Thursday, January 21, 2021
Home வர்த்தகம் சென்னையில் இன்று தங்கம் விலை பெரும் சரிவு

சென்னையில் இன்று தங்கம் விலை பெரும் சரிவு

புரட்டாசி மாதத்தில் பொதுவாக திருமணங்கள் நடப்பதில்லை. ஐப்பசி மாதத்தில் தான் அடுத்து முகூர்த்தங்கள் இருக்கும். அப்போது திருமணங்கள் அதிக அளவில் நடைபெறும். இந்நிலையில் பல மாதங்களாக லாக்டவுனால் தள்ளிப்போன பல திருமணங்கள் இப்போது தான் நடைபெற உள்ளன.

இந்த சூழலில் தங்க நகைகள் விலை சரசரவென குறைந்திருப்பது மக்களிடையே மகிழ்ச்சியை ஏற்படுத்தி உள்ளது. தங்கம் விலை இன்று ஒரே நாளில் மட்டும் சவரனுக்கு ரூ.384 குறைந்தது. இதனால் சவரன் ரூ.38 ஆயிரத்து 400க்கு வந்துள்ளது. வரும் வாரங்களில் தங்கம் விலை இன்னும் குறைய வாய்ப்பு உள்ளதாக கூறப்படுகிறது.

தங்கம் விலை கடந்த இரண்டு ஆண்டுகளாக கடுமையாக உயர்ந்து வருகிறது. குறிப்பாக கொரோனா காரணமாக தங்கம் விலை வெறும் ஆறு மாதத்தில் 8 ஆயிரம் ரூபாய் அளவிற்கு உயர்ந்தது. மார்ச் மாதத்தில் 32 ஆயிரமாக இருந்த தங்கத்தின் விலை ஆகஸ்ட் மாதம் 43 ஆயிரம் என்கிற அளவிற்கு உயர்ந்தது

தங்கம் விலை கடந்த இரண்டு ஆண்டுகளாக கடுமையாக உயர்ந்து வருகிறது. குறிப்பாக கொரோனா காரணமாக தங்கம் விலை வெறும் ஆறு மாதத்தில் 8 ஆயிரம் ரூபாய் அளவிற்கு உயர்ந்தது. மார்ச் மாதத்தில் 32 ஆயிரமாக இருந்த தங்கத்தின் விலை ஆகஸ்ட் மாதம் 43 ஆயிரம் என்கிற அளவிற்கு உயர்ந்தது.

உச்சபட்சமாக கடந்த செப்டம்பர் 28ம் தேதி சென்னையில் ஒரு சவரன் தங்கம் விலை 37920க்கு விற்பனை ஆனது. ஆனால் அடுத்த நாளே சுமார் 600 ரூபாய் அளவிற்கு உயர்ந்து 38500ஐ தொட்டது. அதன்பிறகு கொஞ்சம் ஏறுவது பின்னர் இறங்குவதுமாக உள்ளது, 300 முதல் 400 ரூபாய் வரை ஏற்ற இறக்கங்களை தங்கம் தினசரி சந்தித்து வருகிறது.

சென்னையில் ஒரு கிராம் தங்கம் விலை நேற்று 4,850 ரூபாய்க்கு விற்பனையானது. ஒரு சவரன் தங்கம் விலை 38 ஆயிரத்து 800 ரூபாயாகவும் இருந்தது. இந்நிலையில் இன்று ஒரு சவரனுக்கு ரூ.384 சரிந்து தற்போது ரூ.38416க்கு விற்பனையாகிறது. ஒரு கிராம் தங்கம் விலை 48 ரூபாய் சரிந்து 4802 ரூபாய்க்கு விற்பனையாகிறது. சென்னையில் தங்கம் விலை சரிவால் நகை வாங்குவோர் உற்சாகம் அடைந்துள்ளனர்.

இதனிடையே தங்கத்தை போல் வெள்ளியின் விலையும் சரிவை சந்தித்துள்ளது. வெள்ளியின் விலை கிலோவுக்கு நேற்று 64 ஆயிரத்து 700 ரூபாயாக விற்பனையானது. ஆனால் இன்று 600 ரூபாய் சரிந்து 64 ஆயிரத்து 100 ரூபாயாக விற்பனையாகிறது.

LEAVE A REPLY

Please enter your comment!
Please enter your name here

- Advertisment -

Most Popular

கார்களின் விலையை உயர்த்திய மாருதி சுசுகி

இந்தியாவின் மிகப்பெரிய கார் தயாரிப்பு நிறுவனமான மாருதி சுசுகி (Maruti Suzuki), டெல்லியைத் தலைமையிடமாகக் கொண்டு கார் தயாரிப்பில் ஈடுபட்டு வருகிறது. மாருதி சுசுகி (Maruti Suzuki) ஜனவரி 18 முதல் கார்களின்...

அருணாச்சலப் பிரதேசத்தில் சீனா உருவாக்கும் கிராமம் – விளக்கம் கேட்கும் ப.சிதம்பரம்

வடகிழக்கு மாநிலமான அருணாச்சலப் பிரதேசத்தின் சர்ச்சைக்குரிய பகுதியில் சீனா சிறிய கிராமத்தைக் கட்டமைத்து வருகிறது என்று பாஜக எம்.பி. பேசியது குறித்து மத்திய அரசு உரிய விளக்கம் அளிக்க வேண்டும் என காங்கிரஸ்...

ஆரி நடிக்கும் புதிய படம்

பிக்பாஸ் டைட்டில் வின்னர் ஆரி புதிய படமொன்றில் நடிக்கிறார். பெயரிடப்படாத அந்த படத்தின் பூஜை இன்று நடைபெற்றது.

தமிழகத்தில் 10,12ம் வகுப்புகளுக்கு இன்று பள்ளிகள் திறப்பு

தமிழகத்தில் 10 மற்றும் 12ம் வகுப்புகளுக்கு இன்று முதல் பள்ளிகள் திறக்கப்படுகின்றன. மாணவ-மாணவிகளுக்கு வெப்ப பரிசோதனை செய்யவும், வைட்டமின் மாத்திரைகள் வழங்கவும் ஏற்பாடு செய்யப்பட்டுள்ளது. கொரோனா வைரஸ் தொற்று பரவல் காரணமாக தமிழகத்தில் பள்ளிகள்...

Recent Comments