Monday, May 23, 2022
Home உலகம் பொலிவியாவில் அதிர்ச்சி - கடந்த 5 நாட்களில் 400-க்கும் மேற்பட்ட சடலங்கள் சாலைகளில் மீட்பு

பொலிவியாவில் அதிர்ச்சி – கடந்த 5 நாட்களில் 400-க்கும் மேற்பட்ட சடலங்கள் சாலைகளில் மீட்பு

பொலிவியாவில் கடந்த 5 நாள்களில் சாலைகள் மற்றும் தெருக்களில் 400 க்கும் மேற்பட்ட சடலங்கள் மீட்கப்பட்டுள்ளது பெரும் அதிர்ச்சியை ஏற்படுத்தியுள்ளது.

தென் அமெரிக்க நாடான பொலிவியாவில் கடந்த ஜூலை 15 முதல் 20 வரை நாட்டின் சில பெரிய நகரங்களின் வீதிகள், வாகனங்கள் மற்றும் வீடுகளில் 400 க்கும் மேற்பட்ட இறந்த உடல்களை காவல்துறையினர் கைப்பற்றியுள்ளனர். இதில், 85 சதவிகிதம் பேர் கொரோனா வைரஸால் இறந்ததாக நம்பப்படுகிறது.

கோச்சபம்பா பெருநகரப் பகுதியில் மொத்தம் 191 சடலங்களும், நிர்வாகத் தலைநகர் லா பாஸில் 141 சடலங்களும், மிகப்பெரிய நகரமான சாண்டா குரூஸில் 68 சடலங்களும் மீட்கப்பட்டுள்ளதாகத் தகவல் தெரிவிக்கப்பட்டுள்ளன.

உயிரிழந்தவர்களில் 85 சதவிகிதம் பேர் கொரோனா வைரஸ் தொற்றால் உயிரிழந்துள்ளதாக அந்நாட்டின் தேசிய காவல்துறை இயக்குனர் இவான் ரோஜாஸ் தெரிவித்தார்.

அந்நாட்டின் கோச்சபம்பா மற்றும் லா பாஸ் நகரங்களில் கொரோனா வைரஸ் தொற்று தீவிரமாகப் பரவி வருவது குறிப்பிடத்தக்கது.

இன்றைய நிலவரப்படி, பொலிவியாவில் இதுவரை 64,135 பேர் கொரோனா தொற்றால் பாதிக்கப்பட்டுள்ளனர். 2,328 பேர் உயிரிழந்துள்ளனர். அதே நேரத்தில் 19,721 பேர் குணமடைந்துள்ளனர்.

- Advertisment -

Most Popular

ஒவ்வொரு மாநிலத்தின் மொழியும் இந்தியாவின் அடையாளம் – பிரதமர் மோடி

ராஜஸ்தான் ஒவ்வொரு மாநிலத்தின் மொழியும் இந்தியாவின் அடையாளம் தான் என்று ராஜஸ்தானில் நடைபெற்று வரும் கூட்டத்தில் காணொலி வாயிலாக பிரதமர் மோடி கூறியுள்ளார். ஹிந்தி திணிப்பு பற்றி சர்ச்சை நிலவி வரும் நிலையில் மாநில...

பெகாசஸ் விசாரணை குழுவுக்கு அவகாசம் நீட்டிப்பு

டெல்லி பெகாசஸ் விசாரணை குழுவுக்கு அறிக்கை தாக்கல் செய்ய அவகாசம் நீட்டித்து உச்சநீதிமன்றம் உத்தரவிட்டுள்ளது. ஜூன் மாதம் 20-ம் தேதிக்குள் விசாரணை அறிக்கையை தாக்கல் செய்ய வேண்டும் எனவும் உச்சநீதிமன்றம் கூறியுள்ளது.

முன்னாள் அமைச்சர் எஸ்.பி. வேலுமணி மீதான வழக்கை தள்ளுபடி செய்ய உச்சநீதிமன்றம் மறுப்பு

அதிமுக முன்னாள் அமைச்சர் எஸ்.பி. வேலுமணி மீதான டெண்டர் முறைகேடு வழக்கை தள்ளுபடி செய்ய உச்சநீதிமன்றம் மறுப்பு தெரிவித்துள்ளது. அதிமுக ஆட்சியில் உள்ளாட்சித்துறை அமைச்சராக இருந்த வேலுமணி மாநகராட்சி பணிக்கு ஒப்பந்தங்கள் ஒதுக்கியத்தில்...

ஷவர்மா ஆபத்தான உணவா?

ஷவர்மாவை சூடாக்கும்போது வெளியில் உள்ள பகுதி மட்டுமே வேகிறது. இறைச்சி போதிய அளவில் வேகாமல் உள்ளதுதான் பிரச்சனை. கோழிக் கறியைக் குளிர்பதனப் பெட்டியில் வைக்காமல் வெளியிலேயே வைத்திருப்பதால் அவை கெட்டுப் போகின்றன. வெளிநாட்டு...

Recent Comments