்கு இருந்தது. ஆனால் இப்போது அப்படி இல்லை. பா.ஜ.கவை பார்த்தால் பயமாக இருக்கிறது. எல்லோரிடமும் இந்த அச்சம் இருக்கிறது. மக்கள் பயத்தோடு வாழ்கிறார்கள். ஆனால் அவர்கள் இதை சொல்ல கூட அச்சப்படுகிறார்கள். பிரக்யா தாக்கூர் போன்றவர்கள் லோக்சபாவில் பேசுவது அதிர்ச்சி அளிக்கிறது. அதிலும் அவர் பாதுகாப்பு கமிட்டியில் இருப்பது எல்லாம் அதிர்ச்சி தருகிறது, என்றது குறிப்பிட்டார்.

இதற்கு பதில் அளித்த உள்துறை அமைச்சர் அமித் ஷா, நாட்டில் அப்படி பயப்பட கூடிய சூழ்நிலை எதுவும் நிலவவில்லை. மக்களை எங்களை விமர்சனம் செய்கிறார்கள். பலர் எங்களுக்கு எதிராக கட்டுரைகளை எழுதி வருகிறார்கள். நாங்கள் அவர்களை எல்லாம் எதுவும் செய்யவில்லையே.

சூழ்நிலையை மாற்ற வேண்டும் என்றால் மாற்றலாம். மக்கள் இப்போது இருக்கும் ஆட்சியை விரும்புகிறீர்கள். பிரக்யா தாக்கூருக்கு எதிராக பிரதமரும், நானும் கடுமையாக பேசி இருக்கிறோம். அவரும் அவரின் பேச்சுக்கு மன்னிப்பு கேட்டுவிட்டார், என்று அமித் ஷா குறிப்பிட்டார்.

இந்த நிலையில் ராகுல் பஜாஜுக்கு எதிராக பாஜகவினர் பலர் கமெண்ட் செய்து வருகிறார்கள். சமூக வலைத்தளங்களில் அவரை கிண்டல் செய்து போஸ்ட் செய்து வருகிறார்கள். ராகுல் பஜாஜுக்கு ஆதரவாகவும் சிலர் பேசி வருகின்றனர் என்பது குறிப்பிடத்தக்கது.

 
 

புதுடெல்லி

மராட்டியத்தில்  திடீர் என பா.ஜ.க - தேசியவாத காங்கிரஸ் அஜித் பவார் ஆதரவுடன் ஆட்சி அமைத்து உள்ளது. இந்த அரசியல் மாற்றம்  தேசிய அளவில்  பல தாக்கங்களை ஏற்படுத்தியுள்ளது. நேற்று இரவு, சிவசேனா தலைமையில் ஆட்சியமையும் என்று சரத்பவார் கூறிய நிலையில், இந்த திடீர் அரசியல் திருப்பம் பரபரப்பை ஏற்படுத்தியுள்ளது.

சரத்பவாரின் அண்ணன் மகனான அஜித்பவார், தேசியவாத காங்கிரஸின் அனைத்து எம்.எல்.ஏ.க்களும் ஆதரவுக்கடிதம் அளித்துள்ளதாக கூறப்படுகிறது.

இந்நிலையில், வருகைப் பதிவுக்காக எம்.எல்.ஏ.க்களிடம் பெறப்பட்ட கையெழுத்தை, மோசடியாக பயன்படுத்தி, அஜித்பவார் பதவியேற்றுள்ளார் என்று தேசியவாத காங்கிரஸ் கட்சியின் மூத்த தலைவர் நவாப் மாலிக் குற்றம்சாட்டி உள்ளார்.

 
 

மத்திய பிரதேச மாநிலத்தின் அலாம்பூர் பகுதியிலுள்ள பாரத ஸ்டேட் வங்கியில் (எஸ்.பி.ஐ), ஹூக்கும் சிங் என்ற ஒரே பெயர் கொண்ட இருவர் தனித் தனியாக வங்கி கணக்கை தொடங்கியுள்ளனர். தவறுதலாக ஒரே பெயர் கொண்ட இருவருக்கும் ஒரே வங்கி கணக்கு எண் அளிக்கப்பட்டது தெரியவந்துள்ளது.

ஒருவர் ரூரை என்ற கிராமத்தைச் சேர்ந்தவர். மற்றொருவர் ரௌனி என்ற கிராமத்தைச் சேர்ந்தவர். இவர்களில் ரூரை கிராமத்தைச் சேர்ந்த ஹூக்கும் சிங், தனது வங்கிக் கணக்கில் பணத்தை தொடர்ந்து செலுத்தி வந்துள்ளார். அதே வங்கி கணக்கிலிருந்து ரௌனி கிராமத்தைச் சேர்ந்த ஹூக்கும் சிங் பணத்தை தொடர்ந்து எடுத்து செலவு செய்து வந்துள்ளார்.

இந்நிலையில் கடந்த மாதம் ரூரை கிராமத்தைச் சேர்ந்த ஹூக்கும் சிங், தனது வங்கிக் கணக்கை பார்த்தபோது, சேமிக்கப்பட்ட பணம் அதிகமான அளவில் எடுக்கப்பட்டுள்ளது தெரியவந்தது. இதனையடுத்து அவர் வங்கி அதிகாரிகளிடம் புகார் அளித்துள்ளார். இந்தப் புகாரை அடுத்து மேற்கொள்ளப்பட்ட விசாரணையில், தவறுதலாக ஒரே பெயர் கொண்ட இருவருக்கும் ஒரே வங்கி கணக்கு எண் அளிக்கப்பட்டது தெரியவந்துள்ளது.

“கடந்த ஓராண்டாக ஒருவர் இந்தக் கணக்கில் பணத்தை செலுத்தியுள்ளார். மற்றொருவர் இந்தக் கணக்கிலிருந்து பணத்தை எடுத்து வந்துள்ளார். இதனால், வழக்கமான பரிவர்த்தனை என்று கருதியதால் இந்த தவறு கண்டுபிடிக்கப்படவில்லை” என வங்கி மேலாளர் கூறினார்.

ரௌனி கிராமத்தைச் சேர்ந்த ஹூக்கும் சிங் கூறுகையில்,“என்னுடைய வங்கி கணக்கில் பிரதமர் மோடி தான் பணம் செலுத்துகிறார் என்று நினைத்து, அந்தப் பணத்தை நான் எடுத்து செலவு செய்தேன். இது வங்கி ஊழியர்கள் செய்த தவறு. நான் பொறுப்பேற்க முடியாது” என்றுள்ளார்

சேமித்த பணத்தை இழந்த ரூரை கிராமத்தைச் சேர்ந்த ஹூக்கும் சிங், ”2016-ஆம் ஆண்டு நான் இந்த வங்கியில் கணக்கை தொடங்கினேன். அப்போது முதல் நான் தொடர்ந்து பணத்தை செலுத்தி வருகிறேன். கடந்த மாதம் நான் நிலம் வாங்கலாம் என்பதற்காக என்னுடைய வங்கி கணக்கிலிருந்து பணத்தை எடுக்க வந்தேன். அந்த நேரத்தில் என்னுடைய வங்கி கணக்கிலிருந்து 89 ஆயிரம் ரூபாய் எடுக்கப்பட்டுள்ளது தெரியவந்தது. இதனால் மிகவும் அதிர்ச்சி அடைந்து புகார் அளித்தேன். வங்கி நிர்வாகம் என்னுடைய பணத்தை வழங்க வேண்டும்” என்று கூறியுள்ளார்.

இன்று பிற்பகலில் செய்தியாளர்களை சந்தித்த சரத்பவார், அஜித்பவார் உடன் பா.ஜ.க பக்கம் சென்றுள்ள எம்.எல்.ஏ.க்கள் மீது கட்சித்தாவல் தடைச்சட்டம் பாயும் என்று எச்சரிக்கை விடுத்துள்ளார்.

ஆட்சியமைக்க 145 இடங்கள் தேவைப்படும் நிலையில், பாஜக 105 இடங்களை வைத்துள்ளது. தேசியவாத காங்கிரஸ் கட்சி 56 இடங்களையும், சிவசேனா 54 இடங்களையும் வைத்துள்ளது. பா.ஜ.க உடன் திடீர் கூட்டணி வைத்த அஜித்பவாருக்கு 9 எம்.எல்.ஏ.க்கள் ஆதரவு மட்டுமே இருப்பதாக கூறப்படுகிறது.

இவர்கள் தனி விமானம் மூலம் டெல்லி செல்ல உள்ளனர். மேலும், பல எம்.எல்.ஏ.க்களை இழுக்க பா.ஜ.க தரப்பில் பேச்சுவார்த்தை நடந்து வருகிறது. பெரும்பான்மைக்கு தேவையான 145 இடங்களை சுயேட்சைகள் மற்றும் தேசியவாத காங்கிரஸ் எம்.எல்.ஏ.க்கள் மூலம் பெற பாஜ.க தீவிர முயற்சி எடுத்து வருகிறது.

மஹாராஷ்டிரா சட்டமன்ற தேர்தலில் யாருக்கும் பெரும்பான்மை கிடைக்காத நிலையில், சிவசேனாவின் முதல்வர் பதவி கோரிக்கையால் பா.ஜ.க உடனான கூட்டணி முறிந்தது.

சிவசேனா - தேசியவாத காங்கிரஸ் - காங்கிரஸ் ஆகிய மூன்று கட்சிகளும் இணைந்து ஆட்சியமைக்கலாம் என்று எதிர்பார்க்கப்பட்ட நிலையில், பேச்சுவார்த்தை நீடித்துக்கொண்டே இருந்தது. இதற்கிடையே, குடியரசுத்தலைவர் ஆட்சி அமல்படுத்தப்பட்டது, எனினும், ஆட்சியமைப்பதில் ஒரு முடிவும் எட்டப்படாத நிலை இருந்தது.

சிவசேனா தலைவர் உத்தவ் தாக்கரே தலைமையில் ஆட்சி அமையும் என்று தேசியவாத காங்கிரஸ் கட்சியின் தலைவர் சரத்பவார் நேற்று கூறிய நிலையில், இன்று காலை திடீர் அரசியல் மாற்றம் நடந்தது.

தேசியவாத காங்கிரஸ் கட்சியின் சட்டமன்றக் குழு தலைவராக இருந்த அஜித் பவார், திடீரென பா.ஜ.கவுக்கு ஆதரவுக்கரம் நீட்ட, உடனே குடியரசுத்தலைவர் ஆட்சி விலக்கப்பட்டு, பாஜகவின் தேவேந்திர பட்நாவிஸ் முதல்வராக பதவியேற்றார். அஜித்பவார் துணை முதல்வராக பதவியேற்றார். இந்த திடீர் அதிர்ச்சியை எதிர்பார்க்காத சரத்பவார், தேசியவாத காங்கிரஸ் கட்சிக்கும் அஜித் பவாரின் முடிவுக்கும் தொடர்பு இல்லை என்று கூறினார்.

தேசிய அளவில் இந்த அரசியல் மாற்றம் பல தாக்கங்களை ஏற்படுத்தியுள்ளது. நேற்று இரவு, சிவசேனா தலைமையில் ஆட்சியமையும் என்று சரத்பவார் கூறிய நிலையில், இந்த திடீர் அரசியல் திருப்பம் பரபரப்பை ஏற்படுத்தியுள்ளது. சரத் பவாரின் அண்ணன் மகனான அஜித் பவாரின் இந்த முடிவால், கட்சி இரண்டாக உடைந்துள்ளது. அஜித்பவாரின் கட்சிப் பொறுப்பும், சட்டமன்ற குழுத்தலைவர் பதவியும் பறிக்கப்பட்டுள்ளது.

Page 1 of 3

Latest Tweets

The Ultimate addon for elementor page builder and Metform The most flexible form-builder for Elementor.… https://t.co/WJkGy5pqS6
Digiqole - News Magazine WordPress Theme Dark Variation Added #wordpress #themeforest #newstheme… https://t.co/n2QZuo82gT
@envato_help I apologize, I need quick action about the ticket no. #1702520. Please, help me. Regards.
Follow Themewinter on Twitter

Post Gallery

நித்தியானந்தா வந்தால் இந்தியாவுக்கு தெரிவிக்குமாறு எல்லா நாடுகளுக்கும் சுற்றறிக்கை

பெண்களின் பாதுகாப்புக்காக விரைவில் சிறப்பு தொலைபேசி எண் அறிமுகம் - காவல் ஆணையர் விஸ்வநாதன்

தெலங்கானா என்கவுன்டர்  - போலீஸாருக்கு தலா ரூ.1 லட்சம் பரிசு அறிவித்த ஹரியானா தொழிலதிபர்

அகதிகள் சென்ற படகு கவிழ்ந்து விபத்து - 58 பேர் பலி

சூடானில் தீ விபத்தில் இறந்த 6 இந்தியர்கள் உடலை இந்தியா கொண்டு வர மத்திய அரசு நடவடிக்கை

சசி தரூருக்கு பரூக் அப்துல்லா கடிதம்

சர்வதேச ஆடவர் ஒருநாள் கிரிக்கெட் போட்டிக்கு நடுவராகப் பணியாற்றவுள்ள பெண் நடுவர்

லண்டனில் ”தாடி இருந்தால் வேலை இல்லை” என கூறிய ஹோட்டல் - 6 லட்சம் இழப்பீடு வழங்க தீர்ப்பு

தமிழக உள்ளாட்சி தேர்தல் வழக்கு "இது வரலாற்று சிறப்பு மிக்க தீர்ப்பு" - மு.க.ஸ்டாலின்