Monday, January 18, 2021
Home வர்த்தகம் அசத்திய மஹிந்திரா தார் - 4 நாட்களில் 9000க்கும் மேல் புக்கிங்

அசத்திய மஹிந்திரா தார் – 4 நாட்களில் 9000க்கும் மேல் புக்கிங்

மஹிந்திரா & மஹிந்திரா கம்பெனி, கடந்த 02 அக்டோபர் 2020, வெள்ளிக்கிழமை தான், தங்களின் புத்தம் புதிய தார் எஸ் யூ வி (Thar SUV) ரக வாகனங்களை அறிமுகப்படுத்தினார்கள். கடந்த 02 அக்டோபர் 2020 முதல் 05 அக்டோபர் 2020 வரையான நான்கு நாட்களில் மட்டும், 9,000-க்கு மேற்பட்ட தார் எஸ் யூ வி ரக வாகனங்கள் ஆர்டர் செய்யப்பட்டு இருக்கிறதாம்.

இந்தியாவில் இதுவரை, 18 முக்கிய மற்றும் பெரிய நகரங்களில் மட்டும் தான், தார் எஸ் யூ வி சோதனை ஓட்டத்துக்கு (Test Drive) ஏற்பாடுகள் செய்யப்பட்டு இருக்கிறதாம். அதற்கே 9,000-க்கும் மேல் வாகனங்கள் புக் செய்யப்பட்டு இருப்பது பெரிய விஷயம் என்கிறார்கள்.

இந்தியா முழுக்க எவ்வளவு விரைவாக, தார் எஸ் யூ வி வாகனத்தின் சோதனை ஓட்டத்துக்குக்கான வசதிகள் செய்ய வேண்டுமோ, அத்தனை விரைவாக ஏற்பாடு செய்து கொண்டு இருக்கிறார்களாம். கூடிய விரைவில் இந்தியா முழுக்க தார் எஸ் யூ வி வாகனத்தை ஓட்டிப் பார்த்து நீங்களும் புக் செய்யலாம்.

இந்த ரக வாகனங்களுக்கு இத்தனை அதிக புக்கிங்கள் இதுவரை வந்தது கிடையாது என மஹிந்திரா & மஹிந்திரா ஆட்டோமொபைல் கம்பெனியின் முதன்மைச் செயல் அதிகாரி விஜய் நக்ரா சொல்லி இருக்கிறார். இந்த புதிய தார் எஸ் யூ வி ரக வாகனத்தின் விலை 9.8 லட்சம் முதல் 13.75 லட்சம் ரூபாய் வரை இருக்கிறதாம். AX மற்றும் LX என இரண்டு ரக வாகனங்களை அறிமுகப்படுத்தி இருக்கிறார்கள். பெட்ரோல் மற்றும் டீசல் என தனித் தனி வேரியன்ட்களும் அறிமுகப்படுத்தி இருக்கிறார்களாம்.

தார் எஸ் யூ வி ரக வாகனங்கள் இந்தியாவிலேயே வடிவமைக்கப்பட்டதாம். தார் எஸ் யூ வி வாகனங்களை மஹிந்திரா & மஹிந்திரா கம்பெனியின் நாசிக் ஆலையில் உற்பத்தி செய்கிறார்களாம். தேசிய பங்குச் சந்தையில், நேற்று (5 அக்டோபர் 2020, திங்கட்கிழமை) 607 ரூபாய்க்கு வர்த்தகம் நிறைவடைந்த மஹிந்திரா & மஹிந்திரா பங்கு விலை, இன்று வர்த்தக நேர முடிவில் 3.54 % விலை ஏற்றம் கண்டு, 628 ரூபாய்க்கு வர்த்தகம் நிறைவடைந்து இருக்கிறது.

LEAVE A REPLY

Please enter your comment!
Please enter your name here

- Advertisment -

Most Popular

கொரோனா தடுப்பூசி போட்டுக்கொள்ள மருத்துவர்கள் மறுப்பு

நாடு முழுவதும் கொரோனா தடுப்பூசி போடும் திட்டத்தை பிரதமர் மோடி ஜனவரி 16 சனிக்கிழமையன்று காணொலி மூலம் தொடங்கி வைத்தார். ஐதராபாத்தைச் சேர்ந்த பாரத் பயோடெக் நிறுவனம், இந்திய மருத்துவ ஆய்வு கவுன்சிலுடன்...

தமிழகத்திற்கு பேட்டரி பேருந்து வாங்கும் திட்டம் தற்காலிகமாகவே நிறுத்தம் – போக்குவரத்துத்துறை அமைச்சர்

தமிழகத்திற்கு பேட்டரி பேருந்து வாங்கும் திட்டம் தற்காலிகமாகவே நிறுத்தப்பட்டுள்ளது என போக்குவரத்துத்துறை அமைச்சர் எம்.ஆர்.விஜயபாஸ்கர் சென்னையில் பேட்யளித்தார். 2021 தேர்தலில் மீண்டும் வெற்றிப் பெற்றபின் பேட்டரி பேருந்து திட்டம் செயல்படுத்தப்படும் என கூறினார்.

ஆஸ்திரேலியாவுக்கு எதிரான கடைசி டெஸ்ட் போட்டி – சுந்தர், தாக்கூர் அரைசதம்

ஆஸ்திரேலியாவுக்கு எதிரான கடைசி டெஸ்ட் போட்டியில் இந்திய அணி 336 ரன்களில் ஆல்அவுட் ஆனது. சிட்னி டெஸ்ட்டில் ஆஸ்திரேலிய அணியை விட 33 ரக்னள் பின்தங்கிய நிலையில் இந்திய அணி உள்ளது. 6...

வேளாண் சட்டங்களை திரும்பப் பெறுவதே விவசாயிகளின் போராட்டத்தை முடிவுக்கு கொண்டு வருவதற்கான தீர்வு – ப.சிதம்பரம்

விவசாயிகளின் போராட்டத்தை முடிவுக்குக் கொண்டுவர வேளாண் சட்டங்களைத் திரும்பப் பெறுவது ஒன்றே தீர்வாக இருக்கும் என்று காங்கிரஸ் மூத்த தலைவர் ப.சிதம்பரம் தெரிவித்துள்ளார். மத்திய அரசு கொண்டுவந்துள்ள மூன்று வேளாண் சட்டங்களை ரத்து செய்ய...

Recent Comments