Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Reload Captcha
சினிமா

சினிமா (19)

ரஜினிகாந்த் பெரியார் பற்றி தவறான தகவல்களை பரப்புகிறார் என அவருக்கு எதிராக போராட்டங்கள் நடந்துவருகிறது. சமூக வலைத்தளங்களிலும் அவருக்கு எதிராக பலர் பேசி வருகின்றனர்.

ஆனால் இந்த சர்ச்சை பற்றி பேசிய ரஜினி மன்னிப்பு கேட்க முடியாது என தெரிவித்துள்ளார். இந்நிலையில் இது பற்றி ரஜினியின் தீவிர ரசிகரான நடிகர் ராகவா லாரன்ஸ் கூறியிருப்பதாவது:

அனைவருக்கும் வணக்கம்! எனக்கு அரசியல் தெரியாது! ஆனால் அண்ணன் சூப்பர் ஸ்டாரைப பற்றி எனக்கு மிக நன்றாகவே தெரியும்! திரு சூப்பர் ஸ்டார் ரஜினிகாந்த் அவர்களைப் பொறுத்தவரை, யார் மனதையும் நோகும் படி பேசக்கூடியவர் அல்ல! ஏன் அவரை திட்டுபவர்களைக் கூட பதிலுக்கு பதில் திருப்பி திட்டாத பண்பாளர்! எதையும் ப்ளான் செய்தோ, திட்டமிட்டோ அவதூறாக பேசக்கூடியவர் அல்ல! ஆனால் பெரியாரைப் பற்றி அவதூறாக பேசிவிட்டதாக கூறுகின்றனர்.

அப்படி பேசக்கூடியவர் என்றால் 2006 ஆம் ஆண்டு பெரியாரின் தீவிரத்தொண்டரான இயக்குநர் திரு வேலு பிரபாகரன் அவர்கள், "பெரியார் கருத்துக்களை தாங்கி எடுத்த படத்தை வெளியிட முடியாமல் தவித்தபோது திரு வேலுபிரபாகரனே எதிர்பாராத பெரும் தொகையை கொடுத்து, அப்படத்தை வெளியிட எதற்காக ரஜினி சார் உதவி செய்ய வேண்டும்? பெரியார் மீது பெரும் மதிப்பு கொண்டவர்தான் திரு சூப்பர் ஸ்டார் ரஜினி சார் அவர்கள், எனவே அவரை யாரும் தவறாக புரிந்து கொண்டு பேச வேண்டாம் என அவரது மனமறிந்த ரசிகனாக தாழ்மையுடன் கேட்டுக் கொள்கிறேன்! என்றார்.

தனுஷுக்கு தன் மாமனார் ரஜினிகாந்துடன் சேர்ந்து நடிக்க வேண்டும் என்று ஆசை. ஒவ்வொரு முறையும் ரஜினி புதுப்படத்தில் நடிக்க ஒப்புக் கொள்ளும்போது தனுஷ் இதிலாவது சேர்ந்து நடிப்பாரா என்கிற எதிர்பார்ப்பு ஏற்படுகிறது. தனுஷும் எதிர்பார்த்து, எதிர்பார்த்து ஏமாந்து கொண்டிருக்கிறார். இந்நிலையில் தனுஷின் வேறு ஒரு ஆசை நிறைவேறப் போகிறது.

தனுஷ் ரஜினியின் தீவிர ரசிகர் ஆவார். ரஜினி நடிப்பில் கடந்த 1981ம் ஆண்டு வெளியான நெற்றிக்கண் படம் தனுஷுக்கு மிகவும் பிடித்த படங்களில் ஒன்று. இந்நிலையில் அந்த நெற்றிக்கண் படத்தின் ரீமேக்கில் தனுஷ் நடிக்க உள்ளார். அவருக்கு ஜோடியாக கீர்த்தி சுரேஷ் நடிக்கக்கூடும் என்று கூறப்படுகிறது. மாமாவுடன் சேர்ந்து நடிக்க முடியாவிட்டாலும், அவர் நடித்த படத்தின் ரீமேக்கில் நடிக்கப் போகிறார் தனுஷ்.

தனுஷ் மாரி செல்வராஜ் இயக்கத்தில் நடித்து முடித்த பிறகு நெற்றிக்கண் படத்தின் ரீமேக்கில் நடிப்பாராம். இது குறித்த அதிகாரப்பூர்வ அறிவிப்பு ஒரு மாதத்தில் வெளியாகும் என்று தெரிவிக்கப்பட்டுள்ளது. படப்பிடிப்பு ஜூன் அல்லது ஜூலையில் துவங்குமாம். முன்னதாக தனுஷும், கீர்த்தியும் சேர்ந்து தொடரி படத்தில் நடித்திருந்தார்கள்.

எஸ்.பி முத்துராமன் இயக்கிய நெற்றிக்கண் படத்தில் மேனகா ரஜினிக்கு ஜோடியாக நடித்தார். இந்நிலையில் அதன் ரீமேக்கில் மேனகாவின் மகள் கீர்த்தி சுரேஷ் நடிக்கிறார். ரஜினி கதாபாத்திரத்தில் அவர் மருமகன் தனுஷ் நடிக்கிறார். நெற்றிக்கண் படத்தில் ரஜினி இரட்டை வேடங்களில் நடித்திருந்தார். தனுஷ் முன்னதாக ரஜினியின் மாப்பிள்ளை பட ரீமேக்கில் நடித்திருந்தார் என்பது குறிப்பிடத்தக்கது.

ஏ.எல் விஜய் இயக்கும் தலைவி படத்தில் நடித்து வரும் அரவிந்த்சாமியின் எம்.ஜி.ஆர் லுக்கை படக் குழுவினர் வெளியிட்டுள்ளனர். எம்.ஜி.ஆரின் பிறந்தநாளை ஒட்டி, தலைவி படத்தின் அரவிந்த் சாமியின் தோற்றம் மற்றும், சிறிய வீடியோவையும் படக்குழுவினர் வெளியிட்டுள்ளனர். இது சமூக வலைத்தளத்தில் வேகமாக பரவி வருகிறது.

குடகு
 
தமிழ், கன்னடம், தெலுங்கு படங்களில் நடித்து முன்னணி நடிகையாக இருந்து வருபவர் ரஷ்மிகா மந்தனா. நடிக்க ஆரம்பித்து 4 வருட காலத்திலேயே முன்னணி நடிகையாக உயர்ந்துவிட்ட ராஷ்மிகாவின் சொந்த ஊர் குடகு மாவட்டம் விராஜ்பேட்டை தாலுகாவிற்கு உட்பட்ட பொக்கலூரு கிராமம் ஆகும்.
 
நடிகை ராஷ்மிகா அளவுக்கு அதிகமாக சொத்து சேர்த்துள்ளதாகவும், அவர் வரி ஏய்ப்பு செய்துள்ளதாகவும் வருமான வரித்துறையினருக்கு வந்த புகாரை தொடர்ந்து நேற்று காலை 7.30 மணியளவில் வருமான வரித்துறை அதிகாரிகள் விராஜ்பேட்டையில் உள்ள நடிகை ராஷ்மிகாவின் வீட்டுக்கு சென்றனர். அப்போது ராஷ்மிகாவின் குடும்பத்தினர் மட்டும் இருந்தனர். 
 
நடிகை ராஷ்மிகா படப்பிடிப்புகாக வெளியூர் சென்றுவிட்டதால் அவர் வீட்டில் இல்லை. இதையடுத்து வருமான வரித்துறை அதிகாரிகள் வீடு முழுவதும் சோதனை நடத்தினர். வீட்டில் இருந்த நகைகள், ரொக்கப்பணம், சொத்து ஆவணங்கள் ஆகியவற்றையும் கைப்பற்றி அதிகாரிகள் விசாரணை மேற்கொண்டனர்.
 
அப்போது நடிகை ராஷ்மிகா நடிப்புத் தொழிலில் மட்டுமல்லாது, விளம்பர நிறுவனம் நடத்தி வருவதும், பல்வேறு நிறுவனங்களில் அவர் பங்குதாரராக இருப்பதும் தெரியவந்தது. மேலும் கணக்கில் வராத அசையும் மற்றும் அசையா சொத்துக்களின் ஆவணங்களை வருமான வரித்துறை அதிகாரிகள் கைப்பற்றியதாக தெரிகிறது.
 
மேலும் விராஜ்பேட்டையில் உள்ள ராஷ்மிகாவுக்கு சொந்தமான ஒரு திருமண மண்டபத்திலும் அதிகாரிகள் சோதனை மேற்கொண்டனர். நேற்று மாலை வரை 2 இடங்களிலும் வருமான வரித்துறை அதிகாரிகள் சோதனை நடத்தினர். 2 இடங்களிலும் நடந்த சோதனையில் சிக்கிய ஆவணங்கள், நகைகள், பணம் ஆகியவை குறித்து தகவல் தெரிவிக்க அதிகாரிகள் மறுத்துவிட்டனர்.
வெங்கட் பிரபு இயக்கத்தில் சிம்பு நடிக்கும் திரைப்படம் 'மாநாடு’. 2018 ஆம் ஆண்டில் மணிரத்னம் இயக்கத்தில் வெளியான ‘செக்கச் சிவந்த வானம்’ படத்தில் நடித்த சிம்புவிற்கு நல்ல வரவேற்பு இருந்தது. அதன் பின்னர் 2019 ஆம் ஆண்டில் ’வந்தா ராஜாவா தான் வருவேன்’ சரிவர ஓடாததால் சிம்பு ரசிகர்கள் சோகத்தில் மூழ்கினர்.
 
இதனையடுத்து சுரேஷ் காமாட்சி தயாரிப்பில் வெங்கட் பிரபு இயக்கத்தில் 'மாநாடு’ படத்தில் சிம்பு நடிக்க உள்ளதாக அறிவிப்பு வெளியானது. ஆரம்பகட்ட படப்பிடிப்பு தொடங்கிய நிலையில் சிம்புவின் கால்ஷீட் பிரச்சனையால் படத்தை கைவிடுவதாக சுரேஷ் காமாட்சி அறிவித்தார். இது சினிமா வட்டாரத்தில் பெரும் அதிர்வலைகளை ஏற்படுத்தியது.
 
'மாநாடு’ படம் கைவிடப்படுவதாக அறிவிப்பு வெளியான நிலையில் ‘மகா மாநாடு’ என்ற படத்தை சிம்பு தானே தயாரித்து, இயக்கி, நடிக்கவும் உள்ளதாக செய்திகள் பரவின. மறுபுறம், சிம்புவுக்கு பதிலாக தனுஷை வைத்து வெங்கட் பிரபு 'மாநாடு’ படத்தை இயக்க உள்ளதாகவும் தகவல்கள் வெளியாகின.
 
எனினும் திடீர் திருப்பமாக சுரேஷ் காமாட்சியுடன் புதிய ஒப்பந்தம் ஏற்பட்டு 'மாநாடு’ படத்தில் தான் நடிக்க தாயாராக உள்ளதாக சிம்பு தெரிவித்தார். படப்பிடிப்புக்கு தான் சரியாக வந்து ஒத்துழைப்பு தருவேன் என உறுதி கூறிய நிலையில் மீண்டும் 'மாநாடு’ படம் சிம்பு - வெங்கட் கூட்டணியில் உருவாகும் என சுரேஷ் காமாட்சி அதிரடியாக அறிவிப்பு ஒன்றை வெளியிட்டார்.
 
இந்நிலையில் மாநாடு படம் குறித்த அறிவிப்பு, மாட்டுப் பொங்கல் அன்று வெளியாகும் என தயாரிப்பாளர் சுரேஷ் காமாட்சி ட்விட்டரில் தெரிவித்திருந்தார். முதலில் வெளியான அப்டேட்டில் நடிகர் விஜயின் தந்தையும், இயக்குநருமான எஸ்.ஏ.சந்திரசேகர் ’மாநாடு’ படத்தில் நடிக்க உள்ளார் என அறிவிக்கப்பட்டது. அடுத்ததாக இயக்குநர் பாரதிராஜாவும் நடிகர் கருணாகரனும் படத்தில் நடிக்க ஒப்பந்தமாகியுள்ளதாக அறிவிப்பு வெளியானது.
ஏ.ஆர்.முருகதாஸ் - ரஜினிகாந்த் கூட்டணியில் பொங்கல் விருந்தாக திரைக்கு வந்துள்ள "தர்பார்" திரைப்படம். 'ஆதித்யா அருணாச்சலம்' என்ற மும்பை போலீஸ் அதிகாரியாக ரஜினிகாந்த் நடித்துள்ள "தர்பார்" திரைப்படம். 
 
"தர்பார்" படம் வெளியாகி 7 நாட்கள் ஆகியுள்ள நிலையில் வெளிநாடுகளில் படத்தின் வசூல், அரபு நாடுகளில் ரூ.15 கோடியும், சிங்கப்பூரில் ரூ.5 கோடியும், மலேசியாவில் ரூ.10 கோடியும் வசூல்.
நடிகர் எஸ்.ஜே.சூர்யாவும், பிரியா பவானி சங்கரும் இணைந்து மான்ஸ்டர் என்ற திரைப்படத்தில் நடித்திருந்தனர். அந்தப் படம் தமிழ் ரசிகர்களிடையே மிகப் பெரிய வரவேற்பைப் பெற்றது. அதனைத் தொடர்ந்து, அந்த ஜோடி இணைந்து ராதாமோகன் இயக்கத்தில் பொம்மை என்ற படத்திலும் நடித்துள்ளனர். இந்நிலையில், பிரியா பவானி சங்கரிடம் எஸ்.ஜே.சூர்யா காதலைத் தெரிவித்ததாக செய்திகள் பரவின.
 
அதுகுறித்து எஸ்.ஜே.சூர்யா ட்விட்டர் பதிவில் கூறியது: 
 
பிரியா பவானி சங்கரிடம் நான் காதலை வெளிப்படுத்தினேன். அதற்கு அவர் மறுப்பு தெரிவித்துவிட்டார் என்று சில முட்டாள் தவறான செய்திகளைப் பரப்பிவருகிறார்கள். மான்ஸ்டர் திரைப்படத்திலிருந்து அவர், எனக்கு நல்ல நண்பர். நல்ல நடிகையும் கூட. தயவு செய்து  அடிப்படையற்ற தவறான செய்திகளைப் பரப்பாதீர்கள். நன்றி என்றார்.
இயக்குநர் ஏ.ஆர்.முருகதாஸ் இயக்கத்தில் ரஜினிகாந்த் நடிப்பில் உருவாகியுள்ள படம் தர்பார். ரஜினிகாந்தின் 167-வது திரைப்படமாக உருவாகியுள்ள இதை லைகா நிறுவனம் தயாரித்துள்ளது. இந்தப் படத்தில் ரஜினிகாந்த் காவல்துறை அதிகாரியாகவும், அவருக்கு ஜோடியாக நயன்தாராவும் நடித்துள்ளார். அனிருத் இசையில் படத்தின் பாடல்கள் நல்ல வரவேற்பை பெற்றுள்ளது.
 
தர்பார் படத்திற்கு சிறப்பு காட்சிக்கு அரசு அனுமதி அளித்தையடுத்து அதிகாலை 4 மணிக்கு திரைப்படம் வெளியானது. சென்னையில் பல இடங்களில் சிறப்புக் காட்சிகள் திரையிடப்பட்டது. ரோஹிணி, காசி, பரங்கிமலை ஜோதி உள்ளிட்ட திரையரங்குகளில் வெளியானது.
 
தர்பார் வெளியாகும் திரையரங்கு முன் ரஜினி ரசிகர்கள் வெடி வெடித்து, கேக் வெட்டி தங்களது மகிழ்ச்சியை வெளிப்படுத்தினர். மேலும் ஒயிலாட்டம், கரகாட்டம் , தப்பாட்டம் இசைத்தும் கொண்டாடினர். சென்னை ரோஹினி திரையரங்கத்தில் தர்பார் படத்தின் சிறப்பு காட்சியை ரசிகர்கள் உடன் லதா ரஜினிகாந்த், ராகவா லாரன்ஸ், சௌந்தர்யா மற்றும் ஐஸ்வர்யா ஆகியோர் கண்டு களித்தனர்.

சென்னை

நடிகர் ரஜினிகாந்தின் தர்பார் படம் இன்று உலகம் முழுவதும் ரிலீஸ் ஆகியிருக்கிறது. இதனை ரஜினி ரசிகர்கள் திரையரங்கிலும் டிவிட்டரிலும் மாஸாக கொண்டாடி வருகின்றனர். 70 வயதிலும் ரஜினி செம கெத்தாகவும் ஸ்டைலாகவும் நடித்திருப்பதாக படத்தை பார்த்த ரசிகர்கள் புகழ்ந்து வருகின்றனர். ரஜினி சும்மா கிழித்திருக்கிறார் என்றும் ரஜினியின் நடிப்பு மற்றும் வேகம் குறித்து பிரமிப்பை வெளிப்படுத்தி வருகின்றனர்.
 
ரஜினி படத்தின் ட்ரெயிலர் வெளியான போதே அரசியல் டயலாக்குகள் இருப்பதாக பேச்சு எழுந்தது. ஒரிஜினலாவே நான் வில்லன்மா.. கேம் ஆடுறாங்க.. நம்மக்கிட்டயே போன்ற டயலாக்குகள் அரசியல் ரீதியாக பார்க்கப்பட்டது. இந்நிலையில் படம் இன்று வெளியாகியுள்ள நிலையில் படத்தில் சசிகலா குறித்த டயலாக் இடம் பெற்றுள்ளது தெரியவந்துள்ளது. மறைந்த முதல்வர் ஜெயலலிதாவின் தோழியான சசிகலா, சொத்துக்குவிப்பு வழக்கில் பெங்களூரு பரப்பன அக்ரஹார சிறையில் அடைக்கப்பட்டுள்ளார்.
 
இவர் ஜெயிலில் இருந்து அடிக்கடி வெளியில் சென்று ஷாப்பிங் செய்து வருவதாக அப்போதைய சிறை டிஜிபியான தீபா புகார் அளித்தார். இதுதொடர்பான வீடியோக்களும் சமூக வலைதளங்களில் வெளியாகி பரபரப்பை ஏற்படுத்தியது. இந்நிலையில் இன்று சிறப்புக் காட்சியுடன் வெளியான ரஜினிகாந்தின் தர்பார் படத்தில் சசிகலாவை மறைமுகமாக விமர்சித்து வசனம் இடம் பெற்றுள்ளது. தர்பார் படத்தில் நடிகர் ரஜினிகாந்த் போலீஸ் உயர் அதிகாரியாக நடித்துள்ளார்.
 
படத்தில் காசு இருந்தா ஜெயில்ல கூட ஷாப்பிங் போகலாம் என்ற விமர்சனம் இடம் பெற்றுள்ளது. சவுத் இந்தியால கூட ஒரு கைதி அடிக்கடி ஜெயில்ல இருந்த வெளியே ஷாப்பிங் போனதா செய்தியில் பார்த்தேன் என்ற டயலாக் சசிகலாவை விமர்சிக்கும் வகையில் இடம்பெற்றுதுள்ளது. இந்த வசனத்தை ஜெயில் அதிகாரி ஒருவர் பேச, நடிகர் ரஜினிகாந்த் ஓ.. என கேட்பதாக உள்ளது.
ஏ.ஆர்.முருகதாஸ் இயக்கத்தில் ரஜினிகாந்த் நடித்துள்ள ‘தர்பார்’ படம் வருகிற 9 ஆம் தேதி உலகம் முழுவதும் திரைக்கு வருகிறது. தமிழ் நாட்டில் அனைத்து தியேட்டர்களிலும் தர்பார் படத்தை மட்டுமே திரையிட திட்டமிட்டுள்ளதால் வேறு புதிய படங்களின் ரிலீசை தள்ளி வைத்துள்ளனர்.
 
ஆனால் கர்நாடகாவில் தர்பார் படத்தை திரையிடுவதில் சிக்கல் ஏற்பட்டுள்ளது. கன்னட படங்களை தவிர மற்ற மொழிகளில் தயாராகும் புதிய படங்களை கர்நாடகாவில் வெளியிட ஏற்கனவே கன்னட அமைப்புகள் எதிர்ப்பு தெரிவித்து வருகின்றன. இந்த நிலையில் ரஜினிகாந்தின் தர்பார் படத்தையும் கர்நாடகாவில் திரையிட கூடாது என்று கன்னட அமைப்பு போராட்டம் நடத்தி உள்ளது. 
 
தர்பார் தமிழ், தெலுங்கு, இந்தி மொழிகளில் வெளியாகிறது. கர்நாடகாவில் நேரடி தமிழ் படமாக வெளியிட உள்ளனர். தர்பார் படத்தை கன்னட மொழியில் மாற்றினால் மட்டுமே கர்நாடகாவில் வெளியிட வேண்டும். இல்லையேல் படத்தை திரையிட அனுமதிக்க மாட்டோம் என்று கன்னட அமைப்பு கூறியுள்ளது.
 
கர்நாடகாவில் தர்பார் படத்தை திரையிட அனைத்து ஏற்பாடுகளும் செய்யப்பட்டு உள்ளன. இந்த படத்துக்கு அதிக தியேட்டர்களையும் ஒதுக்கி உள்ளனர். இந்த நிலையில் படத்துக்கு எதிராக போராட்டம் நடப்பதால் வினியோகஸ்தர்கள் அதிர்ச்சியில் உள்ளனர். ஏற்கனவே ரஜினியின் காலா படத்துக்கும் எதிர்ப்பு கிளம்பியது. அதையும் மீறி தியேட்டர்களில் போலீஸ் பாதுகாப்புடன் படத்தை திரையிட்டனர்.
Page 1 of 2

Latest Tweets

Turitor - Education WordPress theme now available on the Market. #education #lms #wordpress #themeforest… https://t.co/Y9N0ik9rDL
https://t.co/VLMm8getdq Please, grab the chance for WordPress Themes! #event #insurance #automobile #news #magazine… https://t.co/EOX8JlsT2k
The Ultimate addon for elementor page builder and Metform The most flexible form-builder for Elementor.… https://t.co/WJkGy5pqS6
Follow Themewinter on Twitter

Post Gallery

செய்தித்தாள் வாசிப்பதை நிறுத்திவிட்டேன் - பாகிஸ்தான் பிரதமர்

சென்னையில் பெட்ரோல் 18 காசுகள், டீசல் விலை 20 காசுகள் குறைவு

பெரியார் படத்திற்கு உதவியதே ரஜினி தான் - ராகவா லாரன்ஸ்

சீனாவில் கொரோனா வைரஸ் - சந்தையில் விற்கப்பட்ட பாம்புகள் மூலம் பரவி உள்ளது

காஞ்சிபுரம் அருகே தந்தை பெரியார் சிலை உடைப்பு

சானியா மிர்சா தனது முதல் சுற்று பெண்கள் இரட்டையர் போட்டியில் இருந்து விலகினார்

ரஜினியின் நெற்றிக்கண் ரீமேக்கில் தனுஷ், கீர்த்தி சுரேஷ்

பாகிஸ்தான் நடத்திய அணு ஏவுகணை சோதனை வெற்றி

சிரியாவில் ராணுவ முகாம்களை குறிவைத்து பயங்கரவாதிகள் தாக்குதல் - 40 வீரர்கள் மரணம்