Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *
Reload Captcha
Super User

Super User

Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.

பெரும்பான்மை இருப்பவர்கள் கவர்னரை அணுகி ஆட்சி அமைக்க உரிமை கோரலாம்  - அமித்ஷா

புதுடில்லி

பெரும்பான்மைக்கு தேவையான எம்எல்ஏ.,க்கள் ஆதரவு இருக்கும் கட்சிகள், முடிந்தால் இன்று கூட கவர்னரை அணுகி ஆட்சி அமைக்க உரிமை கோரலாம் என உள்துறை அமைச்சர் அமித்ஷா தெரிவித்துள்ளார்.

மகாராஷ்டிரா சட்டசபை தேர்தலில் பா.ஜ.க உடன் இணைந்து போட்டியிட்ட சிவசேனா, முதல்வர் பதவியில் பங்கு கேட்டதால் மோதல் ஏற்பட்டு, கூட்டணி முறிந்தது. ஆட்சி அமைப்பதற்காக தேசியவாத காங்கிரஸ் மற்றும் காங்கிரஸ் உடன் சிவசேனா பேசி வந்தாலும், கவர்னர் விதித்த கெடுவிற்குள் எந்த கட்சியும் ஆட்சி அமைக்க முன் வராததால் கவர்னர் பரிந்துரையின் பேரில் ஜனாதிபதி ஆட்சி அமல்படுத்தப்பட்டுள்ளது. இருந்தும் ஆட்சி அமைக்க என்ன செய்யலாம் என்பது பற்றி அரசியல் கட்சிகள் ஆலோசித்து வருகின்றன.

சென்னை

வேலூரை பிரித்து வேலூர், திருப்பத்தூர், ராணிப்பேட்டை என 3 புதிய மாவட்டங்களாகவும், நெல்லையை பிரித்து நெல்லை,தென்காசி என 2 மாவட்டங்களாகவும் பிரிக்கப்பட்டதற்கான அரசாணையை தமிழக அரசு வெளியிட்டது .

வேலூர் மாவட்டத்தில் - வேலூர், குடியாத்தம், பேரணாம்பட்டு, கே.வி.குப்பம், அணைக்கட்டு, காட்பாடி, என ஐந்து தாலுக்காகளும்,வேலூர், குடியாத்தம் 2 வாருவாய் கோட்டங்களும் உருவாக்கப்பட்டன.

திருபத்தூர் மாவட்டத்தில் - திருப்பத்தூர், வாணியம்பாடி, நாட்டாறம்பள்ளி, ஆம்பூர், என நான்கு தாலுக்காகளும், திருப்பத்தூர், வாணியம்பாடி 2 வாருவாய் கோட்டங்களும் உருவாக்கப்பட்டன.

ராணிப்பேட்டை மாவட்டத்தில் - வாலாஜா, நெமிலி, ஆற்காடு, அரக்கோணம் ன நான்கு தாலுக்காகளும் ராணிப்பேட்டை, அரக்கோணம் 2 வாருவாய் கோட்டங்களும் உருவாக்கப்பட்டன.

நெல்லை மாவட்டத்தில் - நெல்லை,சேரன்மகாதேவி, பாளையங்கோட்டை, அம்பாசமுத்திரம், நாங்குநேரி, ராதாபுரம், மானூர், திசையன்விளை, என எட்டு தாலுக்காகளும்,நெல்லை, சேரன்மகாதேவி, ஆகிய 2 வாருவாய் கோட்டங்களும் உருவாக்கப்பட்டன.

தென்காசி மாவட்டத்தில் - தென்காசி, சங்கரன்கோவில், சிவகிரி, ஆலங்குளம், திருவேங்கடம்,கடையநல்லூர், செங்கோட்டை, வி.கே.புதூர், தென்காசி, என எட்டு தாலுக்காகளும் சங்கரன்கோவில் ஆகிய 2 வாருவாய் கோட்டங்களும் உருவாக்கப்பட்டன.

காஞ்சிபுரத்தை பிரித்து உருவாக்கப்பட்ட செங்கல்பட்டு மாவட்டத்தில், செங்கல்பட்டு, மதுராந்தகம், தாம்பரம் ஆகிய கோட்டங்கள் உருவாக்கப்பட்டுள்ளன. மேலும், செங்கல்பட்டு, மதுராந்தகம், செய்யூர், திருப்போரூர், தாம்பரம், திருக்கழுக்குன்றம் பல்லாவரம், வண்டலூர் என 8 தாலுகாக்கள் இடம்பெற்றுள்ளன. காஞ்சிபுரம் மாவட்டத்தில் காஞ்சிபரம், உத்திரமேரூர், ஸ்ரீபெரும்புதூர், வாலாஜாபாத், குன்றத்தூர், ஆகிய தாலுகாக்கள் செயல்படும்.

சிவசேனாவுடன் கூட்டணி அமைக்க தேசியவாத காங்கிரஸ் சில நிபந்தனைகளை விதித்தது. தேசிய ஜனநாயக கூட்டணியிலிருந்து சிவசேனா முழுமையாக வெளியேற வேண்டும் என்றும், அக்கட்சி சார்பில் மத்திய அமைச்சரவையில் இடம்பெற்றுள்ள அமைச்சர்கள் பதவி விலக வேண்டும் எனவும் நிபந்தனை விதித்தது.

இந்த நிலையில், மத்திய அமைச்சரவையிலிருந்து சிவசேனா வெளியேறியுள்ளது. சிவசேனாவைச் சேர்ந்த அரவிந்த் சாவந்த் மத்திய அமைச்சர் பொறுப்பை ராஜினாமா செய்வதாக இன்று காலை அறிவித்துள்ளார். அரவிந்த் சாவந்த் மத்திய கனரக தொழில்கள், பொதுத்துறை நிறுவனங்களின் அமைச்சராக பொறுப்பு வகித்துவந்தார்.

ராஜினாமா முடிவு குறித்து செய்தியாளர்களிடம் பேசிய அரவிந்த் சாவந்த், ``மகாராஷ்டிராவில் அரசு அமைக்க மறுப்பது பா.ஜ.க-வின் ஆணவத்தைக் காட்டுகிறது. இது மகாராஷ்டிரா மக்களுக்கு இழைக்கப்பட்ட அவமானம். பா.ஜ.க-வினர் எதிர்க்கட்சியாக அமரத் தயாராக உள்ளனர். ஆனால், தேர்தலுக்கு முன்பாக அவர்கள் ஒப்புக்கொண்டதை ஏற்கத் தயங்குகின்றனர்” என்றார்.

மும்பை

மகாராஷ்டிராவில் பா.ஜ.க கட்சி ஆட்சி அமைக்க முடியாது என்று கூறிய நிலையில் ஆளுநர் சிவசேனா கட்சியை ஆட்சி அமைக்க அழைத்துள்ளார். மகாராஷ்டிராவில் சிவசேனா கட்சி ஆட்சி அமைத்து பெரும்பான்மையை நிரூபிக்க வேண்டும்.

இரண்டாவது பெரிய கட்சி என்பதால் சிவசேனாவிற்கு ஆளுநர் பகத் சிங் அழைப்பு விடுத்து இருக்கிறார். சிவசேனாவிற்கு விருப்பம் இருந்தால் நாளை மாலைக்குள் ஆட்சி அமைப்பது தொடர்பாக உரிமை கோரி கடிதம் அளிக்கலாம் என்று ஆளுநர் பகத் சிங் குறிப்பிட்டு இருக்கிறார்.

மகாராஷ்டிராவில் ஆட்சி அமைக்க 146 இடங்கள் தேவை. மகாராஷ்டிராவில் பாஜக 104 இடங்களிலும், சிவசேனா 57 இடங்களிலும், ஆர்எச்எஸ்பி 1 இடத்திலும் வென்றது. மொத்தமாக பாஜக கூட்டணி 162 இடங்களில் வென்றது. காங்கிரஸ் கூட்டணியில் காங்கிரஸ் 45 இடங்கள், தேசியவாத காங்கிரஸ் 53 இடங்கள், சமாஜ்வாதி இரண்டு இடங்கள் என்று மொத்தமாக 104 இடங்களை வென்றது.

வாஷிங்டன்

ஐ.எஸ்.ஐ.எஸ் பயங்கரவாத அமைப்பின் தலைவர் அல் பாக்தாதி. அவர் குறித்து தகவல் அளித்தால் 25 மில்லியன் அமெரிக்க டாலர் (இந்திய மதிப்பில் ரூ.177 கோடி) பரிசு வழங்கப்படும்' என அமெரிக்கா ஏற்கனவே அறிவித்திருந்தது. நீண்ட நாள் தேடுதல் வேட்டைக்கு பின், மத்திய கிழக்கு நாடான சிரியாவில் அல் பாக்தாதி இருப்பதை, அமெரிக்க ராணுவம், சமீபத்தில் கண்டுபிடித்தது.

சிரியாவின் இட்லிப் நகரில் உள்ள ஒரு வீட்டில் பதுங்கியிருந்த பாக்தாதியை வேட்டையாடுவதற்காக, அமெரிக்க அதிரடிப்படையினர், மோப்ப நாய்களுடன் ஹெலிகாப்டரில் சென்றனர். அமெரிக்க ராணுவத்தின் தாக்குதலில் இருந்து தப்பிக்க முடியாததால், பாக்தாதி, தன் உடலில் கட்டியிருந்த குண்டுகளை வெடிக்கச் செய்து, தற்கொலை செய்ததாகவும், பாக்தாதியின் மூன்று குழந்தைகளும் இதில் பலியாகி விட்டதாகவும், அமெரிக்க ராணுவம் தெரிவித்திருந்தது. அமெரிக்க அதிபர் டொனால்டு டிரம்பும், இதை உறுதி செய்தார்.

இந்நிலையில், அல்பாக்தாதியை காட்டி கொடுத்த நபர் பற்றிய விவரங்களை வெளியிட அமெரிக்க அதிகாரிகள் மறுத்துவிட்டனர். மேலும், அந்த நபர், பாக்தாதியின் நகர்வுகளையும் நடமாட்டத்தையும் நன்கு அறிந்தவர். பாக்தாதி தங்கியிருந்த கட்டடத்தின் வெளிப்புற சுவரை கட்டி கொடுத்தவர். பாக்தாதி எங்கிருப்பார் என நன்கு அறிந்திருந்ததுடன், அந்த கட்டடத்தின் அறைகள் வடிவமைப்புகளையும் அறிந்து வைத்திருந்தார் என தெரிவித்தனர். அந்த உளவாளிக்கு அமெரிக்க அரசு ஏற்கனவே அறிவித்திருந்த பரிசுத்தொகையான ரூ.177 கோடி வழங்கப்படும் என்றனர்.

 

 

திருச்சி

திருச்சி மாவட்டம், மணப்பாறையை அடுத்த, நடுக்காட்டுப்பட்டி கிராமத்தில், மூடப்படாத ஆழ்துளை கிணற்றில், 2 வயது ஆண் குழந்தை சுஜீத் வில்சன், தவறி விழுந்து நான்கு நாட்களுக்கு மேலாகி விட்ட நிலையில், மீட்புப்பணிகள் நடந்து வந்தன. இந்நிலையில், இன்று அதிகாலை 2.20 மணிக்கு வருவாய்த்துறை நிர்வாக ஆணையர் ராதாகிருஷ்ணன் செய்தியாளர்களை சந்தித்தார்.

அவர் கூறியதாவது:

ஆழ்துளை கிணற்றில் விழுந்த சுஜித்தை மீட்க அனைத்து நடவடிக்கைகளும் எடுக்கப்பட்டு வந்தது. இந்நிலையில், ஆழ்துளை கிணற்றில் இருந்து இரவு 10.30 மணியளவிலிருந்து அழுகிய வாடை வந்தது. குழந்தையின் கை சிதைந்துள்ளது. தேசிய பேரிடர் மீட்பு குழு, மாநில பேரிடர் மீட்பு குழு , மருத்துவக் குழுவினரின் ஆய்வுக்கு பின் சுஜித் உயிரிழந்தது உறுதி செய்யப்பட்டது. குழந்தையின் உடலை மீட்க, நடவடிக்கை எடுக்கப்பட்டு வருகிறது. இவ்வாறு அவர் கூறினார்.

இதனையடுத்து சுஜித்தின் உடலை மீட்க நடவடிக்கை எடுக்கப்பட்டது. இதற்காக இடுக்கி போன்ற கருவி தயார் செய்யப்பட்டது. பேரிடர் மீட்புக்குழுவினர் 88 அடி ஆழத்தில் குழந்தை சுஜித்தின் உடலை மீட்டனர். அழுகிய நிலையில் மீட்கப்பட்ட சிறுவனின் உடல் ஆம்புலன்ஸ் மூலம் பிரேத பரிசோதனைக்காக மணப்பாறை அரசு மருத்துவமனைக்கு கொண்டு செல்லப்பட்டது. இதனால், அப்பகுதியில் போலீசார் குவிக்கப்பட்டு பாதுகாப்பு பலப்படுத்தப்பட்டது.

குழந்தை சுஜித் உயிர் பிழைக்க தமிழகமே பிரார்த்தனை செய்த நிலையில், சுஜித் உயிரிழந்தது தமிழகத்தை, சோக கடலில் மூழ்கச் செய்துள்ளது.

பிரேத பரிசோதனைக்கு பின்னர், சுஜித் உடல் பெற்றோரிடம் ஒப்படைக்கப்பட்டது. பின்னர், ஆவாரம்பட்டி பாத்திமா புதூர் கல்லறைக்கு கொண்டு வரப்பட்டது. அங்கு, உறவினர்கள், பொது மக்கள் அஞ்சலி செலுத்தினர். மெழுகுவர்த்தி ஏற்றி பிரார்த்தனை நடந்தது. பின்னர், உடல் அடக்கம் செய்யப்பட்டது.

 
 

கன்னியாகுமரி, தூத்துக்குடி, ராமநாதபுரம், சிவகங்கை, புதுக்கோட்டை, தஞ்சாவூர், திருவாரூர், நாகை, திருச்சிராப்பள்ளி, பெரம்பலூர், அரியலூர், கடலூர், மதுரை உள்ளிட்ட மாவட்டஙகளில் கனத்த மழை பெய்யும் என்று சென்னை வானிலை ஆய்வு மையம் அறிவித்துள்ளது. நாளை, நாளை மறுநாள் தமிழகத்தின் பல்வேறு பகுதிகளில் கனத்த மழைக்கான வாய்ப்புகள் இருப்பதாக எச்சரிக்கை செய்துள்ளது சென்னை மண்டல வானிலை ஆய்வு மையம்.

தமிழகம் மற்றும் புதுவையில் இடியுடன் கூடிய கனமழைக்கு வாய்ப்புள்ளது. சென்னையை பொறுத்தவரை அதிக பட்சமாக 31 டிகிரி செல்சியஸ் வெப்பமும், குறைந்தபட்சமாக 25 டிகிரி செல்சியஸ் வெப்பமும் பதிவாகும் என்று அறிவிக்கப்பட்டுள்ளது.

வானம் மேகமூட்டத்துடன் காணப்படும். சில இடங்களில் லேசானது முதல் மிதமான மழைக்கு வாய்ப்புகள் இருப்பதாக அறிவிக்கப்பட்டுள்ளது.

தி.மு.க தலைவர் மு.க.ஸ்டாலின் விடுத்துள்ள அறிக்கையில் கூறியிருப்பதாவது:

தமிழகத்தில் நடந்த விக்கிரவாண்டி, நாங்குநேரி ஆகிய இரண்டு இடைத்தேர்தல்களிலும் மதச்சார்பற்ற முற்போக்குக் கூட்டணிக்கு வாக்களித்த வாக்காளப் பெருமக்கள் அனைவருக்கும் எனது நெஞ்சார்ந்த நன்றியைத் தெரிவித்துக் கொள்கிறேன்!

ஆளும்கட்சியின் பணபலம், அதிகார துஷ்பிரயோகம், சில கட்சிகள் திட்டமிட்டுக் கிளப்பிய சாதி உணர்வு ஆகியவற்றையும் மீறி, பல்லாயிரக்கணக்கான மக்கள் மதச்சார்பற்ற முற்போக்குக் கூட்டணிக்கு வாக்களித்துள்ளார்கள். "மக்கள் தீர்ப்பே மகேசன் தீர்ப்பு" என்பது, பேரறிஞர் பெருந்தகை அண்ணா அவர்களின் கூற்று. அந்த அடிப்படையில் மக்கள் தீர்ப்பினைத் தலைவணங்கி ஏற்கிறோம்.

புதுச்சேரி யூனியன் பிரதேசத்தில் நடைபெற்ற காமராஜர் நகர் தொகுதிக்கான தேர்தலில், காங்கிரஸ் கட்சி, மக்களின் ஆதரவைப் பெற்று வெற்றி பெற்றுள்ளது. திராவிட முன்னேற்றக் கழகத்தைப் பொறுத்தவரையில், வெற்றி பெற்றால் களிப்பிலாடுவதும், தோல்வியில் துவண்டு விடுவதும் இல்லை. முத்தமிழறிஞர் கலைஞர் அவர்கள் வழியில், அனைத்தையும் ஒன்றாகக் கருதும் பக்குவம் பெற்றவர்கள் நாம்.

வாக்களித்தவர்களுக்கு நன்றி சொல்லும் அதேநேரத்தில், வாக்களிக்க மறந்தவர்களின் நம்பிக்கையைப் பெற, மேலும் தொடர்ந்து உழைப்போம்!

இந்த இரண்டு இடைத்தேர்தல்களிலும், இரவு பகல் பாராது உழைத்த தேர்தல் பொறுப்பாளர்கள், கழக நிர்வாகிகள், கழக உடன்பிறப்புகள், கூட்டணிக் கட்சிகளின் தலைவர்கள், தோழர்கள் அனைவருக்கும், தி.மு.க. தலைவர் என்ற அடிப்படையில் எனது இதயபூர்வமான நன்றியைத் தெரிவித்துக் கொள்கிறேன்.

அடுத்தடுத்த தேர்தல் களத்துக்கும் சேர்த்து நீங்கள் பணியாற்றி இருக்கிறீர்கள். எப்போதுமே தேர்தலுக்காகப் பணியாற்றுவது என்பது, தேர்தல் பணி மட்டுமல்ல, அஃது இயக்கப் பணியும் இணைந்ததுதான். கழகத்தின் வளர்ச்சிக்காகத் தொண்டாற்றினோம் என்ற உணர்வை நீங்கள் அனைவரும் பெற்று, நிறைவு பெற வேண்டும் என்று கேட்டுக் கொள்கிறேன்.

இதே காலகட்டத்தில் - மகாராஷ்டிரம், ஹரியானா ஆகிய இரண்டு மாநிலங்களுக்கான சட்டப்பேரவைத் தேர்தலும் நடந்துள்ளது. புதிதாக அமைய இருக்கும் அரசுகளுக்கு எனது வாழ்த்துகளைத் தெரிவித்துக் கொள்கிறேன்.

இந்த இரண்டு மாநிலங்களிலும் ஆட்சி அமைக்கும் வாய்ப்பை காங்கிரஸ் கட்சி பெற முடியாமல் போனாலும், மரியாதைக்குரிய எண்ணிக்கையிலான சட்டமன்றத் தொகுதிகளைக் கைப்பற்றியுள்ளது, உள்ளபடியே பாராட்டத்தக்கது. அகில இந்திய அளவில் மதச்சார்பற்ற சக்திகள் ஊக்கம் பெற இது வழிவகுக்கும்.

கடந்த காலப் படிப்பினைகளுடன், எதிர்காலத்தை நிச்சயம் வெல்வோம் என்று கூறியுள்ளார்.

லண்டன் நகரின் தொழிற்பேட்டை சாலையில் கன்டெய்னர் லாரி ஒன்று சந்தேகத்திற்கு இடமாக வந்ததை பார்த்த போலீசார் அதனை சோதனையிட்டனர். அதில் 39 மனித உடல்கள் இருந்தது கண்டுபிடிக்கப்பட்டது.

லாரியை ஓட்டி வந்த அயர்லாந்து நாட்டைச் சேர்ந்த 25 வயது இளைஞர் கைது செய்யப்பட்டுள்ளார். மனித உடல்களை அடையாளம் காணும் பணி தொடங்கப்பட்டுள்ளது. இந்த லாரி பல்கேரியாவிலிருந்து கடந்த அக்டோபர் 19-ம் தேதி கிளம்பியுள்ளது கண்டறியப்பட்டுள்ளது.

இச்சம்பவம் மனித உடல் கடத்தல் வியாபாரமா என்பது குறித்து போலீஸார் விசாரணை நடத்தி வருகின்றனர். மனித உடல் கடத்தல் என்பது மிகவும் அபாயகரமான வர்த்தகமாக வளர்ந்து வருகிறது குறிப்பிடத்தக்கது

பிரிட்டன் பிரதமர் போரிஸ் ஜான்சன்,  மறைந்தவர்களின் குடும்பங்களுக்கு ஆறுதல் தெரிவித்துள்ளார்.

தமிழகத்தில் நாங்குநேரி, விக்கிரவாண்டி ஆகிய தொகுதிகளில் கடந்த 21-ம் தேதி இடைத்தேர்தல் நடைபெற்றது. இத்தேர்தலில் பதிவான வாக்குகள் இன்று எண்ணப்பட்டன.

வாக்கு எண்ணிக்கை தொடங்கியதில் இருந்தே நாங்குநேரி தொகுதியில் அதிமுக வேட்பாளர் ரெட்டியார்பட்டி நாராயணன், விக்கிரவாண்டியில் அதிமுக வேட்பாளர் முத்தமிழ்ச் செல்வன் ஆகியோர் முன்னிலையில் இருந்தனர்.

நாங்குநேரியில் காங்கிரஸ் வேட்பாளர் ரூபி மனோகரன்,  விக்கிரவாண்டியில் தி.மு.க வேட்பாளர் புகழேந்தி ஆகியோர் பின்தங்கினர். காலையில் வாக்கு வித்தியாசம் 2 ஆயிரம் வாக்குகள் என்ற நிலையில் இருந்தது. அதன்பின்னர் அ.தி.மு.கவின் வாக்குகள் மேலும் அதிகரித்தது.

ஒரு கட்டத்தில் விக்கிரவாண்டி தொகுதியில் அ.தி.மு.க வேட்பாளர் பெற்ற வாக்குகள் ஒரு லட்சத்தை தாண்டியது. தி.மு.க வேட்பாளர் 66 ஆயிரம் என்ற நிலையில் இருந்தார். வாக்கு வித்தியாசம் 40 ஆயிரத்தை தாண்டியது.

மதியம் ஒரு மணியளவில் வாக்கு எண்ணிக்கை நிறைவடைந்த நிலையில், அதிமுக வேட்பாளர் முத்தமிழ்ச் செல்வன்,  44 ஆயிரத்துக்கும் அதிகமான வாக்குகள் வித்தியாசத்தில் வெற்றி பெற்றார்.நாங்குநேரியில் காங்கிரஸ் வேட்பாளர் ரூபி மனோகரன்,  விக்கிரவாண்டியில் திமுக வேட்பாளர் புகழேந்தி ஆகியோர் பின்தங்கினர். காலையில் வாக்கு வித்தியாசம் 2 ஆயிரம் வாக்குகள் என்ற நிலையில் இருந்தது. அதன்பின்னர் அதிமுகவின் வாக்குகள் மேலும் அதிகரித்தது.

மதியம் ஒரு மணியளவில் வாக்கு எண்ணிக்கை நிறைவடைந்த நிலையில், அதிமுக வேட்பாளர் முத்தமிழ்ச் செல்வன்,  44 ஆயிரத்துக்கும் அதிகமான வாக்குகள் வித்தியாசத்தில் வெற்றி பெற்றார்.

Page 1 of 5

Latest Tweets

@envato_help I apologize, I need quick action about the ticket no. #1702520. Please, help me. Regards.
We have # 1 Event Conference WordPress theme in the #Envato market. Know more : https://t.co/KMtE9Rcg8z https://t.co/HkvJC5P5M4
Do you remember when you joined Twitter? I do! #MyTwitterAnniversary https://t.co/ABeDbww12S
Follow Themewinter on Twitter

Post Gallery

தமிழகத்தில் புதிய மாவட்டங்கள் பிரிக்கப்பட்டதற்கான அரசாணையை  தமிழக அரசு வெளியிட்டது

மத்திய அமைச்சரவையிலிருந்து வெளியேறிய சிவசேனா

மகாராஷ்டிராவில் திருப்பம் - சிவசேனா கட்சியை ஆட்சி அமைக்க அழைத்தார் ஆளுநர்

ஐ.எஸ்.ஐ.எஸ் தலைவர் பாக்தாதியை காட்டி கொடுத்தவருக்கு ரூ.177 கோடி பரிசு

80 மணி நேர மீட்பு முயற்சி தோல்வி - குழந்தை சுஜித் உயிரிழப்பு

தீபாவளியன்றும் கனமழைக்கு வாய்ப்பு - 13 மாவட்டங்களுக்கு எச்சரிக்கை

மக்கள் தீர்ப்பினைத் தலைவணங்கி ஏற்கிறோம் - மு.க.ஸ்டாலின்

லண்டன்  நகரில் 39 பிணங்களுடன் மர்ம லாரி - போலீஸ் விசாரணை

விக்கிரவாண்டியில் அதிமுக வேட்பாளர் முத்தமிழ்ச்செல்வன் அமோக வெற்றி