கரோனா வைரஸ் தாக்கம், அமெரிக்க டாலருக்கு நிகரான இந்திய ரூபாயின் மதிப்பு சரிவு உள்பட பல்வேறு காரணங்களால் தங்கத்தின் விலை பிப்ரவரி 18 முதல் உயா்ந்து நாள்தோறும் புதிய உச்சத்தைத் தொட்டது. இதன்பிறகு, தங்கத்தின் விலை ஏற்ற, இறக்கமாக இருந்து வந்த நிலையில்,கடந்த சில நாள்களாக விலை குறைந்து வந்தது.
இந்நிலையில்,சென்னையில் திங்கள்கிழமை ஆபரணத் தங்கம் பவுனுக்கு ரூ.72 உயா்ந்து ரூ.31,544-க்கு விற்பனை செய்யப்பட்டது. ஒரு கிராமுக்கு ரூ.9 உயா்ந்து, ரூ.3,943-க்கு விற்பனையானது. அதேநேரத்தில், வெள்ளி விலை குறைந்துள்ளது. வெள்ளி கிராமுக்கு ரூ.3.20 குறைந்து, ரூ.40.80 ஆகவும், கட்டி வெள்ளி கிலோவுக்கு ரூ.3,200 குறைந்து ரூ.40,800 ஆகவும் இருந்தது.